اولدوز و کوکب آنا دیلیم

اولدوز و کوکب

اولدوز يئددي ياشيندا



قارا چارشاب باشيندا


قوشولاراق کوکبه


يولا دوشدو مکتبه


معلم ايلک درسينه


ايقدام ائتدي ترسينه


آنا ديلين بوشلادي


آيري ديلده باشلادي


دئدي: آچين کيتابي


بيلن وئرسين جاوابي


چؤره يي گؤستره رک


اولدوز سسلندي: "چؤره ک


يوخ! کوکب جاواب وئر: "نان"


اولدوز ائشيت٫ سنده قان!


سؤيله اولدوز! نه دير بو؟


اولدوز جاواب وئردي: "سو"


يوخ! کوکب سن وئر جاواب!


کوکب جاواب وئردي: "آب"


کوکب سوينجه دولوب


اولدوزون رنگي سولوب


سولوب داياندي اولدوز


اولدوز تک ياندي اولدوز


ائوه گلنده آنا


اونو باسدي باغرينا


"آنا قوربانين اولسون!


نه يازدين٫ نه اوخودون؟"


دن سو وئريب قوشونا


گئچدي سوفرا باشينا


"سوال وئردي: آنا جان!


بو "چؤره ک"دير يوخسا "نان"؟


بس بو نه دير "آب" مي "سو"؟


آنا جاواب وئردي: "سو"


اولدوز سئوينديييندن


آناسىيلا اؤپوشدو


آنا باخيب اوزونه


سؤيله دي اؤز اؤزونه:


يا معلم آزيبدير!


يا کيتاب سهو يازيبدير!

Advertisements

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: