دای گل – حمیده رئیس زاده ( سحر )

دای گل !

 

حسرت ياش اولوب گوزلره دولماقدادي ؛ داي گل !

گوز ياشلاري آخماقدا سئل اولماقدادي ؛ داي گل !

هجران تورو دونياني قفس تك بورويوبدور

دونيا كيمي باغريم دا دارالماقدادي ؛ داي گل

سال داغلارا هاي ، گويده بولودلار ديله گلسين

يارپاق كيمي وارليق بويو سولماقدادي ؛ داي گل !

هجرينده كئچن لحظه لري يانقيلي ساز تك

غم پنجه سي ، آه زخمه سي ، چالماقدادي ؛ داي گل !

سنسيزليگه دوزمك نه ساياق ممكن اولارميش

دوزودوم ، دوزوموم جانيم آلماقدادي ؛  داي گل !

گل قوي گونشين بايدا سي دونيايه جالانسين

باغريمدا قارانليق ايزي قالماقدادي ؛ داي گل !

ياتماز ، يولونو گوزلريم اولدوز كيمي گوزلر

گوزلر كوكو ، حسرتله سارالماقدادي ؛‌داي گل !


هر گون " سحر" آدديملارينين ماهني سين ايزلر

آچميش سحرين باغري قارالماقدادي ؛ داي گل !

 

حميده رئيس زاده (سحر)

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: