زندگی نامه فضل الدین خاقانی

فضل الدين خاقاني


(١١٢٦ -١١٩٩)

شاماخي نين ملحم كندينده دؤغولموش ايلك تحصيلني عمي سينده ن آلمیش زمانه سينين بيليك لي عالم شاعري اولموشدور عبداله اونو شيروان شاه لار سارايينا دعوت ائديب اونا خاقاني تخلصونو وئرميشدير.

ساراي حياتي ايله باريشا بيلمه ين شاعر وضيعتني تحفه العراقين اثرينده قلمه آلميشدير،

مداين خرابه لري >حبسييه< كيمي مشهور قصيده لري وار شرق اؤلكه لريني سياحت أتميش عالم فاضل مشخص لرله گؤروشموشدور

١١٧٣  اينجي ايلده عايله سي ايله برابر تبريزه كوچموش اوردا وفات أتميش دير.

قبري سرخاب قبرستانليغيندا دير.

 

شراب سيز اولا بيلمز خومار اوچون چاره

نه ده فلك زده بير زخم كار اوچون چاره

گئدنده سن نئجه قالسين قرار كونلومده

قرار سيز لارا يوخدور قرار اوچون چاره

اگر مقصري زنجيره چكسه لر يئري وار

ندير او زولفه اويان بير شكار اوچون چاره

مسيحيدن سؤروشارديم گؤرنده سؤيله ندير

پري لر عاشقي بير ناله كار اوچو ن چاره

جنون الي ياخامين تيكمه ميش جيريقلاريني

ندير بو قارشي گلن نو باهار اوچون چاره

دؤرولماسان منه آئينه تك دوزون سويله

ندير بو قلبيمه چوكموش غبار اوچون چاره

وئررسه جانيني خاقاني يادا سالماز يار

نه دير الهي او بي اعتبار اوچون چاره

* * *

 

قاچماق فلكدن ايندي نه مومكون كمان چكير

دونيا خراب لا شير هامي اوندان آمان چكير

اولما فلك له دوست دئييل خوش طبيعتي

ترك ائت جهاني بوردا قالان ا لامان چكير

دونيا بزه كلي ايلانا اوخشاريير كي او

اوزده ن گؤزه لدير عالم ايچيندن زيان چكير

اهريمن اولدو جمله ملك لر زمانه ده

اوز دردينه قال اوزگه اياقدان يامان چكير

يئددي فلك له آلتي جهت هيج دئيش مئميش

عالم بيزي دئيشديره رك امتحان چكير

زنجيرله ميش فلك يئري اولدوزلاري اونون

اولموش مينيك آتي گئجه گؤندوز عنان چكير

خاقاني آغلاما كي سنين آه و شيوه نين

دهرين سازيندا نغمه يئرينه فغان چكير

* * *

 

بيلديم كي بو نازيندان بير لحظه دايانمازسان

كونلومده اولان درده هرگيز سن اينانمازسان

معناسي نه دير دوشسم تورپاغينا ذيلت له؟

اؤپسم ده اياغيندان بير حاليمه يانمازسان

سوز وئرميشدين كامه آمما بو نه تئزليكله

بير عومور گئچيب گئتدي اوز وعده ني دانمازسان

مٍن اؤلمه لي اولسامدا، باري سن اؤزون اولدور

لاكين بيليرم لطفا قانيما بولانمازسان

خاقاني نين هرده ن بير دؤيدون قاپي سين گؤردون

قان منزليني باسميش،قاچدين داها آنمازسان

خاقاني اؤز عشقينده ثابيت قدم اول جان قوي

باش گئتمه سه بو يولدا وصليني قازانمازسان

***

 

ياريم دوشونمدي ظولمي ك م ائتمدي

جان ياندي گؤزلرين منه نسبت نم ائتمه دي

ائل قارشي سيندا دوشمني دوشمن قبول ائدر

يار اويمادي مني اوزونه همدم ائتمه دي

ائتمه دئمكده ن ديل آغزيمدا توك كيمين

ظلمون يئريتدي جانيما ياريم غم ائتمه دي

عشقي بو غملي جانيما صاحب له نن زمان

غم وئردي بهره، ياره مني محرم ائتمه دي

بيرگؤن بيزه جماليني گؤسترمه ييب ده يار

بير لحظه خسته جانيميزي خرم اتئمه دي

خاقاني نين يولوندا توكوب غم تيكان لاري

يولدان اونو گؤتورمه يه قدين خم ائتمه دي

***

 

آي نه لازيم سن كيمي مهرو كفايت دير منه

گول نه لازيم سن كيمي خوش بو كفايت دير منه

سئوگيلم عقليم اولوب دور عشقي نين ديوانه سي

چكمه زنجير فكري اول گيسو كفايت دور منه

گؤز ياشيم ديرسا بولودسوز بير ياغيش ياغديرمايان

بير بولود تك زولفي عنبربو كفايت دور منه

حسنونو سير ائتمه يه يوخ احتياج آيينه ده

اللرين تك بير ظريف گوزگو كفايت دور منه

زلفونون رنگي منيم معراج گئجه م دير شبهه سيز

قابه قوسينين ايكي ابرو كفايت دور منه

احتياجيم يوخ نه لازيم دور همانين كولگه سي

سايه يي كوينده اولسام بو كفايت دور منه

قصدي قيلميش توكمكه خاقاني نين قانين فلك

دور منه جو كفايت دل كيمي سن اوچون قتليم

***

قابه قوسين  قرآندان گؤتورموش سوزلردير معنيسي

ايكي قوس ، قو س كما ن ، قدر مصافه ، بوسوزلر محمد پيغمبرين ( ص) معراجينا عايد دير .

 

Advertisements

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: