تورکی سئوگی شعر اس ام اس لری – تورکجه sms

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

قیزیل گولم در منی
مخمل اوسته سر منی
الله اوزو شاهیددی
چوخ ایستیرم من سنی

**************

سن سن حیاتیمین معناسی
سن سن سئوگیمین رویاسی
سن سن دونیامین دونیاسی
سنی چوخ ایستیرم کلم دلماسی

*********************

عزیزیم آشا آشا
سو گلیر داشا داشا
بیر جانیم وار ثروتیم
اودا قربان یولداشا

***************

گوزلرین دی منی سنه باغلایان
گوزلرین دی گیزلی گیزلی آغلایان
گوزلرین دی یورگیمی داغلایان
منی مندن آلان چالان گوزلرین

********************

رنگی سولموش خزلم یئللره تاپشیرما منی
گؤز یاشیمدان توره نن سئللره تاپشیرما منی
آندولا عشقیمه بیر گون دوزه بیلمم سن سیز
آیلارا هفته لره ایللره تاپشیرما منی

*****************

شمع اگر یانماسا پروانه دولانماز باشینا
نینه سین پروانه عاشیق دی شمین گؤز یاشنا

**************

بیر دنیز دوشون سوسوز
بیر انسان دوشون موتسوز
بیر بهار دوشون چیچک سیز
بیرده منی دوشون سنسیز
هیچ الورمو؟

*****************

آغلا قان آغلا بختیمین یاتان گونلری دی
بختیمین آی نین اولدوزونون گویده باتان گونلری دی
هر کیمین بختی یاتیب خلق اونی دیوانه سایار
ایندی بیلیرم دوستلاریمین اوستومه بهتان آتان گوننری دی
یغلسین وفالی دوستلاریم باشیما
حقی گویسین آرایه
سویلسین تقصیری می
ایندی دوشموشم بیر قوری بهتانه من
نه اولیدی چخیدیم بو غمخانه دن بیر یانه من

***********************

صبر ایله کونول محنت هجرانه تلسمه
درد اهلی یتر،صبر ایله ،درمانه تلسمه
یوسیفده  زلیخانی محبتله سویردی
سالدردی  زلیخا اونی زیندانه ،تلسمه
دونیایه وفا ایلمه چخ آغلاما کونلوم
دونیا نه وفا قیلدی سلیمانه،تلسمه
کام آلمیاجاخ  آیریلیقا باعث اولانلار
عاشبق چاتاجاق  سوگیلی جانانه،تلسمه

*******************

گل دونیانی بولوشدورک

.دنیز منیم دالقا ر  سنین .

گونش منیم ، ایشیق سنین .

هامّیسی سنین سنده منیم

****************************

تو را بس منتظر ماندم

اوتاندی لحظه لر مندن

بدان من دوستت دارم

اینان بو یاشلی گوزلردن

سفر از تو گذر از تو

فقط یول گوزلماخ مندن

فقط با یك نگاه تو

اوچاردی غصه لر مندن

************************

داغدا پائیز اولاندا

ساری سنبل سولاندا

یارا ائلچی گوندررم

ایرمی یاشی دولاندا

********************

عزیزیم گؤل آلاندا

ساچا سنبل آلاندا

یاریم یادیما دوشر

الیمه گؤل آلاندا

*********************

گؤزوم قالدی او قاشدا

او کیلپیکده او قاشدا

مجنون تک دلی گؤیلوم

گزیری داغدا داشدا

********************

بیر گورچین كیمی دن سیزلمیشم!

بولبولم یازدا چمن سیزلمیشم!

اوز دیارمدا وطن سیزلمیشم!

هیچ بیلرسن نیجه سن سیزلمیشم!!!!!!!!!!!

***********************

داغ باشیندا اكین اولماز…

اكین اولسا بیچین اولماز…

دونیادا مین گوزل اولسا…

بیری سنین تكین اولماز…

****************

محبت قوجالماز

عشق آزالماز

دوست آیرلماز

یاخچلیق یرده قالماز

دوست دوستی آتماز

*******************

گر بیز ایکیمیز ده یاپراق اولساق پاییز فصلینده من سنن تئز یئره دوشه جاغام تا سن دوشنده سنی ،اوز قوجاغیما آلیم .

**********************

گوروم شیر دنیادا پیر اولماسین

گوروم تولکو جنگلده شیر اولماسین

ستمکار خلقه امیر اولماسین

بوتون پاک اورکللر گوروم شاد اولا

مقدس آذربایجان دائم آباد اول

*******************

خیار سوغان بادیمجان


سنی سئویرم دویونجان

*********************

دره دن دانیشیرام قورخوسان ” دره نین دومانی وار ، سئلی وار “

داغدان دانیشیرام قورخوسان “داغین اؤچورومو وار ، قاری وار ”

دره بیر یانا ، داغ بیر یانا ، یاشاییشدان دا دانیشیرام قورخوسان ، اؤزون بیل قارداش !

آمما آغیر درد دی قورخوب یاشاماق…!

ایگید بیر دفعه اؤلسه ، قورخاق مین دفعه اؤلر.

********************

گؤزون بیر سئوگیلی ، ایستکلی گؤرسه ، روحون سئوسه ، سوندان گلر دیوانه لیک

من کی سنی گورمه میشم ، سئومه میشم ، سنه عاشیق اؤلمامیشام ، ندن

بئله دیواننم ای “آزادلیق”

********************

“گیزلی سؤز”

اَن گیزلی سؤزلری ، باغلی دیلیمین اوجوندا اکمیشم ، آچیلسا بیر گؤن ! اؤنجه دانیشاجاق نه لر چکمیشم…!

*********************

منیم چؤرک سیز و سوسوز قالدیغیم گونوم چوخ اولوب ، آمما اومودسوز قالدیغیم گونوم هئچ اولماییب. “آتا بابک”

*********************

داغ اولاق ،اوجا اولاق، آشمیاق

دریا اولاق ،داغا اولاق ، داشمیاق

عقرب اولوب،اونو بونو، ساشمیاق

دوست اولوب ، نامرد اولوب ، قاشمیاق

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: