اونودا بیلمه یه جکسن + نصرت کسمنلی

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

اونودا بیلمه یه جکسن / نصرت کسمنلی

سن سیز ائله بیلمه اؤله جه یه م من
قارا بیر کدره دؤنه جه یه م من
گئجه لر یوخونا گله جه یه م من
سن منی اونودا بیلمه یه جک سن

عمرونده ناراحات ایزیم قالاجاق
آلووم سؤنسه ده کؤزوم قالاجاق
آرخانجا همیشه گؤزوم قالاجاق
سن منی اونودا بیلمه یه جک سن

سن ائله بیلمه کی غمدن اوزاقسان
عمرونو گونونو اودوزاجاقسان
اؤزونو بلکه ده اودوزاجاقسان
سن منی اونودا بیلمه یه جک سن

منی اونوتماغا عینادین کیمی
ایلک سئوگی آغریسی ، فریادین کیمی
لاپ اؤز آدین سوی آدین کیمی
سن منی اونودا بیلمه یه جک سن

باغیشلا + نصرت کسمنلی

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

باغیشلا / نصرت کسمنلی

بیر سؤزومله اوره یینه توخوندوم
یالواردیغیم سؤزلریمه باغیشلا
ایسته ییرسن گل دیلیمدن آس آنجاق
سنی سئون گؤزلریمه باغیشلا

هارا گئتسه ، سیزه طرف یول آلان
یالنیز سنین آتشینه قالانان
ائوینیزه پروانه تک دولانان
ناخیش – ناخیش ایزلریمه باغیشلا
..
اؤزون یازدین اوره ییمه آدینی
سن گؤستردین محبتین دادینی
اینجیک لیین آتشی نی اودونو
کوله دؤنموش گؤزلریمه باغیشلا

اوزونده بیر تبسم + نصرت کسمنلی

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

اوزونده بیر تبسم /نصرت کسمنلی

اوزونده بیر تبسم
سن دؤنوب باخمادین می ؟
بیر باخیشلا کؤنلومو
یاندیریب یاخمادین می ؟

یاشادین اومودومدا
کول آختاردین اولدومدا
قارالمیش بولودومدا
شیمشک تک چاخمادین می ؟
..
آتیب اوزدن تئلینی
بال ائیله دین دیلینی
منیم تک بیر دلینی
یولوندان ساخلادین می ؟
..
کولک کیمی اسن سن
شئیطان می ، یا نه سن سن ؟
پامبیقلا باش کسن سن
آللاهدان قورخمادین می ؟

بوراخ اللریمی + نصرت کسمنلی

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

بوراخ اللریم / نصرت کسمنلی

بوراخ اللریمی داها
الیم الینده اوشودو
آیریلیق زامانی گلدی
بو دا آللاهین ایشیدی

سن اوزومه باخا – باخا
یازما هر ایشی گوناها
اللریندن اوچدو داها
سئوگی بیر فرصت قوشویدو
..
هوچ بیلدین می نه لر چکدیم؟
سنلی واختدا دا تکیدیم
اول آخیر گئده جکدیم
بو عشق حسرته توش ایدی
..
بیر آد داشییریق ایندی
« یوخ » دئمه دیک کیم نه دئدی
هر کس منه سئوگیلیدی
هر کس ده سنه کیشیدی
..
سؤندوردون قلبیمده اودو
بیر گونلوک سئوگیدیر آدی
بلکی سنه باهار اولدو
آمما منیم چون قیشیدی
..
بوراخ اللریمی داها
الیم الینده اوشودو
طالع بیزی گرروشدوردو
بودا آللاهین ایشیدی

سندن اوته ری + نصرت کسمنلی

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

سندن اؤته ری / نصرت کسمنلی

گول ایسته چمن لری
بیچیم سندن اؤته ری
زهیر دولدور باده یه
ایچیم سندن اؤته ری

نه اولار بیر سلامدان
سایماز کئچمه یانیمدان
جان ایسته اؤز جانیمدان
کئچیم سندن اؤته ری

گوندوز گئجه دن قارا
باخیشین چکیر دارا
هئچ بیلمیرم من هارا
گئدیم سندن اؤته ری

گؤزومدن سئل آخاجاق
سئلدن سؤنه جک اوجاق
هله چوخ آغاراجاق
ساچیم سندن اؤته ری

حایات کوهنه بایاتی
غم لی دیر نفاراتی
اؤلومو یا حیاتی
سئچیم سندن اؤته ری

گئجه گوندوز بیلمه ییر
حسرت قلبیمی یئییر
واللاه یامان گؤینه ییر
ایچیم سندن اؤته ری

باشقا بیریسینی سئوه بیلمزسن + نصرت کسمنلی

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

نصرت کسمنلی + باشقا بیریسینی سئوه بیلمزسن

هله قلبیمیزده خاطره ایزی

هله آیریلیقین نملیدیر گوزو

هله کی سئویریک بیر بیریمیزی

باشقا بیریسینی سئوه بیلمزسن

گور نئچه نغمه نین بسته سی قالیب

بو اوجاق سونوبسه توستوسو قالیب

الینده الیمین ایستیسی قالیب

باشقا بیریسینی سئوه بیلمزسن

اینجیدیب ، قلبیمه دیه بیلمیرسن

یولونو بیر یوللوق ایه بیلمیرسن

منه «یوخ» سؤزونو دییه بیلمیرسن

باشقا بیریسینی سئوه بیلمزسن

ایل کئچیر ، عومورده خاطیره قالیر

باهار گؤللریمیز غونچه ده سولور

هله کی ، گوزلرین منی آختاریر

باشقا بیریسینی سئوه بیلمزسن

آخار گؤزوموزون یاشی قوروماز

دئییردیک بو ایلقار ـ پیمان پوزولماز

بئله سئوه سئوه آیریلماق اولماز

باشقا بیریسینی سئوه بیلمزسن

عومرومدن بیر آن – نصرت کسمنلی

عومرومدن بیر آن

عومرومدن بیر آنی اوغورلامیشیق

قاچیب بؤلوشوروک بو خلوت یئرده

پاییزدان آیریلان کوچه ری قوشوق

کیم بیلر بلکه ده گؤروشدوک بیرده

بؤشالیر اوره یین دولور گؤزلرین

کئچیتمیش زامانی لعنت له ییرسن

دولاشیب دیلینده قالیر سؤزلرین

اؤزونده بیلمیرسن نه ایسته ییرسن

اؤرتور گؤزلرینی یوخو خوماری

یوخون ساچین کیمی قاریشیق دوشور

فیکیرلی کئچیرسن ، بوگون یوللاری

عنوانین ، آدیملا ، دولاشیق دوشور

ده لی تک داش آتدیق بو ساکیت گوله

او داشی گئریه ، قایتارماق اولمور

بیزیم یالانیمیز ، یئرییر هله

ائله یئرییر کی ، ایزی ده قالمیر

آچادا بیلمیریک سیرری هئچ کیمه

ائله گیزلی گیزلی ، آلیشیریق بیز

بلکه ده بیر دوغرو سئوگی عشقینه

مین یالان اویدوروب دانیشیریق بیز

شاعیر : نصرت کسمنلی

İzlə

Hər yeni yazı üçün e-poçt qutunuza göndəriş alın.

%d bloqqer bunu bəyənir: