آتابابا سوزلری 13

يئددی قونشو بير قازانا محتاجدير

يئر ييه سيز اولاندا ، دونوز تپَيه چيخار

يئره دوشمکله گوهر قيمتدن دوشمز

يئرينه ايشَمگی بس دئييل ، شيرين چای دا ايسَيير

يئل اَسنده يئللنَر، يول گؤرنده يوللانار

يئل اَسيب ، قوز تؤکولوب

يئل ايله گلن ، سئل ايله گئدر

يئل ايله گلن يئل ايله گئدر

يئل قايادان نه آپارار؟

يئل وورور يئلنگه لر اوينايير

يئمَسه اللی ايل بسدير

يئمک ايله دويمايان ، يالاماق ايله نئجه دويار؟

يئمکله دويمادين ، يالاماقلا دوياجاقسان

يئمگسن دادی دوزدادير، دونيانين دادی گؤزده

يئمگين اوستاسی ، ايشلمَگين خسته سی

يئمَگين قوسماغی دا اولار

يئمَگين قولو ، ايشلمَگين خسته سی اولما

يئمَگينی يالنيز يئيَن يوکونواؤزو قالديرار

يئمَميسن قاز اتينی بيلميرسن لذّتينی

يئمَيَنين مالينی يئيرلر، اؤلوسونو ده سؤيرار

يئيرسن ائله يئه کی ، ديشلرينه ضرر دَيمَسين

يئيرسن قاز اتينی، گؤررسن لذّتينی

يئيرسن قسمتيندير، يئمزسن  اؤزون بيلرسن

يئيرسن قوّتين آرتار، وئررسن حرمتين

يئييلميش يئييلير، قوناغيم کوسولوگئدير!

يا اليمی کس ، يا اَتَگيمی

يا اونچو اؤلر ، يا دَييرمانچی

يا باغ اَتَگی ، يا داغ اَتَگی

يا بو دوه نی گودمَلی ، يا بو دونيادان گئتمَلی

يا بيل، يا بير بيلندن سوروش

يا توربا ييرتيلار ، يا داغارجيق

يا دالينا مين ، يا دالينا ميندير

يا دولت باشا ، يا قوزغون لئشه

يا دوه اؤلر، يا دوه چی ، يا دا اوستونده کی حاجی

يا کئچل حسن ، يا حسن کئچل

يا ولوله دن ، يل زلزله دن

يا هه ، يا يوخ

ياتاغان آسلاندان گزيَن پيشيک ياخشيدير

ياتان آسلان اولسا دا، فرصت اوياغيندير

ياتان اؤکوزه يئم يوخدور

ياتان ايلانين قويروغونو باسما

ياتيب يوخودا حالوا گؤروب

ياخشيليغا ياخشيليق هر کيشينين ايشيدير ، يامانليغا ياخشيليق مرد کيشينين ايشيدير

ياخينداکی علف ، اوزاقداکی آرپادان ياخشيدير

ياخينی قويوب اوزاقدان دانيشما

ياد گليب قوهوم اولونجا ، قوهوم ياد اولور

يار دردينی يار چکر

يار قاداسينی يار آلار

يار گئتدی ، يئری قالدی

يار منيمله يار اولسون ، کول ديبی ديار اولسون

يارا ساغالار ، يئری قالار

يارا وار باغلارلار ، يارا وار داغلارلار

ياراسی آواند اولانين طبيبی قاباغينا چيخار

ياراقسيز ايگيد بوينوزسوز قوج کميدير

ياری گؤر ، اؤزون ئانيش ، ائو ييخار آرا سؤزو

ياريماديق اودوندان ، کور اولدوقتوستوسوندن

يازانا باخما ، يازديغينا باخ

يازانی اؤزوندن ، پوزانی اؤزوندن

يازدا ايلاندان قورخان، قيشدا چاتيدان قورخار

يازدا باشی بيشَنين قيشدا آشی بيشر

يازدا بوزا يئريکلَيَن ، قيشدا گؤبَليه يئريکلر

يازدا ياتان ، قيشدا اوشويَر

يازوار، قيش وار ، نه توکنمز ايش وار

يازيدان قاچماق اولماز

ياش آغاج تئز اَييلر

ياش دا قورو اودنا يانار

ياشينا باخما ، باشينا باخ

ياغ ايچينده بؤيرک کيمی اوزور( کنايه)

ياغ گئدر ياغ اوسته ، يارما ياوان قالار

ياغ يئه ، ياخادا گز

ياغ ياخشی ياغدير ، حاييف کی ، ايت دريسينده دير

ياغمادی ياغيش ، بيتمَدی قاميش

ياغماسادا گورولدار

ياغی اود اَريدر، قار  گون

ياغی ياغ اوستوندن تؤکر ، يارمانی ياوان قويار

ياغيش ايسلادار، گون قورودوار

ياغيش ايله يئر گؤيرر، آلقيش ايله ار اؤيونر

ياغيش ياغار، يئر دويماز

ياغيشدان چيخديق ، ياغمورا دوشدوک

ياغيشدان قاچان دولويا دوشر

ياغيشدان قورتولدوق ، دامجييا دوشدوک

يالان آياق توتار آمما يئريمز

يالان اوز قارالدار

يالان جوجرر ، آمما بيتمز

يالانچی چوخ آند ايچر

يالانچی شاهيدی اوزاقدا ايستر

Advertisements

2 Cavab

  1. ijazovinan bu sozlari birdana mobila kitab eliram fbook barnamasina.

    yasha chokh guzaldilar

    • salamlar eləyin amma imkani olsa faylini yollayin mənə ta burda qoyum butun Azərbaycan faydalansin sağolun

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: