آنا – آنالار اوچون گوزل تورکی شعر

آنا

 

اليمده قلميم تيتريئب يازير

 تانرينين آديلان باشليرام سوزي

جانيمدان شيرينسن سن منه آنا

اورکده آليشير محبت کوزي

يريمده ياتميشام گليبدير آنام

آنا سيز اوغلونون ائوينه قوناق

ائوده کي گلدانيم يئنه گول آچيب

آنامين عطريلن دولوبدور اوتاق

بيليبدير نا خوشام يانيما گليب

تيکيبدير گوزونو گوزومه باخير

باسيبدير باغرينا بالاسين آنام

گوزوندن گوزوم تک گوزياشي آخير

سسلير ده گوروم نجورسن بالام

گورمييم بير زامان رنگيوي سولوب

گلميشم يئنه ده باش چکم سنه

دي گوروم ندندئر گوزلرين دولوب

ايستيرم دانيشيب درديمي دئيم

اوجادان آغلايئب چاغيرام  آنا

بولورسن نقده ر چکيره م ظولوم

هر گجه بولود تک ياغيرام آنا

سن گئديب دونيامي قارانليق آليب

باخميرام اول گوندن نه گونه آيا

قاليبدير اورکده چوخلي سوزلريم

اورگيم ياتراسي گلميير سايا

اوزوني دوندريب ايسته دي گئده

اوزاتديم اليمي آناما ساري

دئميرم آناجان دنيايا قايئت

اپاريب سني اوز يانينا تاري

گئديرسن صبر ائله مني ده آپار

نيليرم اناجان سنسيز دونياني

بيلميرم نيلديم فلکه آنا

سني يوخ اليبدير اليمدن جاني

يوخودان اويانديم گورمديم اوني

آنامدان واريدي ائويمده نشان

يئنه ده گلير دير آنامين سسي

آيريليق ياماندي ياماندي يامان

 

سوز: محمود محمد آقازاده _مرند

Advertisements

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: