جهنمده بیتن گول – عاصم اردبیلی -دانلود سورو شعری + mp3

جهنمده بیتن گول ( سورو ) واقعی داستانی

بو شعر واقعی بیرحیکایه دیر اونون دیکلمه سینی من کی اینترنت دن تاپا بیلمه دیم آمما یولداشلاریمین بیریسنده واریدی اونو بوردا قویورام شعریله باهم حتما قولاق آسین و شعری اوخویون دیکلمه سینده بو واقعه کامیل توضیح وئریلیب منده بیراز یازیرام

قزوین شهرینده سورو آدلی بیر قیز واریدی چوخ ساده و پاک.

اونون معلمی اردبیل شهریندن ( سرباز معلم ) بو قیزا ( سورو ) دییر کی منیم آروادیم یوخدو و ائولی دییلم و بوجور اولور سورو بو سرباز معللیمه عاشیق اولور .

معللیم کی قاییدیر اردبیله داحا خبر گلمیر سورویا و سورو کی اونا عاشیق اولموشدو دورور گئدیر اونون دالیسیجا . گلیر اردبیلده اوندان بوندان سوروشور و معللیمین ائوینی تاپیر و قاپینی دویور و او اوغلانین آروادی قاپینی آچیر .

سورو بیلیر کی او اوغلان بونو آلداتیب و یالان دییب و او گوندن آوارا و سرگردان دوشور اردبیل کوچه لرینه و …

قالانینی ایسته سز دیکلمه نی دانلود ائدین

جهنمده بیتن گول mp3

موبایل فرمتی آذ حجمیده amr

****************

****************

باشقا سروردن دانلود ائدین

جهنمده بیتن گول سورو mp3

amr  جهنم ده بیتن گول

دانلود 4 شیر سایتیندان danlod 4share

Cehennemde_biten_gul_www.duzluoglan.wordpress.com.mp3

Size: 9335 KB

اردبیل ین گوزل شاعیرلریندن بیری ” عاصم ” آدلی بیر دویغولو و درین معنالی یازیچی دیر . اونون بحر طویل یازماقدا قدرت لی قلمی واردیر . جهنمده بیتن گول آدیندا بحر طویل اینانیلماز بیر داستانی کی اردبیل شهرینده باش وئریب وصف ایله ییر . سیزدن ایستردیم کی اونو دقت له اوخویوب فیکیر لشه سیز .

جهنمده بيتن گول

فلكين قانلي اليندن بير آتيلميش يئره اندي،
بير فلاكت آنانين جان شيره سيندن سودون امدي،
بوللو نيسگيل شله سي چيگنينه آلدي،
تاي توشوندان دالي قالدي،
ساري گول مثلي سارالدي،
گونو تك باغري قارالدي.

خان چوبان سيز سئله تاپشيرسين اوزون،
يوردوموزا بير سارا گلدي،
بير وفاسيز يار اليندن سانا گلمز ياراگلدي،
بيريازيق قيز،
جان الينده ن جانا گلمز جانا گلدي،
گله جكده ((الموت)) دامنه سينده ن بورايا درمانا گلدي،
بير آدامسيز ((سورو)) آدلي،
الي باغلي،
ديلي باغلي!

((سورو)) كيمدير؟
بير گول دو جهنمده بيتيبدير،
سورو بير دامجي دي گوزده ن آخاراق اوزده ايتيبدير،
سورو يول يولچوسودوراگري ده يوخ دوزده ايتيبدير،
سورو بير مرثيه دير اوخشاياراق سوزده ايتيبدير،
او كونول لرده كي ايتميش دي ازلدن،
اودو گوزده ن ده ايتيبدير،
سورو بير گوزلري باغلي،
اوزو داغلي، سوزو داغلي،
اولوب هاردان هارا باغلي؟

بوشلاييب دوغما ديارين،
اوموب البته ياريندان،
ال اوزوب هرنه واريندان،
قوخماييب شهريميزين قيشدا آمانسيز  بورانيندان،
نه قاريندان،
گزير آواره تاپا يانديريجي دردينه چاره،
تاپا بيلمير،
چوخ سئوير عشقي باشيندان آتا،
آمما آتا بيلمير،
اووا باخ اووچو دالينجا قاچير آمما چاتا بيلمير،
ايش دونوب ليلي دوشوب چوللره مجنون سوراغيندا،
شيرين الده تئشه داغ پارچالايير فرهاد اوتورموش اوتاغيندا،
تشنه لب قو گور نئجه جان وئري دريا قيراقيندا،
وارليقين سون اثري آز قالير ايتسين ياناغيندا،
سانكي بير كوزدو بورولموش كوله وارليق اوجاغيندا،
كوزه يير پيلته كيمين ياغ توكه نيب دير چيراغيندا،
بوي آتير رنج باغيندا، قوجالير گنج چاغيندا،
بير آدامسيز ((سورو)) آدلي،
الي باغلي،
ديلي باغلي!

((سورو جان)) اومما فلكدن،
فلكين يوخدو وفاسي،
نه قدر يوخدو وفاسي،
او قدر چوخدو جفاسي،
كوهنه رقاصه كيمين هر كسه بير جوردور اداسي،
اوآياقدان دوشه ني ايستير آياقدان سالان اولسون،
او تالانميش لاري ايستير گونو گوندن تالان اولسون،
او آتيلميش لاري ايستير هاميدان چوخ آتان اولسون،
او ساتيلميش لاري ايستير قول ائده ركن ساتان اولسون،
نئيله مك قورقو بوجوردور،
فلكين نظمي ازلدن اولوب اضدادينه باغلي،
قاراسيز آغلار اولانماز،
دره سيز داغلار اولانماز،
اولوسوز ساغلار اولانماز،
گره ك هر بير گوزه له بير دانا چيركين ده يارانسين،
بيري انسين يئره گويدن بيري عرشه اوجالانسين،
بيري چالسين ال آياق غم دنيزينده،
بيري ساحيلده سئوينج ايله دايانسين،
بيري ذلت پالازين باشه چكيب ياشادا آنجاق،
بيري نين بختي اويانسين،
بيري قويلانسادا نعمت لره يئرسيز،
بيري ده قانه بويانسين،
آي آدامسيز سورو آدلي،
ساچلاريندان دارا باغلي!

نئيله مك ايش بئله گلميش،
چور گلنده گوله گلميش،
فلكين اگري كمانيندا اولان اوخ آتيلاندا دوزه دگميش،
ديلسيزين باغريني دلميش،
اگري قالميش دوز اگيلميش،
اونو خوشلار بو فلك ائل ساراسين سئللر آپارسين،
بولبول حسرت چكه رك گول ثمرين يئللر آپارسين،
قئيسي چوللرده قويوب ليلي ني محمللر آپارسين،
خسرو،
شيرين ايله ال اله وئرسين فرهادين قامتين اگسين،
باخاراق چرخ زمان نشئه يه گلسين،
كئفه دولسون،
((سورولار)) سولسادا سولسون،
سيسقا بير اولدوز اگر اولماسا اولدوزلار ايچينده،
بو سماء ظولمته باتماز،
داش آتان كول باشي قويموش داشيني اوزگه يه آتماز،
سن يئتيشسن هدفه اوندا فلك مقصده چاتماز،
داها افسانه ياراتماز،
((سورو)) آي باشي بلالي،
زامانين قانلي غزالي!

((سورو)) بير قوشدور خزان آيري ساليبدير يوواسيندان،
ال اوزوبدور آتاسيندان،
جوجه دير حيف اولا سود گورمه ييب اصلأ آناسيندان،
او زليخا كيمي يوسيف ايين آلمير ليباسيندان،
بونا قانع دير تنفس ائله يير يار هاواسيندان،
درد وئره ن درده ساليب آمما خبر يوخ داواسيندان،
آغلاييب سيتقاياراق بهره آپارمير دوعاسيندان،
او بير آيينه دير رسام چكيب اوستونه زنگار،
اوندا يوخ قدرت گفتار،
اوزو چيركين ديلي بيمار،
گنج وقتينده دل آزار،
گوره سن كيمدي خطاكار،
گوره سن كيمدي خطاكار!؟

شاعر :عاصم اردبیلی

Advertisements

Bir Cavab

  1. Yaşa Vəhit qardeşım ! çox zamandir axtarirdım

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: