قارغیش لار

قارغيشلار

 

قارغيش ناراضيليغي نيفرتي ايفاده ائدن سؤزلردير. مثلا:

"آغ گون گؤرمه يه سن"،

. "واي خبرين گلسين"

عاشيق شعرينده ده و عاشيق دستانلاريندا دا نظم حالينا گلميش قارغيش لارا راست گليريك . مثلا

آرزيقمبر دستانيندا، قمبر اؤز دوشمنلريني و رقيبلريني قارغايير، اونون قارغيشلاري

"جادي"كيمي اثر قيلير و نئجه دئميشدي ائله اوْلور. مثلا :

آي هؤكولسون هؤكولسون

قانلي داغلار سؤكولسون

آرزيني بزيَنين

اون بارماغي تؤكولسون

بو باياتيني اوْخودوقدان سوْنرا آرزيني بزيَن آروادين بوتون بارماقلاري بنديبنديدن قيريلير،

دستاندا گوروندوگو كيمي آيدين اوْلور كي هم قارغيش لار هم ده آلقيش لار قديم زامانلار دا "جادي" و "اووسون" ايله سيخ باغلي اوْلان ويردلر وسؤيَلولر ايميش لر.

ديوان الغات التركده بئله بير قارغيش واردير:

تانري قارغيشي آنين اوزونه )تانري قارغيشي اونون اوزونه(

دده قورقو ُت داستانلاريندا دا بير چوخ قارغيشلارا راست گليريك.مثلا :

قارشي ياتان قارا داغلاريني سندن سوْنرا من نئيلرم،يايلار اوْلسام منيم

گؤروم اوْلسون.

سويوق  سويوق سولارين ايچر اوْلسام منيم قانيم اوْلسون.

تاولا تاولا شاهباز آتين مينر اوْلسام منيم تابوتوم اوْلسون.

آشاغيداكي طنزله قاريشيق قارغيش دا عاشيق ادبياتينداندير:

 

سنين ارين اؤلسون ،منيم آرواديم

دوشسون آراميزا واي گوله  گوله.

 

عاشيق قربانينين ده وزيره سؤيله ديگي قارغيشلار ديّقته لايقدير :

 

وزير سني قارغييرام

حق ديلگين يئتيرمه سين

گؤيدن مين بير بلا ائنه

بيرين سندن اؤتورمه سين

اوتوروبسان آغ اوتاقدا

قان قوساسان لاختالاختا

سني گؤروم اؤلن واختدا

ديلين كلمه گتيرمه سين

 

قورباني قالدي بورادا

چاغير الله چاتسين دادا

مئيدين قالسين آرادا

ائل ييغيليب گؤتورمه سين

 

بعضا قارغيشلاري، سوًيوشلرله بير بوًلومده يئرلشديريرلر .آنجاق بونو بيلمك لازيمدير كي سؤيوشلر عصبيت اوزوندن دئييلير و اوندا گوجلو تحقير و توهين لحني واردير . حال بوكي قارغيش توهين دئييل بلكه بير بد دوعا دير.اوندا كيمسه نين شخصييتينه توخونولماز.

 

باشقا اؤرنكلر:

آلله باشيوي قويوب آياغيوا داش سالماسين

دوْكتورلار آستاناسيندان قورتولماياسان

قاپيقاپي ديله نه سن

سنينكي سنه دَيسين

يئره باتاسان

آدين باتسين.

ابولفضل بئليندن وورسون.

سني گوروم ايگيد اؤله سن.

اللرين قوروسون.

اونو گوروم ياريماسين.

بوياباشا چاتماياسان.

سني گوروم ننه ن پالتاريوي قوجاخلاسين.

سني گوروم پالتارين تزه قالسين.

بوخچان باغلي قالسين.

آغ گون گؤرمةيه سن .

قاپي  قاپي ديلنه سن.

واي خبرين گلسين.

اوٍزووه داش يامانسين.

سني گوروم چورك آتلي اوْلسون سن پيادا.

سنين كيمي اوغلاني چاي آشاغي آخيرديم،

چاي يوخاري آختاريم.

اونو اوندان دا پيس گونه قالسين.

نئيليم نئجائله ييمه قالسين.

آللاه اونا قنيم اوْلسون.

ياتسين،دورماسين.

.باغينين اوجاغي كئچسين.

خيشا گئتمز اؤكوزون اولسون، ايشه گئتمز اوغلون اولسون.)قاشقايي(

نبي آغا آدلي بير عاريف ده تبريز پادشاهيني بئله قارغيميشدير:

يانارين يانماسين

آخارين آخماسين

خزينه ن داشا دؤنسون

 

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: