آلقیش لار

آلقيشلار

 

آلقيشلار، نجيب و خيرخواه ديلگي ايفاده ائدن موعيّن مراسملرايله باغلي اوْلان آرزولاري بيلديرن . سؤيَلودير

آلقيشلارا خئيير دوعا دا دئيرلر .آلقيش مضمونجا قارغيشين ضدي ساييلير، بير پارا آلقيشلار وار كي عئينا قارغيشين منفي ايفاده سيدير. مثلا " سني گؤروم قازانديغيني داوادرمانا وئرمه يه سن" آلقيش و " سني گؤروم قازانديغيني داوادرمانا وئره سن" قارغيشيدير.

دئييلديگي كيمي آلقيشلارا كئچميشده "جادي" كيمي بير اينانج وار ايميش.

كاشغرلي اوز اثرينده بعضا ميثال اوٍچون آلقيش دا يازميشدير.

يول اوغور بولسون(يول اوغور اوْلسون)

دده قورقود كيتابيندا بير چوخ يئرلرده خصوصًا دستانلارين سونوندا آلقيشلارا راست گليريك :

يوم وئره يين خانيم:

يئرلي قارا داغلارين ييخيلماسين

كولگه ليجه قابا آغاجين كسيلمه سين

قانادلارين اوجلاري قيريلماسين

چاپار ايكن آغ _ بوز آتين بودورمه سين

چاليشاندا قارا پولاد اؤز قيليجين كوتلمه سين

آغ ساققاللي بابان يئري اوچماق اوْلسون

آغ بيرچكلي آنان يئري بهشت اوْلسون

آخر سونو آري ايماندان آييرماسين

آغ آلنينا بئش كلمه دوعا قيلديق قبول اوْلسون

گناهنيزي گؤركلي محمد مصطفي يوزو سويونا باغيشلاسين

 

آلقيشلارين دا باشقا قاليب سؤزلر كيمي قوللانماسي نين اؤز يئرلري وار.مثلا:

قيز كؤچورنده :

اوغوللو ،قيزلي اولاسان

آللاه بير بيريزدن آييرماسين.

آللاه سيزي بيربيريزه مهريبان ائله سين

وارلي، دولتلي اولاسان.

خوشبخت اوْلاسان

 

چيراقلاري يانديرانا:

ايشيقليغا چيخاسان.

 

بؤيوگونه نه ايسه گتيريب ،وئرن اوشاغين گتيرديگي شئيي اليندن آلماق هامان اليني اوجالديب، دئيرلر:

اوْ بوْيدا اولاسان .

 

باشقا اورنكلر:

ياي گونو آغارتيسيز، قيش گونو يورقانسيز اوْلماياسان.

آلله سيزي منه چوخ گؤرمه سين

سوفره ز آچيق اولسون

اليز قولوز آغريماسين

باختين آچيلسين

جيبين دولو اوْلسون

اللرين آغريماسين.

باشين قاراداغجا اوجالسين.

الله ائويوه بلا يئلي اسديرمه سين.

بخته ور داغيندا چپيك چالاسان.

الله سني آتاآناوا چوخ گورمه سين.

بئشيگين اوشاقسيز اوْلماسين.

ايشله مه ييب،ييه سن.

آلله ايشيوي راست گتيرسين

گلين پالتاريوي گييه سن

بركتلي اوْلسون

الله قوت وئرسين

بوش بئشيك گؤرمه يه سن

آللاه بايداغيوي اوجالتسين.

سني گوروم يوز ياشاياسان.

اوزون گولسون.

 

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: