عشقيده طوفان ائلدون يا حسين
عالمی حيران ائلدون يا حسين
نوحه محرم
گینه ماه عزا گلور – یانان اورکدن نوا گلور
یل اسنده اورکلره – صفای کرب و بلا گلور
هامی درده دوا گلور (2)
گینه اسدی قاره علملر- قرولوبدی مجلس غملر
اوجالوب بانگ واحسین
قره گی سسله یا حسین
ای ابوالفضلین عاشقی – گلور محرم نوایه گل
دوت الندن مریضیوین – ادبله دارالشفایه گل
آلاسان دردیوه دوا – مطّب شاه ولایه گل
حرم کربلایه گل (2)
گینه اسدی قاره علملر- قرولوبدی مجلس غملر
اوجالوب بانگ واحسین
قره گی سسله یا حسین
دل سقا تک آهیلن – الهی هئچ سینه یانمادی
باشینا دگدی بیر عمود – او قانلی گوزدن اوتانمادی
او سینان باش ائشتمیشم- جدا باشیندا دایانمادی
ستم اهلی اوتانمادی (2)
گینه اسدی قاره علملر- قرولوبدی مجلس غملر
اوجالوب بانگ واحسین
قره گی سسله یا حسین
سو یانیندا دوشن قولا – بو شیعلردن سلام اولا
آقامون اوخلی مشکینه- سلام ما لا کلام اولا
در عباسیده گرک- تمام شاهلار غلام اولا
اونا بزدن سلام اولا(2)
گینه اسدی قاره علملر- قرولوبدی مجلس غملر
اوجالوب بانگ واحسین
قره گی سسله یا حسین
سالوب عالملری غمه – اوقهرمانین چتین غمی
ایکی قول بیر گوزون وئروب – اورکده قرآن و دین غمی
دل زهرانی یاندیروب – عزیز امّ البنین غمی
او کسیلمیش الن غمی (2)
گینه اسدی قاره علملر- قرولوبدی مجلس غملر
اوجالوب بانگ واحسین
قره گی سسله یا حسین
شعری از استاد کلامی زنجانی
Advertisements
Filed under: تورکجه نوحه لر oxşamalar | Tagged: محرم نوحه سی,محرم در آذربایجان,محرملیق,محرمنیخ,مرثیه ترکی,واقعه عاشورا تورکی,ایمام حسین,تورکی شعر + امام حسین,تورکی شعر محرم اوچون,تورکی شعر عاشورا تاسوعا,شعر آذری محرم,شعر ترکی محرم |
Bir cavab yazın