تورکی شعرلر امام حسین و کربلا حاقیندا – حضرت زینب و علی اصغر

حسین جانیم

جانوم سنه قربان حسين همده جانانوم

سنون كلامون منه دين همده ايمانوم‏

 

آغور گلير نسگيلرون اى حسين جانم

چولده دوشوب سويگولرون اى حسين جانم

 

يانوروخ آناتك آغلوروخ ليلاتك

نيسگيلى زهرا تك شيداتك شيداتك

 

سس سيز سيزيلدير سوزيدن سينه لر سوزان

قاندا ياتوبلار گلرون اى حسين جانم

 

الينجه جوالارونا اليه عنايت

جان ياندورانان ياحسين كسمه حمايت‏

 

هر ايل محرم ايلروخ بيزده قيامت

يادان چيخادما بو شلاما اليه هدايت

 

يانوروخ آناتك آغلوروخ ليلاتك

نيسگيلى زهرا تك شيداتك شيداتك

 

بيز اولماديخ كرب وبلاه گچاخ جانان

دشمن قاباقون سد اداخ خندق قانان

 

اكبر باخا جنگ ايلياخ متن ميداندا

خونابه غرقاب ايلياخ شمرى هريانان

 

يانوروخ آتاتك آغلوروخ ليلاتك

نيسگيلى زهرا تك شيداتك شيداتك‏

 

ميداندا گاه شاخصى گدیب ايلريخ ناله

مسجده سينه ورروخ  تا اولا پاره

 

عاشورا  دا كربوبلا ايلوخ برپا

شهيدلرى ياد ايليوب گلروح زاره

 

يانوروخ آتاتك آغلوروخ ليلاتك

نيسگيلى زهرا تك شيداتك شيداتك‏

تیکرار ائیله مز

اللّهون ماء معينى، ميل مردار إيلمز

ساقى درياى كوثر، شورلا، إفطار ايلمز


 

تشنه دور تشنه حسين، امّا نه آلوده سويا

خضر ايچن گيزلين حيات سرچشمه سى، جار ايلمز

 

با ادب، با معرفت، شمره أل آشماز هيچ امام

مومن و كافر، دويوران قان وِرَر، زار ايلمز


 

ايلدى اتمام حجّت، تشنه، اصغر دريادى

قطرييه أَل آچماز هيچ دريا، بوجور كار ايلمز

 

او غنا دريا سودور، اوندا نيازه يوخدى يول

بى نياز هرگز نياز، محتاجه اظهار ايلمز


 

عارف شأن امام، با احتياط ياز، يا اوخى

اُو يداللَّه دور حسين، اللَّه ألين خوار ايلمز

 

مشكل خلقه گشايش، مشكه دوشمز أُوزى

يرده قانان سل گوشان، ناله سردار ايلمز


 

صورت اكبر جمال حقّه كامل آئينه

بوگوزل آئينه سينماز، توز اونى پار ايلمز


 

بو رقيه، رأفت اللَّه دان بويوك بير جلودور

رحمت اللَّه، لطف دن بنده دوشر زار ايلمز


 

گر كسيلسه باشى اول، كان شجاعت آخ دمز

شير حق، هيچ وقت وحشت، از سگ هار ايلمز


 

جنگ إديب قان إيلماخ سرداره، عادى شغل دور

يَل ييخان أل ساخليار، صبرون اُوزون تار ايلمز


 

بند بند چشم و روحوم، صبريوه، احسن ديور

احسن الخالق حسين خلق ادّى تكرار ايلمز


کرب و بلا ( کربلا )

كرب و بلا، آئين ده اوّل آيه اولدى

نطق حسين، قرآنونان، همپايه اولدى


 

بير شور و غوغا خلقته سالدى بو نهضت

روز قيامتده، قيامت سايه اولدى


 

فرزند زهرا پرچمى، عالمده أَسدى

قلب خلايق ناگهان ماتمده أَسدى


 

بير موج، عالم ده قو پولدى ساحل يوخ

بير فتنه قاخدى، عرش و جنت غمده أَسدى


***


عاشورانى غير از خدا، تحليل إدن يوخ

بو قصه نى غير از حسين، تكميل إدن يوخ

 

چوخلى موحّد، امتحانّان، خوش چيخيب لار

توحيدى بو اعماقودا، تجليل إدن يوخ


***

خالق خلايقدن، اوگون راضى اولوبدور

شاهد، شهيد اولماقونا، قاضى اولوبدور


 

زهرا، مربى سن، سن الحق، بارك اللَّه

فجر ولايت مطلعى، عالى اولوبدور


***


كوثر حسين، ساقى ابالفضل انبيايه

سرور حسين، باقى ابالفضل انبيايه

 

دلبر حسين دور عالمه عباس حسينه

حاكم حسين قاضي ابالفضل انبيايه

***


اللَّه چوخون خلق إيلييب، چوخ گل سِچوب دور

محصول خلقى روز عاشورا بيچيب دور

حضرت زینب مدحینده

الله آديله باشلورام زينبي مدحه بير چكم

خيرداجا دنيادا دوروب بير يكه مطلبي توكم


 

سلسله امامته سايه امني دن دييم

قاطبه امامته سايه امني دن دييم


 

باخ قلمه شهامته زينب آدين سالوب ديله

سلسله دار شهرتين شهرتيني سالوب ديله


 

زينب آديله آللهون فرقي منه بولوميوب

نور تقدسون بله جلوه سي هيچ گوروميوب


 

عالم عشقده بله بير هيجان تاپولميوب 

هيچ وقت آخي بوجوربله جان جهان آچولميوب


 

روح عظيم زينبه دينه ملك چيچيه له نيب

صفاي نور زينبه نور فلک چيچيه له نيب


 

لنگر صبر زينبي عرش گوروبدي قاوزانوب

نور دل علي قيزين گوروب ايشيق ايشيق لانوب


 

چوخ سني يورميوم ديوم زينبين ارزشين سنه

زينبي كربلاده چون حسين گوروب گليب ديله


 

علي محمده گوزل يولداشودي بو دنيادا

بركه بوشا داياخدولا بيربيرينه  بير جوت آقا


 

حسينه سن علي تكين داياخسان اي گوزل باجي

حسين گوزون يومور بولوراُياخسان اي گوزل باجي


 

هر نه گله چوخ امتحان حسينه زينب اُردادور

هر نه اولا بلا شديد  زينب حسينه آرخادور


 

يتميش ايكي لاله قانون زینب اًلي دي ساخليار

محور حقي تا ابد زينب الي قوجاخليار


 

يات حسين عباس اكبريم زينب الينده دور علم

قيرميزي قانلارا حسين گوز ياشون ايلرم حرم


 

سن دنه حق سوزون حسين يايليارام جهانه من

قوخما باجون فدا سنه ساخليارام نشانه من


 

منده عليدن اولموشام قوخمابلامنان اي حسين

يتيم لرينّن ايلرم حمايت اي خُمارلي عين


 

مضطرب اولما راحت اول زينبوون ديلي كسير

عباس الي تكين حسين دشمنه هر يولي كسير


 

يولا باشون نظاريه گور نه قدملروم گچور

كوفه ده قاوزادوم علم شامه كيمين سوزوم بيچور


 

قاتلوون عزتيني من گديرم اياقليام

شامه اياق قويدوم حسين ايستيرم حقي حاقليام


 

من لبي آشدوم اي اخا دشمني تا پوزام اَزم

روح علي ني گورسدم سينه لر اوسته بير گزم


 

ذلته سالدولار مني گور نجه عزت ايلدوم

    دشمن اِوينده يا حسين نهضته نهضت ايلدوم  

 

 آلله الي منله وار گور نجه حيرت ايلدوم

      جشن يزيدي ياحسين غرق مصيبت ايلدوم

 

 نیزه فرازوندا حسین قاره لی شامه سال نظر

دشمن حسینه آغلوری گور نجه اِیلورم گذر

 

چوخ سُزی قان دییمّه سه گوز یاشی اَلَّنَر دییَر

زینب اَلی گوزی دیلی قانلی قیامت ایلیر

 

مکتب شیعه دور بوجور تربیت آیت ایلیر

یوخ کیشی آرواد آیه سی شیعه قیامت ایلیر

 

اللریوه فدا جانوم قانلی بلکده پاره تن

شاقا باشوم فدا باشان نیزه باشوندا جان من

 

گوز قاشووا فدا باجون مثل هلال قاوزانوب

هر نه گوزوم باخور سنه پاره لی قلب اودلانوب

 

بیر بله فخرینن حسین هر نه دسن باجون یانوب

صحنه به صحنه کیم بولر قلب نجه اَلُو لانوب


علی اصغر عظمتی کربلا حادیثه سینده

اذن ور اي شاه شاهان نطقه گلسين اصغرين

آشماموش ديل بير زبانحالي دانوشسون دلبرين


 

جان وروبدور جان ورن ساعتده رازوننان دسون

اوخ دين حنجر سوسوز عطشان بوغازوننان دسون


 

اي آتا من سود امر بير قهرمانم فخر اله

بير بيابان لشگر ايچره رجز خوانم فخر اله


 

تا بوغازدا جان واريدي يولداش اولدوم يالقوزا

سود امرده گور نه گوژ وار من همانم فخر اله


 

اي آتا من ياتموشيديم بستر اطفاليده

سو يوخيدي سود يوخيدي ايلييم افطاريه


 

ال قول آشدوم ناله چكديم تا سسيم باتدياتا

حنجريم خشك الدي حتي ناله ده يادي آتا


 

ايسي يل نازك لبي چوخ اينجيديردي سوزودان

سوز صحرا عاجز ادي مني حتي قوزودان


 

هي آنام تيتريردي آغلوردي حيادن بي صدا

من بالوخ تك لب آچوردوم او چالوردي دست و پا


 

حرمت توحيده ارباب اوز آنام اولدي رباب

حوم اربابه رباب آرام آرام اولدي آب


 

مهدي ترپتدي بلك آچدي ديه يل جانوما

يل لباسدان ايسي چنگين هي باتوردي قانوما


 

ضعفيدن بو تازه دنيا فيرلانوردي باشوما

ايله سوزدوم كي تكان چيخميردي حتي قاشوما


 

هي عطش احوالي پرده سين توتوردي گوزلره

گوندوزون اوجي قرانلوخ كولگه سي دوشدي چوله


 

حس لر بير بير ياتوردي بير قولاق آماده دور

چول بوتون غرق صدادور هاي و هو غوغاده دور


 

فكر اديرديم كي عموم عباس هنوز هم زنده دور

قارداشوم اكبرله قاسم جنگيده رزمنده دور


 

من خيال ايليرديم الله لشكريم سر زنده دور

فكر اديرديم كربلاده عادلانه حمله دور


 

ناگهان بير سس اشيديم يوز عطشدن سهمگين

اوندا محشر بر پا اولدي سوز غيرتدن حسين


 

شن بويوردون قالموشام تك كيم گلر امداد الر

من ديريلديم قول قاناد آشدوم دديم اصغر ادر


 

سن امامت امتحانوندا مني قبول اله

اصغرون آواده دور اللرده ميدانه گده


 

لطف ادوبسن قبول ادون اصغري قربانلوغا

تحوبل الدون ناز دانن ايله دون احسان آتا


 

من ايشيخلاندوم دديم الله من ذبح اللهام

ثا الله دور حسين من ثار او ثار اللهام


 

ميدانا گد اي آتا قوخما بويوك اسماعيلم

گر چه التي آيلوغم بو چولده ولله بير ال ام


 

دوزدي چوخ سز وار نايون يوخ دورگداخ من سز ديوم

سز ديوم گوز گوز ديوم تا روز محش دوز ديوم


 

چوخ صدا لازم ديور هر سز دسن ديلسوز ديوم

سن مني عرضه اله اسراري من السيز ديوم


 

نه فقط بو كوفيانه عالمه قاش ايلوم

چوخ بويوك سز وار گلوده اذن ور فاش ايليوم


 

چوخ آغوردي كربلا رازي مدد وروم سنه

باخما طفلم بير مدد من تا ابد ورم سنه


 

سنده چوخ گوژ وار ولي نيرنگي فاش ايلرم

بو خباثت طينتي فاش مثل نقاش ايلرم


 

اذن ور اي شاه شاهان نطقه گلسين اصغرين

يحيي و عيسايه درس اورگدسين آخر دلبرين


 

من حسين اوغلي علي اولادي يعني اصغرم

راز دار سينه اسرار وحي اكبرم


 

روح قدسام حلقه قدوسياندا نامور

من او استادم كي اهل قدسا توحيد اورگدر


 

قمري باغ حسينم پور آل حيدرم

من بني هاشم الينده رازدار ديگرم


 

يوخ نياز عالمده مكثه اول آخر منده دور

عالم توحيده زيبنده منبر منده دور


 

باخما ال قولدا توان يوخ روح هستي سينه ده

من حسين اولاديم تفسير مستي سينه ده


 

من بو ميداندا هامو دان يكه بير رزمنده يم

تنگناي جنگ عرفاندا اول جنگنده يم


 

من حسين رازي حسن سازي علي پروازيم

فاطمه اسراريم پيغمبره هم بازيم


 

غرفه عليينه گل اوردا عالورده گز

يول تاپا بولسن اگر گل اسم اعظم لرده گز


 

اودا باخ گور كيمدي اصغر اسم اعظم هم كبير

چوخ كبيرلر اوردا هر لحظه اوپر پاي صغير


 

راز دار اهل بيتم امتحانه گلميشم

من مقيم وحدتم پس كن فكانه گلميشم


 

عرضه ايله اي آتا اصغر گرك پرواز اده

سر مظلوميتي ابراز چوخ ممتاز اده


 

صيحه چك دينه خلايق طفل زاروم تشنه دور

نيت ايله اللها دينه كي ياروم تشنه دور


 

صيحه چك دينه سو سوز دور دل كبابوم تشنه دور

نيت ايله اللها ده آب نابوم تشنه دور


 

عرضه ايله مست مغرور طينتين توكسون چوله

پشت پرده بلكه اوخ ديجاخ منه الله گوله


 

عرضه ايله پايه ظلم يزيدي سينديريم

عالم عرفاندا اهل قدسه توحيد آندوروم


 

اي آتا اسماعيلين آچ حنجرين تا پارلاسين

ايستمز گوز باغلاماخ گوي سوز بولن سوز آنلاسين


 

توت حسين جان تير اوچ شعبه بوغاز كج بيچميه

ذبحميز قبول اولا اما سنه اوخ ساچميه


 

باخ آتا جان حرمله آماده دور من گوز آچوخ

اذن ور هنگامه گورتولسن منه ور موشتولوخ


 

اوندا دشمن مست دنيا ايستدي تا قان آخا

ال گديب اوخ گلدي قدرتله بوغازا باش تاخا


 

آخدي قان يومدي گوز اولدوز تيتردي ال قول دوشوب

كفر اوجا يتدي ايمان اعلا يرده اگلشوب


 

ظلم اوين ييخدي علينين قاني استبداد سينيب

مين آيون حكومتي سوي سقوطه هي انيب


 

گشدي دنيا دوشدي اهل ظلم بير بير سر به سر

حرمله ياندي الولاني پيشيب دور تا جگر


 

لعنت سخت شديد حاكمه اولدي دچار

ظلم ايله هيچ كس تاپاماز عزت و قرب و وقار


 

هچ كس عالمده يزيده به به و احسن دمور

هچ بير انسان او پليده چهچه و سن سن دمور


 

اما هر كس نام پاك اهل بيتي يا ادور

جان قرار تاپمور بدون اذن معراجه گدور


 

نام اصغر افتخار عالمين اولي بيزه

جايگاه اصغر عالي آدي دين اولدي بيزه

×××

هر شعر من لذت يك حور العين دارد

مخصوصا آيه اي كه نام حسين دارد

×××

علی اصغر مدحی

علي اصغر

سينه سينه سوزوم، جوشه گلدى

يادوما، قبر شش گوشه گلدى


 

اى اورك قان اولوب، گوز ياشى توك

فاطمه ناله سى گوشه گلدى

***


غم يِلى، عالمى آلدى گشدى

جانلارى نيسگيله، سالدى گشدى

 

ظلم ألى، كين اوخى، حنجر آلتى

گورنجه باغ گولون، چالدى گشدى

***

يا حسين، قلب عجب، آهه دوشدى

داغلارا، داغ شش ماهه، دوشدى

 

يرگوى عاشورادا، لخته قاندى

قلب يارَه، تازا ياره دوشدى

***


اوخ بيچيب، خيردا باش أَلده قالدى

نااميد أَل، قانيله قيزاردى


 

اوخ تيكيب دور او شاغى، قوجاقه

قول قاناد چالدى، باغروندا قالدى

***


اُوردا علم امامت، داياندى

حيران اولدى حسين، هى دولاندى


 

گوره مسين تارباب، گُل تالاندى

خيمه بيرگديب، بير قييّدِى

***


خيمه نين دالداسون قصد إِديب دور

شمشيره، سارى بيرأَل گدوبدور

 

اصغر الده، آتا قبرى قازدى

صبر إدوب، وصل ياره يتوبدور

***


اصغر اُولدى كليد گشايش

احسن الخلقه، اوج نمايش


 

قالدى حيران، مقرَّبله مرسل

اصغر آلدى مدال همايش

( اصغريم حاصل آزمايش)

***


اصغرون قانى، حقّى ديريدّى

قان گوجيله باتوب حيله إيتدى


 

ظلم اولوب رسوا، جاهل اوياندى

قائمون شمشيرين، كسگين إتدى

***


اصغر اى، فخر آل محمد

حقون اثباتونا، مُهر سرمد


 

سن دير يدّون، حسنيون پيامون

مديونون دور، أَحَد تا به احمد

***

ناوك تيز، ارسال حقى

بهترين قُمرى، آل حقى


 

چون تو تبليغ دين، كس نكرده

شيعه را، مُهر إكمال حقى


 

جمله حق، بسته لب، گفتهاى نيك

بى رمق، اى عجب، خفتهاى نيك


 

اى به گلزار گوهر، تو جوهر

روى سينه، چو درّ سفته اى نيك

***

Advertisements

2 Cavab

  1. مجموعه نوحه های ترکی

    https://duzluoglan.wordpress.com/2009/12/17/%d8%af%d8%a7%d9%86%d9%84%d9%88%d8%af-%d9%86%d9%88%d8%ad%d9%87-%d9%87%d8%a7%db%8c-%d8%a8%d8%b3%db%8c%d8%a7%d8%b1-%d8%b2%db%8c%d8%a8%d8%a7-%d9%88-%d8%af%d9%84%d9%86%d8%b4%db%8c%d9%86-%d8%aa%d8%b1%da%a9/

    دانلود مداحی های ترکی حاج صدیف

    https://duzluoglan.wordpress.com/2009/12/17/%d8%a8%db%8c%d9%88%da%af%d8%b1%d8%a7%d9%81%db%8c-%d8%ad%d8%a7%d8%ac-%d8%b5%d8%af%db%8c%d9%81-%d9%85%d8%af%d8%a7%d8%ad-%d8%a8%d8%b2%d8%b1%da%af-%d8%a2%d8%b0%d8%b1%d8%a8%d8%a7%db%8c%d8%ac%d8%a7/

    گلچین مداحی های آذربایجان

    https://duzluoglan.wordpress.com/2009/12/17/%d8%af%d8%a7%d9%86%d9%84%d9%88%d8%af-%d9%86%d9%88%d8%ad%d9%87-%d8%aa%d8%b1%da%a9%db%8c-%d8%a2%d8%b0%d8%b1%d8%a8%d8%a7%db%8c%d8%ac%d8%a7%d9%86%db%8c-%da%af%d9%84%da%86%db%8c%d9%86-%d9%85%d8%af%d8%a7/

    مداحی های ترکی محرم 86

    https://duzluoglan.wordpress.com/2009/12/17/%d8%af%d8%a7%d9%86%d9%84%d9%88%d8%af-%d9%85%d8%af%d8%a7%d8%ad%db%8c-%d9%87%d8%a7%db%8c-%d8%aa%d8%b1%da%a9%db%8c-%d9%85%d8%ad%d8%b1%d9%85-%d8%b3%d8%a7%d9%84-86-%d8%af%d8%a7%d9%86%d9%84%d9%88%d8%af/

    نوحه های ترکی علیزاده

    https://duzluoglan.wordpress.com/2009/12/17/%d9%85%d8%af%d8%a7%d8%ad%db%8c-%d9%87%d8%a7%db%8c-%d8%ad%d8%a7%d8%ac-%d8%af%d8%a7%d9%88%d9%88%d8%af-%d8%b9%d9%84%db%8c%d8%b2%d8%a7%d8%af%d9%87-%d8%a7%d8%b1%d8%af%d8%a8%db%8c%d9%84%db%8c-%d8%aa%d9%88/

    نوحه های ترکی حاجسلیم موذن زاده

    https://duzluoglan.wordpress.com/2009/12/17/%d9%85%d8%af%d8%a7%d8%ad%db%8c-%d9%87%d8%a7%db%8c-%d8%ad%d8%a7%d8%ac-%d8%b3%d9%84%db%8c%d9%85-%d9%85%d9%88%d8%b0%d9%86-%d8%b2%d8%a7%d8%af%d9%87-%d8%a7%d8%b1%d8%af%d8%a8%db%8c%d9%84%db%8c-103-mp3/

    داونلود مجموه کامل نوحه ای تری از مداحان بزرگ آذربایجان

    https://duzluoglan.wordpress.com/2009/12/02/%d9%85%d8%ac%d9%85%d9%88%d8%b9%d9%87-%da%a9%d8%a7%d9%85%d9%84-%d8%af%d8%a7%d9%86%d9%84%d9%88%d8%af-%d9%86%d9%88%d8%ad%d9%87-%d8%aa%d8%b1%da%a9%db%8c-%d8%a2%d8%b0%d8%b1%d8%a8%d8%a7%db%8c%d8%ac%d8%a7/

    دالود نوحه های ترکی آذربایجانی

    https://duzluoglan.wordpress.com/2009/12/02/%d8%af%d8%a7%d9%86%d9%84%d9%88%d8%af-%d9%86%d9%88%d8%ad%d9%87-%d8%aa%d8%b1%da%a9%db%8c-mp3-%d8%aa%d9%88%d8%b1%da%a9%db%8c-%d9%86%d9%88%d8%ad%d9%87-%d9%84%d8%b1/

    تورکی نوحه لر – ای قلم و ییخیلیب عباسیم

    https://duzluoglan.wordpress.com/2009/12/02/%d8%aa%d9%88%d8%b1%da%a9%db%8c-%d9%86%d9%88%d8%ad%d9%87-%d9%84%d8%b1-%d8%af%d8%a7%d9%86%d9%84%d9%88%d8%af-%d8%a7%d9%88%da%86%d9%88%d9%86-%d8%a7%db%8c-%d9%82%d9%84%d9%85-%db%8c%db%8c%d8%ae%db%8c/

  2. قارداش سلام شعرلرن چخ قشنگ ديب سن ياشاسون الر اغورماسون من ترك قشقايي ام ياشاسون هامو توركلر.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: