نوحه سرایی واقعه عاشورا به ترکی – متن اشعار ترکی عاشورا شبیه خوانی

سنه قوربان 

 

سنه قربان آنان ای ماه پاره

علی رحم ائت بو زار و بی قراره

اوغول قلبیم یانیر سن ائتمه ویران

نئجه تاب ایلیوم بو غملی یاسه

اوغول گئتسن اولار باشیمه کوللر

اوغول اولام رضا گئت وئر سوسوز جان

 

 

فدا اولوم سنه من ای امام کون و مکان

آقا بو اکبری قیل روانه میدان

که منی رضا اولوم باتماقا قیزیل قانه

یوخدی منده چاره گرک تاب ائدم بو هجرانه

دوشوب یولا شهدا کاروانی لب عطشان

مرخص ائت بالامی من اولوم سنه قربان

 

فدا اولوم سنه ای شاه مذهب و ملت

اجازه وئر بو علی اکبر وئریم زینت

چکوم بو زلفونه شانه گؤزینه سورمه ناز

بزندیریم گتوروم ای امام ملک حجاز

 

بس گئدسن ایندی یئکه میدانه علی

گل سپوم اشگنهیله سود زلف پریشانه علی

آل بو قرآنی حمایل ایله حمایل رعنا قدیوه

بلکه رحم ایلیه لر آیه قرآنه علی

باشیوی سینه مه قوی سورمه چکوم گؤزلریوه

سورمه لازیمدی چکم وقتده قربانه علی

 

گل ای گؤزوم ایشیقی هم الیم عصاسی علی

اوغول نه چاره ائدیم من بو درد هجرانه

اوتور گلن یئره بیر باشیوه دوروم دولانوم

قوی چکوم اوغول شانه زولف عنبر افشانه

ایتدی دیلرون اوغلوم قلبیمی عجب ویران

فراق وقتیدی گل بیر قوجاقلیوم اوغلوم

باشون سینمده دویونجا بیر آغلیوم اوغلوم

 

گید ای اوغول سنه پروردگار یار اولسون

علی بئلینده اولان ذوالفقار یار اولسون

دایان اولسون آنان ای نوجوانیم

اورگده وار اوغول سر نهانیم

سالوم بو معجریمی بیر یئر اوسته

یئری استونده بیر ای نوجوانیم

یئری باخوم بویووا بیرجه مهربانیم اوغول

گورنمرم گئدسن یوخدی بیر گمانیم اوغول

یئری بو معجرون اوستونده بیر خرام ایله

شکسته قلب آناوی بیرجه شادکام ایله

 

قیل بیرنظر بوخسرو خوبانه ای عقاب

ماه مدینه یوسف کنعانه ای عقاب

بوجان سنون اماندی او جانه اوغلوم اکبرین

رحم ائت آتاسی شاه شهیدان ای عقاب

 

دئدم شمعون اله آللام

طویوندا قیرمیزی سالام

نه اینکه قاره پوش اولام

جوانیم وای جوانیم وای

 

گئدر الدن

 

چکسم بو حسین اوسته قشون کرب و بلاده

قورخوم بودی که دین و ایمان گئدر الدن

انصاف دگیل شرع پیمبر گده باده

مذهب پوزلوب دین مسلمان گئدر الدن

 

بالله چتین ایشیدیر بو ایشی ای شمر ستمگر

چکسم بو علی اوغلی حسین اوستونه خنجر

محشرده بیزه خصم اولی زهرا و پیمبر

حیدر اتکی اول شه مردان گئدر الدن

 

دونماق بو علی سلسله سندن دگیل آسان

اونلاردی شه هر دو سرا منبع احسان

بو طایفه نون شائنینه نازیلدی او قرآن

انکار ائله سن حورمت قرآن گئدر الدن

 

موشکولدی بوگون دین مسلمان گئده باده

محشر نبی امت الیندن گله داده

شافع کیم اولار بیزلره بس روز جزاده

محشر یقین شافع عصیان گئدر الدن

 

یوخ منده مروت نه ائدیم ای شمر بد اورنگ

صلح ایله ماقا قویمادین ائتدون منی دیل تنگ

نه نوع بو صحراده حسینیله ائدیم جنگ

باشلار کسولوب گؤر نئچه مین جان گئدر الدن

جنگه

 

بس نئیلییم ای شمر ستم پرور و دل سنگ

هر فوج قباقونده گؤرورسن نئچه سرهنگ

دورموشلار کمر بسته حسین قتلونه یک رنگ

بو بحر بلا ایچره دونوب جومله نهنگه

تا گئده لر مظهر ایمان ایله جنگه

 

فکرون ندی واضح سویله چوخ ائتمه غروری

بو هرزه دیلون سالدی منیم باشیمه شوری

یوخ عقلیوی باشه دیلیوه ائیلمه زوری

سالما منی ای شمر بو ناموسله ننگه

ایسته مه من آلچاق اولوم باخ بو پشنگه

 

طغیان ائلمه بیر بئله چوخ بستی توت آرام

هیهات سنه من باش اگم ایلییم اکرام

بو طعنه دیلون گتدی منیم قیبلمه اورام

موشگولدی وئرم لشگری سن تک او جفنگه

لعنت ائله سین دونیا سنین تک دل سنگه

 

ائتمه بئله تکلیفی منه ای اوزی قاره

سالما منی غوغایه قیلوم بو ایشه چاره

آساندی مگر قصد ائله ماق آل طهاره

موشگولدی حسین چنگه سنه وورماقا چنگه

ائتمه اوزوی خار بو دونیادا فرنگه

 

سنسون بیلن ای شوم دغا کافر مطلق

حقی نئجه من باطل ائدیم باطل من حق

بونلاردی شه هر دو سرا باعث بو خلق

پیغمبر عایله سین من سالوم آخر نئجه تنگه

سؤیله نئجه من باغلاییم او شاهی فشنگه

 

الله الله بولمورم بو چولده طوفاندور ندور

ایندی بو چولده قوپان غوغادن الله ساخلاسون

جوش ائدر یوز مین قوشون دریای عماندور ندور

قانیلن موجه گلن دریادن الله ساخلاسون

گر علی اوغلی حسین چکسه بئلیندن ذوالفقار

ایندی بو چولده اولار روز قیامت آشیکار

گرم اولار هنگامه رزم و نبرد و کار و زار

گیر دار محشر کبرادن الله ساخلاسون


بیعت ائتمرم

 

نه عجب خوش گلمیسن کرب و بلایه یا حسین

اوز الیله دوشموسن یوز مین بلایه یا حسین

گل یزیده بیعت ائت رحم ائت عیال حیدره

ائتمه سن بیت چیخا ر آهین سمایه یا حسین

هر قدر سعی ائیلدیم بلکه بو ایشته صلح اولا

تازه بیر فرمان چیخوب شمر دغایه یا حسین

سو کیمی قانلار گرک بو دشتده آخسون باخ بو گون

 دوغرانا جسمون گئده باشون جدایه یاحسین

 

مطلب ندور

 

 

نه غافیلسن ای نامدار دلیر

بئله حکم ائدیب اول عبید شریر

گرک عالمی شوری ایله دولدورم

علی اوغلونی تشنه کام اولدورم

یزید لعینی بو گون شاد ائدم

یخیب خانه دین بر باد ائدم

سالام لرزیه چرخ نیلوفری

جفا ایله یتمیش ایکی قان ائدم

شهید ائیلییم شبه پیغمبری

بو صحراده گؤز یاشین عمان ائدم

اوجالدام فلک طاقتینه باشیمی

قرام سر بسر عترت هاشمی

فراز ایلیوب کوگلره دود و آه

علی اصغر الدورم بی گناه

قلوب کلی دنیانی ماتم سرا

ائدوم قاسیمین طوی اطاقون قرا

قصاصین آلوب بدر دعواسونی

سالام قولارن تشنه عباسونون

گرک قلب خیر النسا داغ اولا

یزیدون یانندا اوزوم آغ اولا

ائدوب قتل و غارت آلام منصبی

اسیر ایلییم بینوا زینبی

 

 

خدا دور یا ابن سعد

 

ای دلاور من جناب مصطفا دن گئچمیشم

ساقی کوثر علی المرتضادن گئچمیشم

دین و مذهبدن کنار یوخ ایشیم ایمانیله

دونموشم اسلامیدن خیرالنسادن کئچمیشم

گو زتیکوب ابن زیادین خلعت زیبا سینه

دولت و جاه و جلال شوکت دنیا سینه

عاشیقم گوگلم دوشب ری ملکون سودا سینه

آخرتدن ال چکوب روز جزادن کئچمیشم

راضیم بسدور منه دنیاده اولماق شادکام

یوخ گؤزوم جنت قوی اولسون منه مطلق حرام

ملک ری دن اوتری اولدورم بو گون یوز مین امام

اعتقاداتیم یوخدی عقبایه خدادن کئچمیشم

 

جان نثار

 

الا ای شمر بد اختر گلوب غیضوم تمام اوسته

مقرر قیل دوزولسون جمله لشگر انتقام اوسته

اوجالدیم بیرق کفری ییخلسون خانه ایمان

جری اولسون هامی لشگر بو گون قتل امام اوسته

گرک بیر ظلم ائدم باشون آچار خیر النسا حیدر

با القانینه اکبر سو اوسته اوخلانا اصغر

یاتا بیدق دوشه قولسوز بوگون عباس نام آور

اوجالسون فرشیدن افغان او عرش لاینام اوسته

ایا طبال چال طبلون پیاپی بو مرام اوسته

 

بطحادور

 

  اشتباهه دوشمیون ای قوم پیغمبر دگیل

نائب شیر خدا دردانیه زهرا دی بو

ای دلیران عرب سبطه شه بطحادی بو

وارث ختم رسالت شاه اول دنیادی بو

هاشمی لردی صفات احمدی ایلن منطق

گلشن آل عباده بیر گل رعنادی بو

یادگار مرتضا آرام جان مجتبی

جان زینب نور چشم سرور بطحادی بو

نامدار اوغلی حسینون اکبر یوسف جمال

رزم میدانینده بیر شمشیر برق آسادی بو

 

بیحساب

 

سویلمه ای بی حمیت شوکت دنیا دی بو

عشقی اولادی ابو سفیاندا بیر سودادی بو

باخماق اولماز مصطفا و مرتضی و حیدره

فرستی فوت ایتمیون بیر دولت عظمادی بو

قتل اولاد علی اولموش منه چون فرض عین

کوفه ده اوچ یوز بیوک عالم وئرن فتوادی بو

گرکله میدانه یوز پیغمبر الدورماق گرک

فکر بیجا ایتمیون هنگامه دعوای بو

 

روبرو

 

الا ای گروه یلان عرب

علی اکبر ایلور مبارزه طلب

مگر سیزنه سوز رزم هیجا ندور

شجاعت نه لازیمدی دعوا ندور

گوروم سیزلره ای گروه ظلام

الا دلت عال سفیان حرام

 

جوانیم وای

 

ایا طبال گوش ایت سن منه پیوسته پیوسته

گراق میدانه شیرانه بودم اهسته اهسته

ایا طبال چال طبلون بو دم پیوسته پیوسته

اوجالدیم بیدق کفری قیریم اولاد طاهانی

چکوم اطفالی زنجیره بوگون دلخسته دلخسته

الا طبال چال طبلون بودم پیوسته پیوسته

 

عنان

 

گل ازرق بودم ای سپهدار شام

تیکوب دور بولشکر سنه گؤز تمام

اولور مطلبون حاصل العامدن

گلور ایل به ایل خلعتون شامدن

بو حرمت بو غیرت دگیل بی سبب

کئچر جسمو جاندان ریاست طلب

گورورسن که بو نوجوان رشید

دوروب مرد مردانه فرد و وحید

چکوب نعرلر هم نبرد آختارور

مصاف ائتماقا شیر مرد اختارور

حریف آلماقا یوخ بو لشگرده تاب

مبارز اولوب سان اوزون وئر جواب

 

ساخلا گلن

 

هانی حسین جماعت ندور بو ایشیده علاج

یقین باباسی کمی ائتدی گوگلره معراج

نئجه جواب ویراخ بیز عبید غداره

عروج ایدوبدی سماواته بس ندور چاره


تشنه قرباندور

 

ای جماعت بو گلن حر دلاوردی بولون

روز دعواده نه قدر کفره برابردی بولون

آل سفیانی آتوب دوتدی حسین دامنینی

آل پیغمبره بو دشتده یاوردی بولون

تو کلولن اوسته اللرده هامی تیر و سنان

بلکه خاموش اولا تا شعله آذردی بولون

 

مدارا دور

 

ای جماعت بیر باخون بو ماهدور اظهر یقین

یا که عیسی دور بو چؤلده طارم اختر یقین

یا کلیم الله دور یا حوری و غلماندور

بو جوانه حوری و غلمان اولوب چاکر یقین

یوخ نه عیسی دور نه موسی دور نه حوری و نه ملک

چون گلوبدور اوغلونا امداد پیغمبر یقین

شل اولسون هر او ال چکسه بو نا شمشیر آتشبار

یقین پیغمبر اکرم دی بو سلطان بطحادور یقین

 

آسادی بو

 

بول گلن ای یابن سعد ایتمه بیز بیله عتاب

بو جوانه تیغ چکماخ چوخ خطا دور بی حساب

 

ایا برج افلاک ناز اختری

نه تنگه گتوردون بو گون لشگری

گرکدور ائدیم آل سوفیانی شاد

سنی الدورم حرت و نامراد

خیال ائتمه دون ای دلاور جوان

 بو لشگرده وار من کیمی  پهلوان

گرگ حالیوه انس و جان آغلاسون

امام زمین و زمان آغلاسون

 

نه علی اکبری

 

نه رشیدور ایا قوم ناپایدار

ائدیر سؤز بو بیر هاشیمیدن فرار

دوتوم بیر نفر شعله نادور

بو دریا قوشون قاچماقا عاردور

 حمیت قیلون ای گروه عنید

کسون یولارون بیر جاندور وحید

وورون خنجر و تیر و تیغ و خدنگ

ائدون جانی قانیلن سرخ رنگ

 

 

ای جماعت بیر باخون عباس نام آوردی بو

سطوتی شیر خدا هم نائب حیدردی بو

صولتوندن تیتره شور جومله بو قوم اشقیا

صاحب تیغ و علم سقائی غم پروردی بو

سهل سانمون ای جماعت الحزر بو شیردن

یار و انصاری الن سلطانه بیر یاوردی بو

مشکی چینینده علم الده قزارمشی گوزلری

دشمنه برق بلا سالار نه کشوردی بو

 

مکالمه حرمله لعینی

 

نجه بالام یانوری

 

من شه ابراره فتح الباب قیللام یاحسین

غمدن اشک چشمون خوناب قیللام یا حسین

سهل ساغا حاشا اللهزحتم سجاد گل

یا قصاص بدر احزاب قیللام یا حسین

گلدی رحمیم وورمارام خنجر اوشاقدور اوغلووا

آل بو اوخدان اصغری سیراب قیللام یا حسین


دولدوروب لشگر

 

نه شوردور کی گئنه بیر بیره دگوب لشگر

مگر نه واردی که آت گزدیرور علی اکبر

غضبلنوب نه سببدن منه بنی هاشم

گیوب اسلحه جنگ آلتی قارداشیم

نولوب حسینیمنه هردم چکر جگردن آه

قویوبدی باشینه عمامه رسول الله

امان گیدون چاقورون بر گزیده ناسی

آتام نشانه سی ماه مدینه عباسی

 

قو خما

 

فدا اولوم سنه من ای عزیز اشجع ناس

که ای آتام شه مردان نشانه سی عباس

یارالانوب اورگیم قانه دوندی بو سوزدن

امام حسینی دعوا ده قویما سن گؤزدن

 

رشید عباس

 

نه چون سارالدی یوزون آخدی گوزلرونن یاش

نه تؤزدی صفحه رخساریوه قونوب قارداش

الهی زینب و بیچاره گؤر دوشوب نه گونه

بیله خیال ایدرم قیترون بیزی وطنه

 

کربلا دیدون

یقینیم اولدی بوگون سندن حسرت آیریلدیم

داخی بیور ماگیلن کربلا دیدون بولدوم

بو یئر اویردی سالور بیزلری غم و درده

ائویم ییخلدی حسین قارداشیم یامان یرده

 

چاپاجاق

 

امان دیمه بو سوزی قلبیمه شریرما

منی غم آشفتنه بو سوزیله یاندیرما

دیدیم گل ائتمه حسین سمت کربلایه سفر

قبول ائیلمدون عرضیمی ایا سرور

بو کربلا یئرینون اوزگه بیر مصیبتی وار

هامی بلالره بوردا باجون شرکتی وار

 

کوثر»هوه به هوه

 

علیک دیللریوه من فدا اکبر

ده مطلبون سنه قوربان بلاچکن زینب

 

سالوب منی بو بلایه نجه حلال ایلویم

با غشلادیم سنه حری جوان علی اکبر

 

بی خانمان»هوه به هوه

 

مرحبا ای اکبر شیرین زبان

ای خدا دردیمه چاره قیل گینه

گئت گلن منده نجف ساری گیدیم

گیتمه سن عمه نده ایندی گئتموری

الحزر بو سؤزدن ای جان جهان

گئتمه یالقوز قویما من آواره نی

آه بو سوزدن ساراتدین رنگیمی

شاهزاده اکبریم گیمه کفن

فکر قیل قارداش دل نا شادیمه

غصه دن قارداش یئتیشدیم جانه من

اکبری مندن آییرما یا حسین

 

قانه باجی

 

باغلا بازولنیون هر بیرینه بیر هیگل

حمزه قلخانون سال چینینه مردانه قارداش

 

با جی

 

قویگلن باشینه سن جدیمون عمامه سنی

من ایدیم زولف پریشان پریشان قارداش

 

نصیب»هوه به هوه

 

جان سنه قربان ایا شاه قریب

ای خدا آهیم اوجالدی گوگلره

 

بلا فاصله

 

مدینه ندن چخالی مین بلای توش اولدوم

اوقدر اولمدیم آخر کفن فروش اولدوم

فدا اولوم سنه ای شهریار دور زمن

باجون اله بو علی اکبریم بوسن بو کفن

 

نثار السون

 

حسین اوقابی گتوردی بو زینب نالان

گل اکبریوی سوار ائت اولوم سنه قربان

 

در بالین نعش علی اکبر گوید

 

دیدیم شمعون اله آللام

طویوندا قیرمیزی ساللام

نه اینکه قاره پوش اوللام

جوانیم وای جوانیم وای

 

یئرده قالوب 

 

قوربان اولوم گؤز یاشیوه قارداش ندن آغلار گؤزون

نه اوز وئریب قارداشوه بی اختیار آغلار گؤزون

گل خیمیه آغلا حسین بو اهل کینه گؤرمه سون

آمما آماندی گؤز یاشون ماه مدینه گؤرمه سون

بو اوخلی مشگی جهد ایله نازلی سکینه گؤرمه سون

تشنه اوشاقلاردان هله قیل اتشار آغلار گؤزون 

 

زینب

 

چوخ باخوب اصغر یانما منی یاندیرما حسین

اوخلی قربانیوی میدانی دولاندیرما حسین

 

علاجیم گل

 

اولوبسان قتله آماده حسین بس نیلسون زینب

سن اولسن گر بو صحراده حسین بس نیلسون زینب

 

لباس کهنه گتور

 

سپهر عزته تا بنده ماه سن قارداش

جهان آخرته پادشاه سن قارداش

وجوده پر شر خون منتظر خلایقدور

لباس کهنه سنه یا حسین نه لایق دور

 

عریان

 

گورونمیوبدی گؤرونمز بو رسم دنیاده

شه آتلاناندا بیر عورت اونا رکاب دوتا

باجیلارینی آراسیندا ورزیمی خوار ائدیم

اولوم آتا سنی من اوزوم سوار ائدیم

 

زینب»هوه به هوه

 

حسین بودیللرون قربانی زینب

بو سوزدن قلبیم اولدی پاره پاره

بو یاره یاده سالدی مرتضانی

 

 

یکسر

 

نجه نجفده یاتوبسان بابا آمان گوندی

یئتیر هرایه اوزون زینبون یامان گوندی

گل ای ستمله داغیلمش اساسی قارداش گل

زمانه دن گوتورویموش نباسی قارداش گل

قوشون قباقینی کس قویما خیمه گاه گله

گلن اویولارون اولام فداسی قارداش گل

 

گلدیم

 

قیلوب باجون بو بیاباندا غملره فائب

سبب ندور که بو مودتده اولمسان غائب

 

کربلا کیمدور

 

ندن اونی تا نو مورسان بیون سنه قوربان

عموندی قانه باتان دور موسان تازه یوخدان

اودور سکینه دل خسته نون آتاسی حسین

سنون عمرندی علی اکبر آتاسی حسین

اولوبدی اکبری یالقوزدی دشمن چوخدور

دوشبدوی قولاری عباسی نون کمک یوخدور

 

چیخا رام

 

با عجله به میدان برود با شمر بگوید

 

ای شمر خطا ائتمه »اولدورمه بو سرداری

زینبه جفا ائتمه»الدورمه بو سرداری

یوخدی بیر هواداری»چون اولوب علمداری

باجی بونون اولسون»بو حالی نجه گؤرسون

صبر ایله علی گلسون»اولدورمه بو سرداری

بیر جفا ائتمه »اولدورمه بو سرداری


شفاعت»هوه به وهوه

 

باجون قوربان سنه ماه مدینه

علی باغریم یاریلدی چک کناره

بیزه یول باغلیان کیمدور برادر

بولار سالدی منی خوف و هراسه

 

التماسه

با غشلادیم سنه حری گوزون فداسی علی

بو غملمو جانیمه گلسون بوین بلاسی علی

 

نگهدارد

 

کفن گییبسن شهزاده اکبر

بونه کفندور اولسون سکینه

 

مدینه

 

ای یوسف گل پیرهن

قارداش علی گیمه کفن

ای بلبلی دور از چمن

قارداش علی گیمه کفن

 

آغلاما

 

باخ دیده گؤز یاشیمه کولر توکولدی باشیمه

اتور دولانیم باشیوه قارداش علی گییمه کفن

 

آغلاما

 

کفن گیمه بو قدیوه قویمارام

بیر آه چکوب بو کفنی اودلارام

اکبر دیوب حشره کیمی آغلارام

گئتمه گئتمه علی قارداش قویمارام

 

قوی گئدیم

 

یادیندا وار مدینه دن گلنده

عهد ایلدوق باجی قارداش وطنده

بس نه دیوم من وطنه گئدنده

گتمه گتمه علی قارداش قویمارام

 

قوی گئدیم »هوه به هوه

 

قویمارام سن گئدسن به حق خدا

سنسیز آتام بو زندگانی ندیر 

قوی گئدیم شمر التماس ایلیوم

قوی دوینجا باخوم آلا گوزیوه

گتمه قارداش بو قانلو میدانه

قوی بو قلخانه ایلیوم پنهان

کیم سوسوز دور مگر علی اکبر

ایستسم سو دیلیم کس علی جان

ای خدا آل جوانارون قانین

ای بابا من سنه دخیل اولام

دوزمرم هجرینه یو خو مدور تاب

ای بابا گوزلریمی باغلا گلن

 

آغلاما گلن

 

گوزیمی باغلا بابا باخمیوم بو میدانه

که گورموم اکبر یمون کاکلی باتا قانه

 

علمداریم

 

نه کربلادی بو ویرانه ای مسلمانلار

دوشبدی بیر یانار اود جانه ای مسلمانار

کباب اولوب جگریم هاردادی عموم عباس

علاج ایده منی نالانه ای مسلمانلار

 

 بلافاصله »هوه به هوه

 

عمو جان رحم قیل من بی نوایه

عمو یوخ سندن اوزگه بیر گمانیم

عمو یاندیم سوسوز دان الاماندور

 

سوزلوق اختیاریم الدن آلدی

دخیلم سو تاب ای کان شجاعت

عمو رحم ائت لب عطشانیوام من

 

آغلاما

 

اود دوتوب یانار جیگریم

آه ای عمو جان  العطش

بیر فکر قیل ای سروریم

آه ای عمو جان العطش

 

 

آغلاما

 

باخ بو لب عطشانیمه

عرشه چیخان افغانیمه

اود سالوب عطش جانیمه

آهای عمو جان العطش

 

خدا حافظ

 

عمو جانیم عمو جانیم اماندور

عمو سوزلوق جهاندا چوخ یاماندور

 

کربلانی

 

اماندور گئتمه ای ماه مدینه

داخی سو استمز نازلو سکینه

 

اصغر

 

اگر سو ایستسم سولدور گلیمی

چکوب بو خنجریوی کس دیلیمی

 

شهیدان

 

داخی گل گتمه ای شمع شب افروز

بابامی قویما سن بو چولده یالقوز

 

فراتی

 

بابامون ظلمیله گلزاری سولموش

جوان اوغلی اولوب قدی بوکولموش

 

گلور

 

دوتبدی دورنی دشمن کسوبله یولاری

قلینج قاباقینه وئرمه او نازلی قولاری

 

سکینه جان

 

فراته گر دوشوب یولون

گوزتله سن ایکی قولون

گوزتلرم عمو یولون

عمو بیا    عمو بیا

 

سکینه جان

 

دوزنمرم فراقیوه

گرک گلم سرا قیوه

منی گل آل قوجاقوه

عمو بیا   عموبیا

 

ایلمه افغان »هوه به هوه 

 

بابا مگر دگیلم من جهاندا شه زاد

قوتار منی بو بلادن اولوم سنه قوربان

بیزی آپار وطنه اولماسن بو چولده شهید

سن اولماسان یوزیمه شمر سیله لر وراجاق

نئجه دوام ایلیوم آلسا شمر معجریمی

بابا نه نوع گورم الدورور سنی لشگر

بیز آل حیدره بوگون مگر قیامتدور

 

عرب کربلا

 

اول بگوید

 

الله اکبر االله اکبر

 

ایلر

 

بودورحضوریوه عرضیم که ای امام زمان

بو یئرده گؤرمه میشم من درخت نخلستان

و لیک ظاهر الوبدور تعجب ایش شایان

بیور نه سردی بو ای امام عالمیان

 

امام زمان

 

به چشم هر نه بیورسان الوم سنه قربان

بلافاصله به امام گوید

سلام اولا سنه ای پادشاه ملک عرب

حضوره ایستماقندان آقاندور مطلب

 

تمام   هوه به هوه

 

بو دشت پرخطره نینوا دیللر نام

بیزاوزگه آدی بلکه دشت ماریه دور

 

اولمش اولا

 

بلی بیر آدیده شطه الافراتدور مولا

بویردی کرب وبلا من اولوم سنه قربان

 

قاصد مدینه

 

دولانیر ما حسین

 

الوب روح وروان شیدا گلامد سراقنده

عیال مصطفا اولاد پیغمبر سراقینده

نه طوفاندور گوروم الله ییخلسن کربلا دشتی

دونوب قانه جگر عباسی نام آوار سراقینده

آلوب دور جانیمی شیربده بیر بیمار قیز دردی

المیده نامه سی قان آغلارام مادر سراقینده

دیر گاهی آتا گاهی عمو گه نو جوان قاسم

تو گر گوز یاشنی آغلار علی اکبر سراقینده

دختر سراقینده »هوه به هوه

سلام اولا سنه ای پادشاه عرش مقام

مدینه قاصدیم دو شموشم بیا بانه

ویروبدی نامه منه ببر علیله بیمار

 

دچار

 

فدا الوم سنه ای پادشاه یوم نشور

نولید کاش ایکی گوز لزیم اولیدی کور

مدینه کوچه لریندن ایدن زماند اگزر

ویروب بو نامه نی اول خواهر علی اکبر

 

وزیر سلطان قیص

 

امداد

 

که ای امیر یوخمدور بو ایشیده اوز گه خلاف

همیشه دولت حسینیم دیوب و ورارسان لاف

اودور امام زمان ایندی دار دنیاده

چاقور هر الیه یتشون بو گونده فریاده

 

ملک منصور

 

آراسندان

 

عجز یله اشقیا لره یالوارما یا حسین

بو قوم بیچالره یالوارما یا حسین

امداده گلمیشم ملک نصرتم آقا

هرگز سپاه کافره یالوار ما یا حسین

امریله باشون اوسته آچوم چتر بالیمی

چک ذولفقاری لشگره یالوارما یاحسین

Advertisements

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: