Can sənə qurbandı ana
Heç kimi mən istəmirəm gəl urəyim qandı Ana
Hardasan axər bura gəl can sənə qurbandı Ana
Sən o zaman hey darıyardın başimi indi vəli
Bir çək əlin saçlarıma gör nə pərışandı Ana
Səy edirəm görməsin heçkəs gözümün yaşlarını
Neyniyim olmur bilinir gözlərim gıryandı Ana
Düz o zamandan ki səni aldı əlimdən bu cahan
Hər günümün təkcə işi nale vo əfğandı Ana
Ayrılıqında bu könül od tutub axər yanırı
Bir məni al sən qucağan ki mənə dərmandı Ana
Çoxlu səni mən sevirəm bəsdi daha heç demirəm
Gör nə sən axər ki yerin cənnəto rızvandı Ana
Şair : Vəhid Şükürzadə
بو شعری تقدیم ائدیرم گوزل آناما ( روحی شاد اولسون ) …
جان سنه قوربان دی آنا
هئچ کیمی من ایسته میرم ، گل ئورگیم قان دی آنا
هارداسان آخر بورا گل ، جان سنه قورباندی آنا
سن اُو زامان هی دارییاردین باشیمی ایندی ولی
بیر چک الین ساچلاریما گؤر نه پریشان دی آنا
سعی ائدیرم گؤرمه سین هئچ کس گؤزومون یاشلارینی
نینییم اُولمور بولونور گؤزلریم گریان دی آنا
دوز اُو زامان دان کی سنی آلدی الیم دن بو جاهان
هر گونومون تک جه ایشی ناله و افغان دی آنا
آیریلیقین دا بو کونول اُوت توتوب آخر یانیری
بیر منی آل سن قوجاغان کی منه درمان دی آنا
چوخلی سنی من سئویرم بسدی داحا هئچ دئمیرم
گؤر نه سن آخر کی یئرین جنت و ریضوان دی آنا
شاعیر : وحید شکرزاده
آنالار گونون بوتون آنالارا تبریک دییرم
Filed under: وحید شکرزاده نین شعرلری Vəhid Şükürzadə'nin şeirləri, تورکی شعرلر Türkcə şeirlər Tagged: | Ana şeiri, analar, منیم آنام, آنا شعری, آنالار
