بایاتیلار
داغ باشین دولو گؤزلر
ساغ گئدن سولو گؤزلر
گونلر کئچر غربت ده
یار یاتماز یولو گؤزلر
چن گئدیر چمن اوسته
دوشور یاسمن اوسته
یار نه واخت بیزه گلسه
یئری وار سینم اوسته
عزیزیم هئی دردیمی
بو گلن حیدر دی می ؟
کاش آنام ساغ اولایدی
چکئیدی هئی دردیمی
عزیزی یم گینه سن
صفا گلدین گینه سن
فیکریم ، ذیکریم ، خیالیم
سنسن ، سنسن ، گینه سن
داغ باشیندا سار منم
قلبی قره تار منم
دییللر یار کوسوبدی
حتما گوناهکار منم
Filed under: آذربایجان ادبیاتی Azərbaycan ədəbiyati Tagged: | آذربایجان بایاتیلاری, بیاتی, بایاتی, بایاتی لار, بایاتیلار, تورکی بایاتی
sagh yashayin