شمس تبريزي ؛ مولانا ؛ موللانصرالدين یازان: علي.ب.تورک

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

آن مرد سه گون خط نوشتي
يکي او خواند لاغير
يکي هم اوخواند وهم غير
يکي نه او خواند نه غير او
آن خط سوم منم
شمس تبريزي

يازيان: علي.ب.تورک

تورک خالقنين پارلاق اولدوزلاريندان سايلان و دونيا بويي پارلايان شمس تبريزي(وفات1247م)مولاناجلاالدين(1207-1273)موللانصرالدين(1208-1284) او کيشيلردن سايليرلارکي ياراديجيليقلاريلا بوتون دورانلاردا اونلريني سوردورموشلر.هرنقدر تانيينميش اولسالاردا گون يوخدور کي بو اوچ بويوک اينسانين تازا ويئني يونلري اورتايا چيخماسين.
بو آرادا بواوچ آدليم اينسانين بير دووراندا ياشاديقلاري ،اونلاري بيرچوخ ساحده اورتاق فيکيرلي و فيکيرداش قيليبدير.بيرزماندا بير-بيرلريله گورشوب بير چوخ اورتاقليقلاري اولدوگي بلي اولور،اوزليکله گولدوري و گولمه جه ساحه لري بير-بيرلرينه چوخ بنزرليگي واردير.
شمس ومولانا و موللانصرالدين ياشاديقلاري دونملرده سلجوقيلرحوکومتينين و سونرالار موللانين تيموربيگ له هم دووران اولماسي و اونلارين ظلملرييني قارشيسيندا مجادله لري ،بيرچوخ زماندادا حکومدارلارين و قاضيلرين ودارغالارين خلقه آپارديقلاري ظولملرله مبارزه لري،هولوکباز عابيدلروزاهيدلري تنقيدلرينه باشقالدريشلاري؛ گولدوريله ائليشتيريب اللرينده گلديگي قدر ساواشيب وميزاح ديليله مجادله آپارميشلار.
اگرچه بو اوچ کيشنين هرسنين اوزونه گوره بير مخاطبي و دوشنن موريدلري اولوبدور،امادريندن باخيلدقيندا اوچونونده چاليشمالاري توپلومون و جامعه نين عيبلريني و يانليشليقلاريني اوزه چيخارتماق اولوبدور،هربيري بير ديل له سوزلريني يئرينه يئتيرمک ايستميشلر.
بئله نظره گلير کي شمس ين دئديگي سوزيعني”او کيشي اوچ خط يازدي، بيرين او اوخويويب باشقاسي يوخ،بيرسين هم او اوخيوب هم باشقاسي،بيرسين نه او اوخودي نه باشقاسي؛او اوچونجي خط منيديم”اوزوني ؛مولاناني،و موللانصرالديني ان اويغون گوسترگسيدير کي شمس ين درين باخيش آچيسي و يوکسک سئويده سويلديکلري دوشونجلر يوخاري درجه ده اولان فيکيرلره گوره ؛مولانانين دئديکلري بير آزدوشنجلي وساوادلي اولانلاراوچون وموللانين سويلديکلري اودونملرين و سونراکي زمانلارين يايغين اولان مخاطبي يعني عوام دئيلن خلق گوره دئيلميشديلر.
شمس تبريزينين قوري وفايداسيزتعبدلر،مولانانين عبادت اوچون تازا بير دوشونجه ياراديليشي و موللنين دا باطيل اينانجلارو اويدورمالاردان بير چوخ زاهدو عابدين ياراتديقلارني اورتايا چيخارديقلاري بو اورتاقليقي آرتيرماقدادير.خاطيرلاتماق گرکير بو اوچ کيشيني هربيريسي اوزلرنه گوره بير بويوک و سونرالاردا بيرچوخ ادبيات ساحه لرين اونجلري کيمي ائتگلري اولموشدور.شمس و مولانانين عرفان عالمينده کي گوروشلري نقدر چوخ اولموشسادا موللانصرالدينين ده اشاغي فيکيرلراوچون ده يئني مکتب ساحه سي دوزلتمکده ديرکي “حاجي بکتاش”کيمي دوشونجلرده ايزيني گورمک اولار.
بو اوچ اولو اينسانين فولکلورساحه سينده ده بير چوخ ايزي و ياراديجيقلاري اولوبدورکي ان گوزده اولان فولکلور قولي “آتاسوزلر”و”دئيملر”ديلرکي بير چوخونون ياراديجيسي سايليرلار.
شمس تبريزنين گولدوري ساحه سينده اولان ياراديجيليقي ايله ايلگيلي بير نئچه حيکايه:
اوچ سوال؛ بير جواب
بير گون بيرنئچه بيلن کيشي مولانانين يانينا گليب اوندان اوچ سوال سوروشدولار،مولانا اونلاري شمس حواله ائديب جوابلاري اوندان آلماقلاريني ايستدي.شمس حضرتلري مکتبده اوتورموشيدي و کربيچله تيمم ائتمگي اورنجيلره اورگديردي.بيلن کيشيلر شمس دئديلرکي :سندن اوچ سوالميز وار.شمس بويوردي:دئيين.
سوال سوروشانلاراورتاقلاشيب بيرسين سئچيب اوسواللاري سوروشماقا باشلادي ودئدي:سيز دئيريز اللاه واردي!اوني بيزه گوستر!شمس بويوردي:ايکينجي سوال دئين.
سوال سوروشان دئدي:دئيرسيز کي شيطان اودداندي.نجور قيامتده اود اودي يانديراجان؟اود کي اودا عذاب وئرمز!
شمس دئدي:اوچونجي سوالي دئ.
سوروشان دئدي:دئيرسيز قيامت گوني هامنين حسابين اوزوندن سوراجاقلارو هيچ کيمين بيريسيندن حسابي اولابيلمز.بس ندن سيزلر اينسانلاري قويمورسوز هرنه ايش ايسترلر گورسونلر.
بو حالده شمس درحال کربيچي قالخزيب کيشينين باشنا ووردي و دئدي بودا سنين جوابين!
کيشي و دوستلاري بو ايشي گورنده دوروب قاضيه شيکايته گئتديلر.قاضي شمسي چاغريب اوندان بوايشين علتين سوروشدي وشمس دئدي:بونلارمندن سوال سوروشدي منده جواب وئرديم.
قاضي دئدي:بونجورجوابدي؟و شمس بويوردي:سوال سوروشان دئ گوروم اگر باشين آغرير هاني سانجسي؟ندن گوروشموربس!اوبيرينجي سوالين جوابي.ايکينجي سوالين جوابيدا گوردوگون کيمي سن ده کرپيچده توپراقداندي اما بير بيريني اينجديب عذاب وئردينيز.بودا ايکينجي سوالين جوابي.اوچونچي سن دئدين گوي هرکس نه سووور گورسون منده سورديم بوني سنين باشيوا وئرديم.ندن سن بودونيادا قاضيه شيکايت ائدسن و او دونيادا شيکايت ائدميسن! بودا اوچونجي سوالين جوابي.
قاضي و سوال سوروشانلار بيرليکده گولوب شمس دن اوزر ديلديلر.
(مقالات شمس)ميصري قيليج
بيرسي بيرينه بير ميصري قيليج وئريب دئدي:بو قيليجي هرنيه وورسان ايکي بولر!
يانداشي بير داش گورستدي و دئدي:بو داشي بولر؟
دئدي:بولر.و قيليجي قالخزيب داشاوئردي.قيليج ايکي بولوندي!
دئدي:سن دئدين بوقيليجي نيه وئرسان ايکي بولر ندن اوزي بولوندي؟
دئدي:بو داش قيليجداندا ميصري دير!
(مقالات شمس)جوهود،ائرمني،مسلمان دوستلوقي
اوچي بير يولدا دوست اولوب بير قيزيل پول تاپديلار،حالوا آليب دئديلر:گئجه ياتياق هرکيم ياخشي ويخي گورورسه اويئسين!(جوهودلا ائرمني بيرلشيديلر تا مسلمانا وئرمسينلر)
مسلمان گئجه ياريس دوروب حالواني ئيييب ياتدي.سحر ائرمني دوروب دئدي:من يوخودا عيساني گوردوم کي دوردونجي گويده گزير،منيده آليب اوزيله آپاردي!
جوهود دئدي:موسا حضرتلري منيده بهشت آپاردي.
مسلمان دئدي:منده گوردوم کي ؛حضرت محمدگليب دئير کي نه يازيق نه ياتميسان کي عيسا بيرسين دوردونجي گويه ،موسادا اوبيرين جنت آپاريب سن ياريق باري دور حالواني يئ !منده دوروب حالواني يئديم!
دئديلر:سن هايدان ياخشي يوخي گوربسن!
(مقالات شمس)وزيرين قاباحني
وزير دئدي:آل بو مين ديناري ،بو ايش کي اولدي هيچ کيمه دئمه!
مين دينار آليب دئدي:بيلين کي او يئل کي وزيردن چيخدي،من اوتوردوم!
(مقالات شمس)آغ ساققال
بيريسي دلکه دئدي:- منيم ساققاليمدان آغ توکلري آير!
دلک باخيب گورديآغ توک قارا توکدن چوخدور،ساققالين بوتونلوغون قيرخيب دئدي:- سن آغ توکلريني آيرت ،منيم ايشيم وار!
(مقالات شمس)بيرينين آتاسي
بير،بيريسيندن سوروشدي:فلان کيشيني نجور تانيرسان؟
دئدي:آتاسي ياخشي کيشي دي!
دئدي:من اوزون سوروشورام،نه آتاسين!
دئدي:دوغورداندا آتاسي چوخ ياخشي آدامي دي!
دئدي:ائله بير ادشيدميسن نه دئيرم!
دئدي:من ائشيديرم،سن ائشيدميسن!
(مقالات شمس)کچل باشي
کئچل کئچله دئدي:منيم باشيما داوا دئ!
کئچل گولوب دئدي: داوا بيلسيديم اوز باشيما ائدرديم!

————————————————————————————-
قايناقلار:
خط سوم- د.ن.صاحب الرماني
مقالات شمس-
شمس تبريزي- م.ح.موحد
مولانا و طوفان شمس- ع.تدين

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: