تورك وآذربايجان خلق ادبياتيندا اوشاق و اوشاق فولكلوري یازان: علي. ب.تورک

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

تورك وآذربايجان خلق ادبياتيندا اوشاق و اوشاق فولكلوري  یازان:  علي. ب.تورک

بير خلقين بير آرايا گتيرديكلري مادي و معنوي كولتورلريني موعين مئتودلارلا و يغجام بير شكيلده پوتلي حالده اولدوقي آغيز ادبياتلاري آدلانان بوتون  يارادجيقلارينا فولكلور دئيلير.ساده ديلله دئمك اولاركي فولكلور خلق بيلگيسي و ائل بيلگيسي و ياراديجليقيدير.
تورك خلق آغيزادبياتي يا تورك فولكلوري دونيانين ان زنگين و چئشيتلي و گئنيش ساحلي فولكلوروندا سايلير و زنگينليگي اوقدر دير كي بير توكنمز خزينه يه بنزري واردير .تورك فولكلوري خزينه سي وگئنيشليقيني بوجور ايزاه ائيلمك اولار كي بو خزينه ني پوتلاماق اوچون بوتون تورك اولوسي بير آرياتوپلانمالي تا بو بويوك كولتوربير آرايا گلسين .بو خالقين تاريخ بويي امگيله و ياراديجيقلاريله الده ائدليب ،آغيزلاردان آغيزلار و سينه دن سينه يه و نسيللردن نسيللره بوتون گئچميشدكي آيدين و اولو آنا- بابالارميزين فيكيرلريني اورتايا قويان بو اينجه صنعت ياديگارلاري بيزه گليب چاتيب .بو آرادا بيزلره ده بير بويوك سورونلولوق بيراخيبديلار كي بو اينجه صنعت خزينه سين قوروماق و گلجك نسيللره تاپشيرماق بيزلره بير قورئو و بير بويون حقي اولاراك گركير كي اليميزدن گلن قدر اوني قوريوب و گلجك نسيللره تاپشيراق.
خالق ادبياتي و فولكلوري بير بويوك و كوكلي آغاج بنزمكددير؛خالقين ياراديجيقيله بسلنيب ،بويويوب و بوداقلانيب اوز ياپراقلاريله و گولي چيچكلي بير گوزل و گوركملي خالق هنرينين دوغال اينجه صنعتي كيمي اورتايا چيخيبدير.
بو آغاج كوكلي و يوغون بير گووده اوستونده مينلرجه بوداقي بسلمكددير،هر بوداق اوزي يوزلرجه دالا و هر داليندا يوزلرجه ياپراقي بولونماقدادير.بو آغاجين يوغون بوداقلاريندان بيريسيده اوشاق و اوشاق فولكلورودور كي دئمك اولار تورك فولكلورنون بير – ايكي دالين چيخديكدان سورا بوتون دالاريني و قوللاريني گورمك ممكوندور.
عاليملر طرفيندن فولكلور دالاري يازيلي ادبيات كيمي اوچ ادبي قولا آيريلماقدادير :ليريك؛ائپيك؛دراماتيك آدلاريله تانينير.
ليريك و ائپيك قولاري دراماتيك قولاردان و نوعوندان چوخ گورنمكددير .ليريك نوعوندا :ماهنيلار ،نغمه لر ،سايالار،اوخشامالار،يانيلتماجالار،تاپماجالار ؛لايلايلار؛عزيزلملر يئر آلماقدادير.ائپيك نوعوندا:ميتلر،ناغيلار؛ داستانلار ،افسانه لر    ،داستانلار،آتاسوزلري،دئيملر،
لطيفه لر ،و مثللر يئر آليبديرلار.دراماتيك نوعوندا دا شبئهلر،كوكلالار،تياترو،نمايش،و اويونلار،ايلنجلر،عنعنه لر و رسيملرو دبلردن آداپارماق اولار.
اوشاق فولكلورودا عين باشقا فولكلور دالاري كيمي بو اوچ قيسما بولمك اولاركي بونلارين اوزوده ايكي قولا و يارادليش قايناقينا بولونمكددير.يعني بير نجي قيسم بويوكلرين طرفيندن اوشاقلارا گوره ياراديلان فولكلور و ايكينجي قيسيم كي اوشاقلارين اوزياشلارينا گوره يارانيبدير.
بويوكلرين ياراديلان اوشاقلار گوره ياراديقلاري فولكلور دالاريندان لايلايلاردان و اوخشامالاردان و يا نازلامالاردان آدآپارماق اولار كي بويوكلرين اوشاقلارا گوره اوز دويغولارني و اونلار بسلديكلري اونمي و سئوگيلرينين بير گوسترگسي سايلير.
اوشاقلارين اوزلرينه گوره ياراديقلاري فولكلور دالارينداندا اوشاق اويونلاري، سايالار و ايلنجلر و سوزلي و حركتلي بير چوخ و چئشيدلي اوشاقليق ياشلارينا گوره يارادجليقلاريندان اورتايا چيخيبدير.اگرچه بونودا خاطيرلاتماق گركليدير كي اوشاق فولكلورونون يارانماسيندا هم بويوكلرين و همده اوشاقلارين رولي وارديريعني اوشاق فولكلوري تكجه اوشاقلارا آييت اولمايبدير بلكه بويوكلرين اوشاقلارا گوره گونولرينده بسلديكلري دويغولاريني و تربييه لرينده ايشلنن ماتريالارديلار.بو آرادا چاليشماميز بوجور اولاجاقدير كي بو ايكي بولومي بير بيريندن آيريب هر نوعي آيري –آيري آراشديرماقا چاليشاق.
بويوكلرين اوشاقلارا گوره ياراديقلاري بير چوخ فولكلور بولومي واردير كي اونلاري بير-به-بير آشاغيدا آد وئرلير:
1.   سانامالار و كيچيك اوشاقلارا اوخونان شعيرلرو اويونلار
2.   اوشاق ديلي
3.   سينامالارو اوشاقا گوره اينانجلار
4.   عنعنه و دبلر
اوشاقلاردا اوز ياراديجيقلاريله بير آز بويا باشاچاتديقلاريندا بير چوخ فولكلور ساحه لري واردير كي اونلاري بوجور سيرالاماق اولار:
1.   ساتاشمالاروجينلتملرو دولامالار
2.   يانيلماجالار
3.   قوشماجالارو سايالار
4.   اوشاق اويونلارو ايلنجلر
بويوكلرين اوشاقلارا گوره ياراديقلاري فولكلور

1.   كيچيك اوشاقلارا اوخونان شعيلرو اويناماقلار
بو ساحه اوشاقين دوغولدوقي گوندن بري باشالياراق اوشاقين بويودوگونه قدر سورمكددير و ياش بيچيمينه گوره آيري بولوملره آيريلير.يعني اوشاقين دوغولدوقي گوندن لايلالارلا باشلايان شعيرلربويودوكجه نازلاملارا و اوخشامالارا بدل اولماقدادير . بو آرادا آنالارين وبويوكلرين اوشاقلارلادا بير چوخ اويوندا اوخونان شعيرلر واردير كي بوساحده يئر توتماقدادير.
بو شعيرلري بئشيك نغمه لريده آدلانديريلار.
لايلالار:
آنالارين اوشاقلاراوچون ياراديقلاري ان دويغوسال و ايچريكلي حيسلريني گورسدن اوشاقلارين ياتيرديقلاري زمان سويلنن و اوخونان شعيرلر ديلر كي فورم بيچيمينده باياتي كيميدير،تكجه مضمون يونوندن بير-بيرلريله فرقلري واردير .مثلا باياتيلارين بير چوخونون باشلانيش قيسملاري “عزيزيم”؛”من عاشيق”و يا “عاشيغيم”سوزلريله باشلانيرسا لايلالار “لايلاي”و يا ” لاي لاي دئديم “سوزلريله باشلاماقدادير.بو آرادا بير چوخ سوزده ميصراعلارين سونوندا تكرار اولنور .
   لاي لاي بالام لايلاي
كورپم لاي لاي آ لايلار
بالام لايلا آ لايلا
گولوم لايلا آ لايلا
لاي لاي منه قالان لايلاي
شيرين ديللي بالام لايلاي
لايلالارين اوخونوشلاري شكليده چوخ حضين بير حالده اولاراك بير يوخي گتيرن هاوايلا دولدور كي آنالار اوشاقلاري قيچلاري اوسته ويا بيشيكلرده اويوتدوقلاري اوشاقلارينا گوره سسلنديريلر.
لايلارين سايسي باياتيلارتكين دئمك اولار سايسيزدير وبوگون يغجام بير شكيلده بيرارايا گتيريمك چوخ چتين بير ايش سايلير.آرا- سيرا بير چوخ آذربايجان فولكلورچي طرفيندن توپلانان لاي لايلار وارديراما گئنه بير چوخ لاي لاي يازيماميش شكيلده ديللرده دير.آشاغيدا گتيريلن لاي لايلاربو ساحنين اورنكلريندندير:
   لاي لاي بئشييم لايلاي
ائويم ،ائشييم لايلاي
سن گئت شيرين يوخويا        (سن يات ،يوخون آل گينن)
چكيم كئشييين لايلاي
   لاي لاي دئييم بويونجا                             لاي لاي جانيم قورباني
باش ياسديقا قويونجا                                ائل لاي لايين قورباني
پارداخلان قيزيل گولوم                              سن گئت شيرين يوخويا
اييله يليم دويونجا                              اولوم جانين قورباني
   لاي لاي دئديم ياتاسان
قيزيل گوله باتاسان                               لاي لاي دئديم جان دئديم
قيزيل گول كولگسينده                               يوخودان اويان دئديم
شيرين يوخو تاپاسان                              سن يئري بير من باخيم
   بالام لايلاي، آ لايلاي                            اولوم بويون قورباني
كورپم لايلاي ،آ لايلاي          لاي لاي دئديم ائللردن
لايلاسي درين بالا                              عطير دولو گوللردن
يوخوسو شيرين بالا                          اللاه اوزي ساخلاسين
تانريدان عهديم بودور                        گلن آيلار – ايللردن
گوروم تويون بالا
   بيزيم يئرلر قالين مئشه                      لاي لايين بير قوش ايدي
تاختيندا اوتور هميشه                        ديوارا قونميش ايدي
آرانيندا گول بستيم                           ال اوزاديم توتماقا
يايلاقيندا بنووشه                             ملكلر توتموش ايدي
گولوم لايلا،آ لايلا!
بالام لايلا آ لايلا!                          آلاي لاي گولوم لاي لاي
   لاي لا ائديم ياتينجا                         گولوم بولبولوم لاي لاي
گوزله رم آي باتينجا                       بويو سنين كولگنده
گوزومه شيش باتيرام                      منده بير گولوم لاي لاي
سن حاصيلا يئتينجا
   لاي لاي ائديم ياتاسان                     لاي لاي آگولوم لاي لاي
قونچه گوله باتاسان                        آييم اولدوزوم لاي لاي
قونچه گولو دالدان اولسون                سن حاصيله چاتين جا
كناريندا ياتاسان                             هر دردي دوزوم لاي لاي
   لاي لاي چالام اوجادان
سسيم گلير باجادان
آللاه سني ساخلاسين      (سني مولام ساخلاسين)
چيچك دن قيزيلجادان
   لاي لاي چالام آديوا
علي يئتسين داديوا                      بالام گئدر ياتماغا
علي دادا چاتاندا                         بويويوب بوي آتماغا
منيده سالاسان يادا                      صبح يوخوسي شيريندي
   لاي لايين سسي گلير                   قييمارام اوياتماغا
ياتار يوخوسو گلير
اوزاق اوزاق يئرلردن                  لاي لاي بالام گولوم سن
بالامين دايي سي گلير                  گولوم سن بولبولوم سن
   آلچالار آي آلچالار                          باغچانين گوزل گولو
آلچالار كامانچالار                          سوسنيم سونبولوم سن
لاي لايووي من چالام
اوزگلر يامان چالار                        لاي لاي داغدان گلن وار
   لاي لاي دئدي اوجادان                    داغدان چوله ائنن وار
اونوم چيخدي باجادان                     عمين- آتان – قارداشين
سني تانري ساخلاسين                    بيرده قين آنام وار
چيچك دن قيزيلجادان
   لاي لاي دئديم ياتينجا
گوزلريمه آي باتينجا
جانيم زينهارا گلدي       (جانيم دوداغا يئتدي)
سن حاصيلا چاتينجا
   لاي لاي دئديم ياتاسان                     لاي لاي آقام بالاسي
قيزيل گوله باتاسان                          گوزمون آغي- قاراسي
قيزيل باغين اولسون                        بير گولمه گين آپارير
كولگسينده ياتاسان                         هر نه اورك ياراسي
   لاي لاي دئديم ياتاسان
قيزيل گوله باتاسان                          لاي لاي دئديم يات دئديم
گول ياسديقين ايچينده                      ياسديقا باش آت دئديم
شيرين يوخو تاپاسان                       دائيم چكيم نازيني
   ياسديقيندا گول بيتسين                     بويا باشا چات دئديم
دوشگينده بنوشه
لاي لاي دئديم گونده من                 لاي لاي مارالايم لاي لاي
گولگده سن،گونده من                   گلمير قراريم لاي لاي
ايلده بير قوربان اولار                   بويو بير قوچ ايگيت اول
سنه قوربان گونده من                 سنه يار آليم لاي لاي
   لاي لاي امه ييم بالا
دوزوم چورييم بالا                      لاي لاي ببه يم لاي لاي
گوزلييرم بوييه سن                     گوزل گويچه گيم لاي لاي
گوروم كوميين بالا                      غربت اولكه ياد ائلده
   لاي لاي دئديم ،جان دئديم              آرخام كومگيم لاي لاي
يوخودان اويان دئديم                    لاي لاي بالام آ لاي لاي
سن يوخودان دورونجا                   شالين سالام آ لاي لاي
جانيمي قوربان دئديم                    سني ايسته ميه نلر
   لاي لاي دئديم ياتاسان                   يانديرسين نالام لاي لاي
شيرين يوخو تاپاسان
شيرين يوخو ايچينده                    بالامي تانيرام من
مني يادا سالاسان                       هر سوزون آنيرام من
   بالامين يوخوسو گلير                   يوخو دا آه چكنده
لاي لاينين سسي گلير                  اود توتوب يانيرام من
اوزاق – اوزاق يولاردان
بالامين داييسي گلير                    داغلار گول چيچك اولسون
   لايلاي بالام آللاه يار                    يارپاغي ايپك اولسون
چوللر باغ اولدي قار                  بير بالگورسه دين كي
منيم بالام ياتيبدير                      بالامدان گويچك اولسون
ساخلاسين پرورديگار
   لاي لاي دئديم آديوا                  لاي لاي يولداشيم لاي لاي
آللاه يئتسين داديوا                   دادلي دويماشيم لاي لاي
بويوك اولاسان بير گون سن        دده م قارداشيم يوخدي
منيده سال سن ياديوا                 بالام قارداشيم لاي لاي
   لاي لاي قيزيم يوخلاييب
او قدر كي آغلاييب                     نرگيسلس اوزوم لاي لاي
بئش چاغدان سورا گور               يات آنا قيزيم لاي لاي
آللاه اوني ساخلاييب                   سن بويو من قوجاليم
   لاي لاي دئديم ياتينجا                  تويوندا سوزوم لاي لاي
گوزومه آي باتينجا
سايارام اولدوزلاري (سانارام)         تاري تاري حق تاري
سن حاصيلا چاتينجا                     گل باجادان باخ باري
   لاي لاي بالام ياتيبدير                   كيم بالامي سوومه سه
گول ياسديقا باتيبدير                    اونون ائوين ييخ باري
آللاه اونو ساخلاسين
بير قيز بيزه وئريبدير                   داغلارين لاي لايسنا
   لاي لاي چالام هميشه              گوزلرين قاراسينا
كروان كئچر ائنيشه                آنالار قوربان اولسون
ياسديقيندا گول بيتسين            اوز كورپه بالاسينا
دوشگينده بنوشه
   لاي لاي دئديم آدينا                 لاي لاي منيم ديلگيم
حق يئتيشسين دادينا               ايكي گوزده ببه گيم
هر يئرده لاي لاي ائشيدسم        يئدي باجي قارداشي
بالام دوشسون ياديما               گل اول منيم كومگيم
    داغلارا سيرين دوشر
كولگسي سرين دوشر            لاي لاي دئديم آغلاما
هاردا لاي لاي ائشيدسم           اوره گيمي داغلاما
ياديما پريم دوشر                  بويو بوي آت كيشي اول
   قيزيل گولوم باتام لاي لاي        منه اوميد باغلاما
عطرينه باتام لاي لاي
بالام عرصيه گلسين                جانيم گول برگيم لاي لاي
تويون اوتوم لاي لاي               باغريم اوره گيم لاي لاي
   لاي لاي قوزوم آغلاما              گوزلريمين ايشيقي
اورگيمي داغلاما                     ياغلي چورگيم لاي لاي
يات يوخون شيرين اولسون
يوخوما داش باغلاما               بير گول اكديم بويونجا
   لاي لاي ؛آ گلين بالا               عطير آلماديمم دويونجا
يوخوسو درين بالا                 عومروم – گونوم اوزانسين
تانريله عهديم بودور              بو بالامين تويونجا
تويونو گوروم بالا
   لاي لاي دئديم ،يات دئديم           سنه نولوبدور بالام
ياسديقا باش آت دئديم               رنگين سولوبدور بالام
بالا چكيم نازيوي                    اويان شيرين يوخودان
بويا باشا چات دئديم                ممه ن دولوب دور بالام
   آران دولي ميلچك اولي
داغلار دولي چيچك اولي              لاي لاسي بير دن – بيردن
ياتيب دورار گويچك اولي              بئشيگي ايني دوردن
لاي لاي بالام آ لاي لاي              لاي لاي دئ بالام ياتسين
   آي بئله تك – تك دوغار              يوخوسو قيزيل گولدن
گون بئله تك- تك دوغار
سنين كيمي اوغلاني                لاي لاي دئديم بويونجا
آنالار تك –  تك دوغار              باش ياسديقا قويونجا
   يوخويا گئت يورولدوم              سن يات گول ياسديقيندا
بئشيگيمين سلطاني                 منده باخيم دويونجا
خيرداجاسان ،مزه سن
   لاي لاي بالام جان بالام               لاي لاي دئديم بيله سن
من سنه قوربان بالام    دوشمه يه سن ديله سن
آغلاييان كونلومو    بويا- بوخونا چاتيب
گل ائيلمه قان بالام                    اويناياسان گوله سن
   بالام عومرون چوخ اولسون
كونلون –گوزون توخ اولسون          بالام اوينور ياتمايين
سنه لاي لاي چاغيرام                    سوزونه سوز قاتمايين
دوشمانلارين يوخ اولسون   لاي لاي دئيين بالاما
ياتارسا اوياتمايين
   ائوينده ائشيگينده
يات قوزوم بئشيگينده                    داغلاردا لالام سنسن
بير من بير دان اولدوزو                 آلينماز قالام سنسن
دورموشوق كشيگينده                   كيميم يوخ كيمسم يوخ
بير شيرين بالام سنسن
نازلامالار
اوشاقلار بير آز بويا – باشا چاتيب قيخلي ليقدان چيخديقلاري دونمده اوشاقي دينديرمك و عزيزلمك  اوچون دئييلن سوزلرديلر كي اوشاق بويودوكجه بو نازلامالار؛ اوخشامالارا و بسلمه لر چورلير.نازلامالارين فورملاري بعضاايكي و يا دورد ميصراعلي و بعظا اوچ و يا بئش ميصراعلي شعيرلردون دوزليرلر.
ايكي  ميصراعلي نازلامالارين شكيلري سوال و جواب اولار.
   بالاما قوربان اينكللر                 بالام نه واخت ايمكلر؟     (چوخ يئرلرده نه واخت يئرينه هاچان دئيلر)
   بالاما قوربان ايلانلار                بالام نه واخت ديل انلار؟
   بالاما قوربان دايلاخلار             بالام نه واخت اويناخلار؟
   بالاما قوربان سئرچه لر            بالام نه واخت ديرچللر؟
   بالاما قوربان بيزوولار             بالام نه واخت دوز اوينار؟
   بالاما قوربان بيزوولار             بالام نه واخت دوز اوينار؟
   بالاماقوربان دايجالار               بالام نه واخت ال چالار؟
   بالاما قوربان خالاسي              بالام قيزيل پاراسي.
   بالاما قوربان كنديلر                بالامي نه اوورتديللر
   بالاما قوربان مئيولر               بالام نه واخت ائولنر؟
   بالاما قوربان بيزوولار            بالام هاچان قيز اولار؟
   چاخام چالخام ياغ اولسون       اوغلوم يئسين ساغ اولسون
ايكي ميصراعلي شعيرلردن باشقادا نئچه بيتلي نازلامالاروارديلار كي اوناردا بنزرليقي باياتي كيميدير و لايلايلاردا چوخ بنزرليكلري واردير.
   داغدا داريلار                                   ايگيت قالاسين ايستر
سونبولو ساريلار                              داغين لالاسين ايستر
بو بالاما قوربان                                من بالامي ايسته رم
قوجا قاريلار                                    بالام بالامي ايستر
   آللاه سن بونون تاييني وئر
اوخونو گيزلت ياييني وئر                   بويا بوخونا دول گز
اولانلاراينكين ساخلا                        بوينوما دولا قول گز
اولمايانلارين پاييني وئر                    جوانلارسيره منيده
   آللاه بوندان قالميشلاردا وئر               سن ده بير ايگيت اول گز*
مامايولو دويموشلره ده وئر
بيزه وئرديين شوكر اولسون
ديبك ديبي دويموشلرده وئر
   داري داريلار يارپاغي                  (جور جورلر ياپراغي)
آستانالار تورپاغي
هركيم بوني ايستمير
گوزونه بيبر يارپاغي
   آتيم توتوم بالامي                      شان باغلايان آري لار
شكره قاتيم بالامي                     قونار گوله ساري لار
باباسي ائوه گلنده                     بالاما قوربان اولسون
قاباغا توتوم بالامي                   ياشي توتموش قاري لار
   دادلي قيزام گلين آلين
كبينيمه كندلر سالين                  داغ باشيندا قالام وار
بيردانا قيزام گلين آلين    اورگيمده يارام وار
كبينيمه يوز كند سالين   خلقين دوولتي مالي
   داري داريلار خرمني                 منيم ده بير بالام وار
سونبولو ساري خرمني
بالامي قاچيرديلار                     يايليغي كيرلي بالام
دايسي وئره ر جرمني                اورگي فيكيرلي بالام
   آللاه بوندان بئش اوليدي             تاي توشلارين ايچينده
ائولر،ائشيك لر ده اوليدي            منيم شكيل لي بالام
عالمده بئش – بئش اولاندا
بيزده اون بئش اوليدي                يول اوسته بولاق اولام
   قالالار، آي قالالار                     آخارام – بولاق اولام
لاچين اوردا بالالار                    سن منيم اوز بالامسان
لاچين بالاسين وئرمز                اوزوم گوز – قولاق اولام
بلكه زورلا آلالار
   قاپيميزدا وار چينار                    بالام بي رسويون گوروم
ياپراقي دينار دينار                     سروتك بويون گوروم
منيم بالام كورپدي                     تانريدان آرزيم بودور
ساخلاسين پرورديگار                 بالامين تويون گوروم
   قوخوسو گولدن گلر
گولدن ،بولبولدن گلر                     من عاشيق قوزو قوربان
بالامين گول بئشيكده                     قوچ قوربان قوزو قوربان
يوخوسو بيردن گلر                      هر سحر بويون گورسه م
   عزيزيم آسما مني                        كسه رم قوزو قوربان
هاي – كويه باسما مني
قويما تيفيل آغلايا                         بالاما قوزو قوربان
آغيزينا باس مه مه ني                   قوچ قوربان قوزو قوربان
   خيرداجاسان ،مزه سن                   قوربان قبول اولماسا
سن هر گولدن تزه سن                   قوي آنان اوزي قوربان
اوگونه قوربان اولوم
ديپير – ديپير گزه سن                  اوغول سن ياراغيمسان
   بال اولار بال اولار                  گوزگوم سن داراغيمسان
يئل اسر فغان اولار                  هر گون لازم اولماسان
بالا گزن يئرلرده                      دار گونومده داراغيمسان
آنالار قوربان اولار
   اوبالار اوبانيز اولسون                 باغچالار باغا دونسون
بير بئله بالانيز اولسون                باغيم ياييلاغا دونسون
هاميدا بئش- بئش اولسون            بيرجه كلمه سوز دانيش
گوي بيزده اون بئش اولسون        اورگيم باغا دونسون
   اوبالار كوچون يوردوموزدان
بالام دوشسون آردينيزدان             آنان تئل دوزر سنه
قوزونوزا هئش دئسين                 باجين گول دوزر سنه
تويوغونوزا كيش دئسين              تانريدان عهديم بودور
   باشينا من دولانيم                      نظر ديمه سين سنه
من دونوم ،من دولانيم
سني آللاه ساخلاسين               آتينان توتدوم سني
ساينده من دولانيم                   عجب آووتودوم سني
   بالام سان بيردانامسان             جان قويدوم جفا چكديم
صدفده،دوردانامسان               شوكور سني بويوتدوم
من اولسم سنه قوربان
سن اولمه بير دانامسان               اوخشاسين ديليم سني
   دريا اولام ،بولانام                      بويوتسون ائليم سني
سوجاغاولام ،سولانام                  ميداندا آت اويناداندا
ساغ گوزوم سنه قوربان              بير ايگيت بيليم سني
سول گوزمله ن  دولانام
   قرنفيلم،قالخارام                      من دئييرم آي اولماز
آچيلماقا قالخارام                     ياز اولماسا ياي اولماز
گئجه جينقيرين چيخسا              چوخ انالار قيز دوغوب
يئريندن ديك قالخارام                بيزيم قيزا تاي قيز اولماز
   دريا دولي ليلينه ن
بالام اوينار گولونه ن                 داغداكي آتلار
عالمه جان باغيشلار                 آتلار گوي اوتلار
من ساخلار ديلينه ن                 تنبل آروادلار
   گلين چيخاق داملارا                 بوبالام قوربان
يالواراق آداملارا
چادير قوراق ،سو لوياق              چايير دير؛دنيزدير
دده ن گلن يولارا                       قولدور ،كنيزدير
بالام هر نه دير
    توستو سوزداملار                          منه عزيز دير
ساري باداملار
گويچك آروادلار
بو بالاما قوربان
اوشاقين الرينده ن توتوب يئريدنده بو نازلاماني سويللر:
   تاتان بالام ؛تاتان
تاتلي بالام ؛تاتان
   پاپيلي فريك
چيخما ديوارا
چالقالان وورار
قالام آوارا
ساغ آياقين سونباقوتور              (بو ايكي بيتي اوزالدا- اوزالدا اوخورلار)
سول آياقين سونبا قوتور
اوشاقين اللريني توتوب چپيک چالديراراقاوخورلار:
   چپان – چپان اللري
اپبک ياپان اللري    ويا  ….     ايپک يالان اللري
اوشاقين ساچلارين تومارلاياراق بو شعري اوخورلار:
   بو كيمدي كيمدي كيمدي
تئلري بو كوم بو كومدي
آتاسي دئير مولكومدي
آناسي دئير ايلكيمدي
بيريسي اوشاقين بويوتمه لرنين چتينليكلريندن آنايا سوزاچاندا ،اوشاقين آناسي جوابيندا دئير:
   بالا دادي،بال دادي
بالا آدام آلادي
شيريني ،شيرين اولار
آجيسيدا ،بال دادي
قايين آنالار ،نوه لريني قوجاقلارينا آلاراق گلينه آجيقلانديرماق اوچون بو نازلاماني اوخورلار:
   سارمساغيم،سوغانيم
ياد قيزيندان اولانيم
بابانا جانيم قوربان
ننه ن اولسون قوربانيم
يادا بوني دئيللر:
   ياريسي بالام بالاسي
ياريسي ايلان بالاسي
بونازلاما تكجه قيز اوشا قي اوچون اوخونار،اوشاقي ال اوسته توتوب بونازماني اوخورلار:
   گوزگوده دويمه
توزوني سيلمه
خونچادا تيرمه              (بيرجوت چكمه)
گلر قيزيم اوچون!
ماهمانات باغي
ياشيل ياپراغي
قيزيل بئل باغي
گلر قيزيم اوچون!
نوبار ياناغي
گزر اويناغي
بير جوت قول باغي
گلر قيزيم اوچون!
هر ياني گوزوك
ايلقاردا دوزوك
بيرليان اوزوك
گلر قيزيم اوچون!
دورار نامازدان
الينده قوران
بيردنه يورقان
گلر قيزيم اوچون!
آلتيندان خونچا
چالار كامانچا
اون دانا خونچا
گلر قيزيم اوچون!
آغ مايا اللر
بئلبنده كمر
قيزيل دويمه لر
گلر قيزيم اوچون!
داغلاردا جئيران
بو قيزا قوربان
اون خارا تومان
گلر قيزيم اوچون!
الينده وار دف
اوستونده صدف
بير زرلي اورپك
گلر قيزيم اوچون!
گويده گئدن قاز
ديمدگي الماس
بير دانا ناز- ناز
گلر قيزيم اوچون!
هيواسي ؛ناري
الينده باري
اون ساپ ميرواري
گلر قيزيم اوچون!
   ماماني آي ماماني
1)ماماني آي ماماني                                   2)ماماني ماماني
بالام كيمي گول هاني                                  تار ساخلاسين بالامي
گول هاني بولبول هاني                               آناني هم آتاني
بالام گول تك آچاجاق                                  ماماني ماماني
يوردا عطير ساچاجاق                                بالامي ياخشي تاني
اوخوياجاق يازاجاق                                  بالام گئجه لر ياتار
آباسينين اليندن                                       سحر تئزدن اوياني
آتاسينين ديليندن                                     او منه يولداش اولار
شيرين سوزلر يازاجاق                             كونلومه سيرداش اولار
آدليم شاعير اولاجاق
3)ماماني ماماني                                      4)اوهئ بئهئ ماماني
هوقوشلار يئدي ساماني                              ائشكلر يئدي ساماني
هاني بوقيزين توماني                                هاني بو قيزين توماني
توماني آغاج باشيندا                                 اودوبا  آغاج باشيندا
دايسي گلين توشوندا                                واي!قارا پيشيك آپاردي
دايسي تاپار گتيره ر                                توماني دوشوك آپاردي
جيبينه تپر گتيره ر
اوشاق اويون شعيرلري و اوخونان سانمالار
بو شعيرلر اوشاقلاراوچون چوخ كيچيك ياشلاريندا عين حالدا بير ايلنجلي و اويونا بنزر ايشلرله اوخونان سوزلرديلر كي بويوكلر اوشاقلارا اوخويالار.بو اويناماقلادا هم اوشاقلارا ساده اويونلار اورديلدگيله بيرليكده اونلارا سوزلي و ساده سوزجوكلرله دوزلن شعيرلرده اورگتمك آماجيله اونلارين ديل آچمالاريني گئنيشلنديريب بير ايلنجلي اورتام يارادماق و اوشاقلاري تومارلاييب نازلانديريلار.
   لو لو لو حووضه
اوشاغين اليني اللرينه آليب،آووجوندا بارماق ايله بير داييره چكيب ،قيديقلانديراراق او شعيري اوخورلار:
لولو ،لو لو ،حووضه             دوورت بير ياني سبزه (بو بيتيدن سورا جوري بارماغي توتاراق دئيلر:
بير قوش گلدي سو ايچمگه    (وجوري بارماغي بوكرلر)
بو توتدو                                        (اوبيري بارماغي توتوب بوكرلر)
بو يئدي                                         (سونراكي  بارماغي توتوب بوكرلر)
بونادا هيچ زاد قالمادي                        (باش بارماغي توتوب باشينا دوورك دئيلر)
كوله قالاسان بويومه يسن،كوله قالاسان بويومه يسن،…
باشقا بير واريانتدا بويله اوخونار:
لولو ،لو لو ،حووضه             دوورت بير ياني سبزه
بو دئدي گلين گئدك اوغوورلوغا             (كيچيك بارماغي گورسدرلر)
بو دئدي نرديبان هاني   (ايكينجي بارماغي گورسدرلر)
بو دئدي من نرديبان   (اوزون بارماغي گورسدرلر)
بو دئدي آللاه وار،پيغمبر وار،گناهدي   (اوبير بارماغي گورسدرلر)
بونادا هيچ زاد قالمادي    (باش بارماغي گورسدرلر)
بير باشقا وارينانتدا :
لو لو ،لو لو ،حووضه                        دوورت بير ياني سبزه
بورايا بير قوش قوندي
بو توتدي قول باغلادي
بو كس دي بئل باغلادي
بو پيشيريب ياغلادي
بو يئدي داياقلادي
بو گلدي گوردي يوخدي
دستمال آليب آغلادي
دئدي منيم كي هاني؟
قاپ قارا پيشيك آپاردي
توماني دوشوك اپاردي!
   ال – ال اپه نك
اوشاقين اووجلارين يئره قويوب بارماقلارين آچيق توتاراق بو شعيري اوخويوب سونوندا بارماقلاري بير – به – بير بوكرلر:
1) ال – ال اپه نك                                  2)اليم – اليم اپه نك
الدن چيخدي كپه نك                               الدن چيخدي پكه نك
ساغ – سول                                       كپنه گين ياريسي
سالا بوني                                          بيتلي به ين قاريسي(كه ل اوغلانين قاريسي)
چك بو ني!
   ال –اله دويمه دله
اوشاق آياق توتوب يئرين زمان اللريندن توتوب بو اوخوماقي اوخورلار
1) ال- اله کتان کله// بيز گئديريک بابام گئيله// بابام منه باشماق آليب// ايچي دولي کيشميش آليب// بير تاي سنين // بير تاي منيم // دونبالان ميس
2) ال – ال دويمه دله// بابام گئديب باشماق آلا// بير تاي سنين// بير تاي منيم// حاجيه باجي ميس
   بارماقلار
اوشاغين بارماقلارين توتاراك بو شعري اوخورلار:
باش بارماق               باشلا باراق           اوزون حاجي                قيل تاراجي
خيردا باجي               بو ووردي             بو توتدي                    بو بيشيردي
بو يئدي                   واي ،به به ييمه قالمادي!!
   بربرينجي
بير اوشاغين بارماقلارين ساياراق يئله اوخويالار:
ايگنه – ايگنه(اينه-اينه)             اوجو دويمه          بربرنجي         شام آغاجي                قوز آغاجي
قوتور كئجي               هاپان                 هوپان            ياريل                       ييرتيل
سو ايچ قورتول
باشقا واريانت:
ايگنه – ايگنه            اوجو دويمه              بال باليجا              باللي كئچي        شام آغاجي
شاطير كئچي              قوز آغاجي              قوتور كئچي          هاپپان ،هوپپان
ييرتيل – ييرتيل          سو ايچ قورتول
باشقا واريانت:
اينه – مينه                 اوجو تين نه                  فيلفيلجه         بورنو ايريجه
اينه باتدي                  جيگريم ياخدي
باشقا واريانت
اينجيك – مينجيك          سن دور –سن دور چيخ          حسن حسن      كربيج كسن        قاپيني قيران         قيز قاچيران
بو اويون باشقا جورده اويناناربئله کي ؛اوشاقلار الرين يئره قويوب بير بويوک اوشاق” موللا”اولوب اوسته کي سوزلردن بيريني اوخويار،سونراقورتول سوزوندن سونرا هر کسين ساغ و سول الينه دوشسه او اليني يئردن گوتوروب و آخيرده قالان اوشاق ديزي اوسته اوزو قويلو دوشر قالانلار يوموروقلاريني اونون کوره گينين اوستونه بير –بيرينين اوستونه قويوب موللا سوروشار “اللر اوسته کيمين الي؟”اگر دوز دئسه دورار و اويون تازادان باشلار اگر دوز دئينمسه موللا دئير:”تاپمادي …ها تاپمادي ؛قولاقلاري ياپبادي،شمسي خان بير آت آليبدي،الينده مات قاليبدي،آروادي باشين توربالار، کيشيسي مينيب يرغالار،يغيشين گلين قارقالار،قاري ننه اولمکده دي،گوزلري چولمکده دي، قارقاايله قجله – اتين بولمکده دي،بير ي دئيير بير قولي منيم ،بيري دئييربير قيچي منيم ” بو سوزلرسونا يئتديکده هامي بيرليکده قا…قو…قا…قو دئيرک هامي يئردکين چنگلر.
   موتال – موتال
اوشاقين بارماقلاريني يئره قوياراق اونلاري بير – به –بير سايلان كيمي بو شعري اوخورلار:
موتال – موتا ل               ترسه موتال         قيل آتار               قايماق قاتار
آغ قوموش                 آغارجانيم             قوي قوموش         قوورچينيم
قارقا قارا                    دورنا جالا           يله مه چيليك         بيرجه ملك
چمبر چاريق                امره گولو           وور ناغارا            چيخ قيراغا
   اكيل – به كيل
اكيل – به كيل قوشيدي                  آغاجا قونموشيدي             گئتديم اوني توتماقا
او مني توتموشيدي                      ميدانا سالميشيدي              ميدانين آغاجلاري
ده ن گتيرديم قوشلارا                   چپر چكديم ،يول آشديم        قيزيل گوله دونموشم
بير دسته گول درميشم                  ننه م گلدي من قاچديم
   سينيق قول
اوشاقين قولوندان توتاراق ياواشجا قاوزاييب بو شعري اوخورلار:
   سينيق قول آي سينيق قول            سويا گئدر سينيق قول                 سودان گلير سينيق قول
ائو ايشين چوخ گورنده               ساللام قالار سينيق قول   (اوشاقين قولون سالارلار)
ايپ آتماقا گئدنده                      اوت دروماقا گئدنده                      سو چكماقا گئدنده
ساللام قالار سينيق قول                                                         (اوشاقين قولون سالارلار)
ايشلي چورك گورنده                 ياغلي فتير گورنده                      اوزلي قاتيق گورنده
دوم – دوز قالار سينيق قول        دوم – دوز قالار سينيق قول           (اوشاقين قولون تيرله لر)
اوشاق ديل آچديكدان سونرا اونلار سايلاري و باشقا سوزلري اورتمك اوچون بو شعرلري اوخورلار:
   سايلاري اورتمك اوچون
   بير؛ايكي             بيزيمكي             اوچ ؛دوورد             قاپيني اورت
بئش ؛آلتي         (داش آلتي) سماور آلتي          يئدي؛سكيز              فيرنگيز
دوقوز؛ اون           قيرميزي دون
   بير ؛ايكي دينقيلدان                      آناسينين ايلكيندن
چيخديم اريك دالينا                      باخديم شهر يولونا
گوردوم گلير اون دوه                  من بيرينه مينمه ديم
آبلام گيله گلمديم                        آبلام پيلوو پيشيرميش
ايچينه سيچان دوشورموش           سيچان اون بئش ياشيندا
قيزيل گوللر باشيندا                    بو دولمادان كيم چيخدي
قيزيل ساچلي قيز چيخدي!!
   گول – گول
اوشاقين اووجوندا بالاجا بير گول گيزلديب سونرا اوني اختاران کيمي اللرينيدن تاپماق اوچون اوخورلار:
يا بوندادي
يا بوندا
حالواچي
دوکانيندا
دده م
دئدي
گئت
آل
بو ندان

   ميرت- ميرت
اوشاق ديل آچيب دانيشديكدان سونرا بو شعري اوخورلار:
ميرت – ميرت آدين نه؟
– بال قاباق!
ائوله نميسن؟
– گلين يوخ!
ديللنميسن؟
– قويان يوخ!
ايسته ميسن؟
– وئرن يوخ!
اويناميسان ؟
– چالان يوخ!
يئرين هارا؟
– سامانليق!
سامان يئ !
– مئيليم يوخ!
اوندا چكيل گئندن باخ!
اوشاق ديل اچديكدان سونرا اوشاقا ديني و قرانين ان ساده سوزلريني و اوزليكله بئش تن ال عباني و ايمامالري اوردلر.ايماملاري اوردمك اوچون بو شعيري اوخورلار:
   مرزي هابال مرزي
بير اوشاغين باشيني ديزاوسته قويوب كوركينه ووراراق دئيلر:
مرزي هابالا مرزي
گئتديم گوردوم
درده بير آت اولوبدي
آشي گيرب قاشينا
قارقالار ييغيشيب باشينا
قارقاسان سئرچه؟
(اوشاق “قاراقا”دئسه اونو سانكي قارقالار ديمديكله ييرميش كيمي قار- قار دئيرك قيرتالار،اما اگر سئرچه دئسه جوك – جوك دئيه رك يوموشاق چيمديكلرلر.)
   كوفته ياپتدي
بو اويوندا مرزي اويوني كيميدير تكجه اوخوماقلاري فرقيليدير.اوشاقلارين بير نئچه سي اوتوروب بيريني سئچرك اوزي قويلي اوتورداراك ياواشجا بئلينه وئراراق اوخويارلار:
بيزيم كنديده كوفته ني بئله دويلر
بيزيم كنده ياپماني بئله دويلر
قارقاسان سئرچه؟
( قارقا دئسه چيدمدكلرلر سئرچه دئسه ديمديكلرلر)
باشق بير اويوندا کي بونا بنزردي ککليگمين  باشي ساري آديله اوخونان و اوينان اويوندور کي بوجوردي کي:
بير نئچه اوشاق بير بالاجا اوشاقي ارالارينا آليب باشلارينا بير اورتوک چکيب سونرا اللريني اوشاغين باشينا چکرک اوخولار:
ککليگيمين
باشي ساري (اوشاقين ساچلارين تومارلارلار)
ساچي ساري(ياناقلاريني اوخشارلار)
ديمديگي ساري(قولاريني ال چکرلر)
قانادي ساري(آياقلارينا اللرين چکرک)
آياغي ساري
دئيب سونرا بيردن اللرينين آرخاسيله اورتوگي يئلنديريب اوخورلار:
ککليگيم ققوو ققووققوو
کليگيم ققووققوو ققوو
   ايماملار
آذربايجانين و ايرانين بير چوخ يئري كيمي دينلري شيعه اون ايكي ايماملاي اولدوقونا گوره اوشاققلارا اونلاري سيرايلا آدلاريني اورتمك اوچون اونلارا شعير اولاراق بو شعيري اوخويالار:
سحر سحر قوچ ايگيدلر عرب آتي مئيداندي
محرابداباشيندان توكولن قاندي
اولينجي ايام آدي شاهي مرداندي
ايكينجي سين آل خبر دئييم
جنت قاپيسينا قدم باساندي
بهشت باغلاريندان قنديل آساندي
ايكينجي ايمامين آدي ايمام حسن دي
اوخودوم قوراني آچيلدي ديليم
كربلا چولونده تشنه حوسينيم
اوچونجي ايمامين حوسينيم
دوردونجوسون آل خبر دئييم
باهار اولوداغلار تازا دون
دين ايچينده بسله ميشم تازا دين
دوردونجي ايمام زين العابدين
بئشينجيسين آل خبر دئييم
بير يئرده گئديرسن اوتور،دور آغير!
موشكولده قالاندا مولاني چاغير!
بئشينجي ايمام محمد باغير
آلتينجي سين آل خبر دئييم
دونيا مالين ييعديق ييغديق بوداديق
نولايدي اوستموزه گله يدي هاديق
التينجي ايمامي آدي جعفر صادق
يئدينجي سين آل خبر دئييم
آلاق دستامازي قيلاق نامازي
بير جان وئرك بونون نيازي
يئدي ايماميم آدي موسايي كاظيم
سكيزينجي سين آل خبر دئييم
اونون آدي بنزر آيا اولدوزا
اونا هر نه وئرسين ريضادي ريضا
سكيزينجي ايماميم آدي ايمام رضا
دوقوزونجوسون آل خبر دئييم
آقام علي كوثر اوسته ساغيدي
او گزن يئر جنتين بير باغيدي
دوقوزونجو ايمامين آدي محمدتاغيدي
اوننجوسون آل خبر دئييم
آقام علي كوثر اوسته ساغيدي
او گزن يئر جنتين باغيدير
اونونجو ايمامين آدي علي النقي
اون بيرينجي سين آل خبر دئييم
باغدا وار شيرين عسگري
باغ ديبيندن حزين- حزين سس گلي
اون بيرينجي ايمامين آدي حسن عسگري
اون ايكينجي سين آل خبر دئييم
سحر اولوب داغلار باشي دوماندير
قيامتده دينسيزين گوني ياماندير
اون ايكينجي ايمامن آدي ايمام زماندير
مهدي صل الله عليه وآله

خاطيرلاتماق گركير كي بوشعيري اوشاقلارا ايكينجي بنديلرين اوردلرو بيرينجي قيسملارين آزاراق اوردللر.
بوندان علاوه اوشاقلارا پنج تن ال عباني دا تانتديرالار،بونا “الله محمد” ده دئيلر:الله؛محمد؛علي ،فاطمه؛حسن،و حسين
اوشاقلارا دينين ايلکر و اونجولريده بوارادا يئر تاپارکي اونلاردان “اصول دين”و “حمدو سوره”سونرالار “ناماز”سوزلريده بوارادا يئر الار.اوشاقلار قورانين ” عم جزه”ايله اورگشمک ده اونلارين ايلک درسلريندن و اورنمللرييندن سايلاردي.بير اوشاق “عم جزه”قورتارميشسا بير بويوک باشاري الده ائدميش کيمي سايليب اونا بويوک آلقيشلار و ديرلر قازانديرلاردي.اوشاق بو بولومي قورتران زمان اوشاقا قوناقليق وئريب اوني ساگيله انارميشلار.اوشاق بو بولومي قورتاران گون ائو آداملاريندا بير نئچه سي مکتبه گئديب اوشاقلار بيرليکده ايکي “لامپا و يا شمع يانديراراق بوتون مکتب اوشاقلاريني و مکتب داري ائوه قوناق اپارارميشلار.
   اوشاق تازا مكتبه گئتديكدن سونرا اوني القيشلاماق اوچون و اوني درسه ماراقلينديرماق آماجيله بو شعرلري اوخويالار:
آي افرين گول ؛اوغلوم// گول اوغلوم سونبول اوغلوم// گولوم اوغلوم، ناز اوغلوم// درسيندن قالماز اوغلوم// قلميني آل اله// بير ياخشي خط ياز ،اوغلوم// اوغلوم گئدر مكتبه// اوخور چاتار مطلبه// درسين اوخور راوانلار// نه اوخويوبدور آنلار// داش اوسته چيچك قازار// مشقيني گويچك يازار// قوموشدندير داواتي// قلمي وار بئش ،آلتي// قلمداني شكيلي// اوغلوما خال ميلي// دفتري وار تر تميز// كيتابي اوندان عزيز// كاغيذلاري رنگ به رنگ// اوغلوم گتير ياز گوره ك// اوغلوم سحردن دورار// ال- اوزوني تئز يووار//اوزونه گولاب وورار// پالتارلاريني سيلر// مكتبه گويچك گئدر// اوغلومون آدي عزيز// اوستي – باشي ترتميز// اوغلومي هر كس گوره ر// باش اييب سلام وئره ر// اوغلوم كوچه دن گئچمز// هيچ كسيله ساواشماز// اوغلوم ايته داش آتماز// آتيب گوناها باتماز// ميلچگه ائتمز ازار// ميلچگينده جاني وار// پيشيكلري هيچ وورماز// سئرچه لره تور قورماز// آي آفرين گول اوغلوم ///گول اوغلوم بولبول اوغلوم// درسين اوخي راوانلا// سونرا دانيش ،گول اوغلوم
2.   اوشاق ديلي
بويوكلرين اوشاقلارا ديل آچمالاريني ساغلاماق آماجيله دوزلن ساده و بسيط سوزلرديرلر كي اوشاق فولكلوري بويوكلر طرفيندن اوشاقلارا گوره يارانير.بو ديلين اوزليكلري بونلارديرلاركي بوتون سوزلر چوخ ساده و بسيط سوزجوكلردن يارانيبلار و هاميسي بير هجايي ديرلر.اونا گوره ده اوشاق بو سوزلري راحاتليقجا ديله گتيره بيلير.بو سوزلرين بير چوخي دوغال و طبيعي تقليدي شئيلردن آلينماقدادير تا اوشاقلار گوردوگلري زمان اونلار ي راحتليقجا خاطيرلامالاري ممكون اولسون.دوغال ياراتيقلاردان دوزلن سوزلر ده اوزلري قيسدا و ايكي سوزون تكرارلانماسيندا دوزليلر .
جي جي = پالتار ،گيسي         په په = چورك        پوفي= ايسدي يومك                  قاقا= شيرين يئمك
جيزا= ايسدي شئي ؛چيراغ     قوجي=قوجاق         قوجي قوجي=قوجاقلاماق            لالا = ياتماق
ته تي پاپي= آتديم ،يئريمك     قوقو=تويوق،قوش   دودومه= قويون                       به به يي=قوزي
قورقور بابا=ايلديريم            هام=يئ                چيم چيم= يووونماق                  جيز= ياندران شئي
چپان= ال چالماق               تاتان= يئريمك         پاپان= باشماق،اياق قابي            اوپبالا= يوخاري
به به= اوشاق                  جينقلي=كيچيك،بالاجا                                       دادار=اياق اوسته دورماق
ده رده ر=كوچه دولانماق         دينقلي= چوخ بالاجا                  ما=اينك          مه مه=امجك
پيشي= پيشيك،                     هاپو= ايت                        اوف=اوشاقين دئلينده يارا
آق= وورماق                     دودود=ماشين                  جوجي=كيچيك قوت قوش
اوندالارا= چوخ اوزاقلارا گئتمک                قيدي= کئچي و قوزي
خوخي = اوشاق قورخودان             خورتدان= اوشاق قورخودان
ناي ناي= اويناماق               جوجو=جوجه و قوش بالاسي             ادي ،ادي بيدي؛ادي باجي=اوشاقا باخماق و قولدورمك              گيدان گيدان =اوشاقا اوتوردوقي يئرده  اويناياماقي اوچون دئيلر
شالان شالان= اوشاقا دئينده اوشاق باشين ترپنديريب اوينار
3.سيناملارو اوشاقلا ايلگيلي باطيل اينانجلار
بوتون كولتورلر كيمي تورك و آذربايجان كولتوررونده ده بير سيرا اينانجلار و اعتقادلار واردير كي اونلاري باطيل اينانجلار انلام وئررك اونلاري سيرا ديشي بير شئيلر سانيلماقداديرلار ؛نيسه كي بوتون بواينانجلار اوزون ايللر بويوي بوتون مدنيتلرين اوزل بير پارچاسي سايلاراك اوزلرينه اونملي بير يئر ايرماقداديرلار بوارادا  اوشاقلارا گوره اوزليكله قادينلار آراسيندا يايقين بير شكيلده گورنن اينانجلار وارديلار كي اوشاقين دوغولمادان باشلاياراق اوشاقين بويودوگي سوريه قدر سورمكددير.بو اينانجلاري ايكي بولومه سيرالاماق اولار كي بيرينجي قيسمي اوشاقين انا قارنيندا اولان زمانلار و ايكينجي بولوم اوشاقين انادان اولاندان سوراكي دونملره و بوياباشا چاتديگي گونلري ايحاته ائدير:
•   اوشاق آنا قارنيندا اولان زمان اوشاقين نه اولدوقونا و اولدوقدان سونرا نه ايشلر گوردوگنه داير و
انانين اوشاقينا گوره نه آرزولار بسلديگينه گوره اينانجلار بونلارديلار:
   بويلي قادين حاميله اولدوقوني بيلن زمان گونشه باخارسا اوشاقي اوغلان؛آيا باخسا قيزي اولار.
   بويلي قادينين باشينا بيلمه ديگي زمان دوز توكرلر ،الين باشينا چكيه اوششاقي اوغلان اولار ،بورنونا ال چكسه اوشاق قيز اولار.
   بويلي قادين قبر اوسته گتمز،گئدسه اوشاقي آغيرليق باسار.
   بويلي قادين ايكي ناماز آراسيندا بير آغ پارچا آچيب نار داناليب يئسه اوشاقي گوزل اولار.
   بويلي آرواد ،يئريكلين زمان هر نه حيوان اتي يئسه اوساقي او حيوانا تاي اولار.
   بويلي آرواد ،قورد اورگي يئسه اوشاقي قورخماز اولار.
   بويلي آرواد ،بير يئمكدن اومووبدا يئمسه اوشاقي گوزلري چيري (شاشي)اولار.
   بويلي قادين حاميله وقتي آلما قوخلاسا اوشاقي گوزل اولار.
   بويلي قادين حاميله ليک چاغيندا سومني ايله يوغورت بئسه اوشاقي آلا-بولا اولار.
   يئريكلين قادين كله پاچا چوخ يئسه اوشاقي فيرتيقلي اولار.
   بويلي قادين هر آدامين خورگين يئمه ملي و يئديكلري خوركلره ديقت ائدملي چون اوشاقين تيكه سي پيس آدامدان دوشرسه و حرام خوركدن اولارسا ناخلف اوولاراولار.

   اوشاق اولدوقدان سونرا بويوكلراوشاقا گوره بوايناجلار بسلرلر:
   اوشاق نيني سين بوش سالاسان اوشاق اولر.
   اوشاق اولدوقدان سونرا اون گون جان اوشاق اولان اوتاغا ات گتيرمزلر؛اگر بيلميه- بيلميه اوشاق اولان اوتاغا ات گتيرميشديلر گرک ات اوستونه سو توکوب سونرا بو سوويله اوشاقي يويارميشلار.
   اوشاقين قيرخي چيخديقدان سونرا حاماما آپاريب ؛قيرخيليق قوسلو(غسلي)توکرميشلر.
   اوشاقين گوبگين كسديكدن سونرا اوني هارا قورلاسان اوشاق بويوكلوگونده اورايا چوخ گئدر ،اوشاق مومين اولماقينا گوره چوخ مسجيدلره قويلارلار،ائو اوشاقي اولماق اوچونده ائوده قويلالارساوادلي و درس اوخويان اولماق اوچونده مکتبده يا مدرسه ده يويارميشلار.
   قيرخلي اوشاقي اياقلاري اوسته ساخلامازلار و قويمازلار اياقلارين يئره باسا ،بئله انانارلار كي اوشاقين گوزلري چئري اولار.
   اوشاقين اوستوندن آتلامازلار ،آتلاسان اوشاقين عومري قيسدالار.
   اوشاقا قيرخ گون قيرخ ساخلارلار يعني قيرخيندان سونرا بلي اولار كي اوشاق گئجه اغلاردي يا گوندوز.
   اوشاق يوخودا آغلارسا شيطان يوخوسوندا اونا دئير كي آنان اولوب.
   اوشاقين اوجوني يومازلار ،بئله اينانج ائدرميشلر کي اوشاقين اوجونون کيري اونون يوخوسودي يوسان يوخوسي قاچار.
   اوشاق يوخودا گولرسه ملكلر اونا سود وئرديكلرينه اينانيلير.
   اوشاق آناسين تانين زمان آناسينين توكلر توكولر.
   اوشاقي گوزگوي گورسدمزلر اوشاق اوزون گوروب قورخار.
   اوشاقا گول وئرمزلر اوشاق گول تكين سولار.
   اوشاقا خشخاش گولي آپارماق پيس اولار.
   اوشاقا آناسي ايكي دوشوندنده گرك سود وئرهچون بير دوش چورك بير دوشده سو كيمي دير.
   قيخلي اوشاقا ات گترسه لر اوشاقين بويني قيجار (داليه دونر)
   اوشاق ايمكليب قاپي آستاناسيندان گئچديگينده دئيلر اوشاقين باش بركيب و قولاقي داها آغريماز.
   اوشاقي تاخچايا و رفه قويمازلار دئيلر اجينه لر اوشاقي دئيشير.
   اوشاقي چوخ گولدورمزلر اتي توكولر.
   اوشاقا پنير وئرسن كورا فهيم اولار.!!!!
   اوشاقا بال وئرسن اوشاق داها ديل آچماز.
   اوشاق گورخسا “داماغين گوتورللر”.بئله کي بير آرواد الي نين ايچيني محکم يئره چاليب اورتابارماغيله اوشاقين آغيزينا ساليب داماغين باسار.
   اوشاق قورخموش اولسا اوني “بندچي”يه آپاريب بندچي قورخولوقون قوتوروب “پيتيک “يازار.
   قورخان اوشاقي تئز ايشديب دوز يالادالار.
   گئچ ديل آچان اوشاقا قوش يومورتاسي وئرلر اوندا تئز ديل آچار.
   اوشاقا گرك ديشليك پيشيريلسن ،بئله دئيلر كي اوشاق ديش چيخاردان زمان چوخ سانجي چكر بوناگوره دئيلر كي اوشاقين ديلي اولسا دئير :”آتام – آنام كاش منيم بئشيگيمي ساتيب منه ديشليك پيشرله لر”.
   اوشاق ديش چيخاردان زمان گوزل اوزلي آداملا اوزبه اوز اولورسا (ايلك ديشين گورن آدام)راحاتليقلا ديش چيخاردار ،چيركين اوزلي آداملا گورنسه چتينليكله ديش چيخاردا.
   اوشاق اوست طرفدن ديش چيخاردسا گرك بيرقوربانليق كسيله يوخسا ائودن بير اولي چيخار.
   اوشاق اوستدن ديش چيخاردسا اوشاقي اوجابير يئره چيخارديب اشاغيداكي آچيلان بير چادير ايچينه آتلارلا.
   اوشاقي آغاج ديبينه ايشدمزلر ،جينلر قارقيش ائدرلر.
   اوشاقي يورقان دوشك اوستونه و يوك يئرينه قويمازلار ،بئله اينانارلار كي اوشاقي اجينلر دئيشير.
   اوشاقي قيخ گون اول ائودن ائشيگه چيخاردمازلار.
   اوشاقين بوينوندان اوپمزلر يوخسا اوشاق كوسين اولار.
    اوشاقين باشيندان وورمازلار وورسان يئتيم قالار.
   قيخلي اوشاق يئمک بويوکلر يئين زمان چوخ اغلاسا دئيلر کي:ائلبر آتاسنين چورگين يئييلر
   اوشاقين بوغازينا يئمک و ايچمک زماني بير شئي قاچسا و اوسکورک توتوب کئچينسه ديلر:هاميسي سنين اولسون.
   اوشاقي اولن ارواد بالاسي قبرينه گتمه ملي بئله اينانارلار كي ملكلر اوشاقي سوريرك اناسي اياقلاري التينا گتيرلر.
   اوشاقين اووجون يومازلار؛بئله ايانارلاركي اوشاقين اووجونداكي چيرك اوشاقين يوخوسدور!!
   اوشاقي اوخلوقلا دوومزلر؛اوشاقين عمري آزالار.
   اوشاقي قبير اوسته آپارمازلار بئله اينانج وار كي اوشاقلار قبيرلرين ايچين گوربيلرلر و اونا گوره قورخالار.
   قيز اوشاقي دئير كي :آتام – آنام مني قيرخ گون ايشيگه آتماسالار من اوزومي اونلارا ايستدرم.
   قيز اوشاقي دئير :انام – اتاملار ساواشسين منيم بلگيمي برك باغلاسين.
   اوشاق اودلا اويناسا گئجه يئرينه ايشر.
   اوشاق اوجا يئردن و دام قيراقيندا دورسا شيطان ايتلر.
   بئواخت يئرين اوشاقي آپاريب ائوين آستاناسينا گويارلار و اوچ گون ائي سوپوردوکدن سونرا ائين زير- زيبيلريني اوشاقين باشي اوستوندن ائشيگه توکرميشلر.
   اوغلان اوشاقي تيز اومار.
   اوغلان اوشاقي قازان ديبي يالاسا تويوندا قار ياغار.
   اوشاقلار  خبر چين(بير جور گول توخومدور کي گويده اوچاراق ساچيلار)توتوب ياواشجا بير سوز دئيلر و سونرا اوني اوفلييب گويه اوچوردالار و دئيلر کي گئت بو خبر فلان کسه يئتر.
   اوشاقين بير ياشيناجان باشينا قيچي ويرمازلار.اوغلان قيز فرق ائتمز.
4.عنعنه لر و دب لر
اوشاق اولدوقدان سونرا بير سيرا دبلر و رسميلر وارديلار كي اوشاقا گوره اولار بونلارين آراسيندا اوشاقا آدقويما دبلري ،اوشاقا ديشليك پيشيرمك دبلري ،اوشاق كسديرمه دبلري ،اوشاقي مكتبه و قوران درسينه يولاماق دبلري و سايره دبلر كي تكجه اوشاقلارا و اوشاقلار دونمينه عاييتديرلر.آنالارين اوشاقلارينا محبتي اوشاقلارينا اوقدر چوخ اولار کي بويدوکلري زمان گئنه کيچيک ياشلاردا انالار اولادلارينا گوردوکلري عنعنه لري گئنه سوردورلر.
   اوشاقا ديشليك (هديك)پيشيرلن سفره يه بيچاق و دراق قويارلار ،اوشاق بيچاقي قوتوريه اوندان سوراكي اوشاق اوغلان ،داراق گوتورسه گلجك اوشاق قيز اولدوقونا اينانارلار.
   اوشاق ديشليك پيشيرلمه سه ديشلري برك اولماز.ديشليك پيشيريلديكدن سونرا اوندان هيچ بير آدام يئمز و اوندان يئدي دانا بوغدا گوتوروب ساپا دوزرك اوشاقين چينيندن آسلارلار بئله اينانجلا كي اوشاقين ديشلري برك اولار.اوندان سونرا ديشليگي بولوب پاييارلار.
   اوشاقين ايلك ديشين كيم گورموشسه اوگرك ديشليك پيشيره.
   اوشاقي بلديكدن سونرا اوچ يول اللري اوچ يول يئره چالارلار و اوشاقين دالينا چاليب دئيرلر :هامنين يوخوسو سنين اولسون .
   اوشاق قورخسا گرك تئز اوني ايشدلرو بير آز دوز يالايا.
   اوشاقين ديشلري آرالي اولسا روزوسي بول اولار.
   اوشاقين ايلك دفعه ديرناقلارين قيرخينداان سونرا توتارلار و گرك اوشاقين دايسي اوشاقين اووجونا پول قويوب ديرناقين توتا.
   ايکي اوشاقي بير يئرده قوجاغا المازلار.
   اوشاقين قيرخي چيخاناجان اوشاقي گونلر گرک اوشاق اولان اوتاقا گيرمسينلر چون اغيرليقلاري اوشاقا چوکر اوشاقي گرک آيري بير اوتاقا آلاريب قوناق ائو گلديکدن سونرا اوشاقي ائوه گتيرلر.اوشاقي ايلک گورن قوناق چوخ وقت اوشاقي قاباغينا چيغاردالار.بئله کي سانکي اوشاق قوناقين قورشونه گئدر
   اوشاق اون گونلوگونده آد گويارلار(بير چوخ يئرده آلتينجي يا يئدنجي گون)اوشاقين بويوكلري بير آرايا گليب قوناقليق وئرليب اوشاقا اد قويارلار.
   اسكي بير تورك دبي اولاراك اوشاقا ايكي آد قويارلار.بيرينجي آد كيچيكليق آدي و ايكينجي آد بويوكلوقنون آدي سايلار.
   ايكي آد قويلان اوشاقلارين آدلاري بيريسي ديني آد و ديگري اوشاقين بويوكلرنين سيچديكلري آد اولار.ديني آد قيزلاردا فاطيمه و اوغلانلاردا محمد سئچيلر.
   آتا – آنالارين آديني ديري ساخلاماق اوچون اوشاقلارين آديني اولن و بير چوخ وقت ديري بويوك آتا – َآنا لارين آدلارين قويارلار تا اونلارين آدلار يايتيب باتماسين.
   اوشاقين بويوگونون آدي ائوده كيچيك اوغلانين اوشاقلارينا يئتيشر.اگر بويوك اوولاد آتاسي يا آناسنين اديني اوز اوشاقنين اوستونه قويماق ايسته سه گرك  بالاجا اوولاددان آدي ساتين آلا بوبا گوره بويوك قارداش گرك بير دست خلعت آليب و بالا قارداشين رضايتيت اله گتيره.
   آدقويما دبلريني بيريسيده پيغمبر لر و ايماملارين آدلارني اوشاق اوستونه قويماقدير اينانجا گوره قيامت گوني بو آألاري داشين آداملار پيغمبر لر و ايماملارين ادلارينا گوره شفاعت اولارلار.
   اوشاق بير ياشينا چاتمايانجان باشينين توكونه قيچي وئرمازلار.
   اوشاق ائوده  يادا کوچه ده بير شئي ايتيرميش اولسا ،بويوکلري او شئي تاپماق اوچون اتکلرين اوجونو بوروب دئيلر:”شيطان قويروغونو باغلاديق” و سونرا دوشوب ايتن زادي آختارارديلار.
   اوشاقا نظر و گوز ديممک اوچون بير تاخيم شئيلر اوشاقين پالتارينا ،بورکونه تاخارلار کي اونلاردان ؛يئددي گوز(گوي رنگينده بير جورداشدير کي اوستونده آغ خاللاري اولار)داغداغان،پيشيک مينجيغي، پيتيک(کاغاذدا يازيلان بندچيلرين يازديقي يازيلار) يئددي قارداش، پينج الابي(پنج ال عبا) قيفيلي سانجاق ، دوعا پولي، دان آد آپارماق اولار.
   اوشاق قورخموش اولسا دوعا پولي چيخيب ،قورخولوقون قوتورللر.
   اوشاقين بوغازي گلميشسه اوني بوغاز باسانا اپارالار ؛بوغازيني سيغارلاياراق بو سوزلري دئيللر:
”   گئجه گلميسن ؛گئجه گئت
گوندوز گلميسن ،گوندوز گئت
هاواخت گلميسن ،او واخت گئت”


اوشاقلارين اوزلرينه ياراديقلاري فولكلور

1)ساتاشمالار و جينتملرودولامالار
اوشاقلار آراسيندا بير سيرا سوزلر وارديلار كي اوشاقلار اونلاري بير – بيرلرينه ديئب بعضا گولمك بعضا ده بيرسين حيرسلنديرمك اوچون و اونونلا شوخلوق و گولمك اوچون دئيلر .ساتاشمالاري بوگونكي آنلامين ائسپري سوزيله بير بيلمك اولار:
اوشاقلار اوزآرالاريسندان بير سوزون تكرارلانماسن ايستييب سونرا اوسوزي بير گولملي سوزيله و بعضا معناسيز بير سوزله قارشليق وئرللر.اورنك:
– دئ:آبي       -آبي         – گئت يالا قابي                        – دئ :پاخيل         – پاخيل      – دووارا ياخيل
– دئ :اذان     – اذان       – باشيوا گئچسين قازان               – دئ:پييالا           – پييالا     – گئت حووظدان سو يالا
– دئ:آينا       – آينا       – ميمون اول اوينا                      – دئ :مه تيرت        – مه تيرت    – گئت دامدا گوتووي تيتيرت
– دئ:آغ        – آغ        – اورگينه چکيم داغ                     – دئ:آغا              – آغا           – ديرماش داغا
– دئ:آام         – ادام      – شاقيلي بادام
جينتملر ده اوشاقلار ياراديجيليق ژانرلاريندان بير سيراسيدير كي اوشاقلار آراسيندا آتماجا و بير- بيرلريله سوزلشرك اوشاقلار آراسيندا سويلنير.
بيرده دولامالار کي اوشاقلار اوزلري يا بويوکلرله دئيرلر؛اورنک:
اوشاقلار اوز آرالاريندادولامالار:
ريضا ريضا // ميندي خوروزا// بير تپيک ووردوق دوشدي حووظا
علي علي  دووشان علي// ايتلرينن بوشان علي
ناغي ناغي // جووه ناغي// گويده وورار مالاغي
هاشيم هاشيم // ساققالينا ديرماشيم

اوشاقلار بويوکلره دولامالار:
احد عمي دامدا ياتار// دامبيلن آتار //تيکان باتار
دونن لر// بو وختلري// احد عمينين // قولاغلاري
بالاجا کيشي// ات گوودوشي///اتيمي يئدينن// وئر گودوشي
جيگيلي کيشي// داغ يئميشي
قوجا قوجا// سن گل گئجه// قاپي جيريلدار// پيشيک مووولدار
2)يانيلتماجالار
اوشقلار و بويوكلرين اوشاقلارين ديللريني گئنيشلتمك و اوشاقلار بير – بير  لريني سيناغا چكيب ايلنجله و گولمجه و باشاريليليق گورسدمك اماجيله دئيلن سوزلرديلر كي بير سيرا ياخين حرفلري و دال- به – دال سويلنن حالده دئمگي چتين اولان سوزلري دئمگينن اورتايا چيخار.
بوسوزلر بير جمله شكلينده يادا بير تكرلمه حالينده دئللر و بير چوخ چئشدي و نومونلري واردير/جومله شكلينده اولان حالده اونلاري بير نئجه دفعه تكرارلامناسي گركير.
   آتي مين- ايتي قوو           ايتي مين- آتي قوو
   ال اوزوموزو يوواق ؛اوزوموموزي ييك              اوزوموموزي ييك ؛ال اوزوموزي يوواق
   قيرخ كوپ،قيرخ قيرپي قيريق كوپ
   قلمه منه قلمه لنمه          من اوزوم قلمه لننلردنم
   گئتديم گوردوم كورپو آلتيندا ايكي كوركو ييرتيق كيرپ وار                   ائركك كوركو ييرتيق كيرپي ديشي كوركو ييرتيق كيرپي نين كوركونو يامير
   بو كاسا بيزيم اوزوموزونوموش
   بو قارپيزدا قارين سانجيلان ديران لاردانميش
   آشپاز آباس آش آسميش              ياخشي اسميش ؛خوش آسميش
   سريه سورونو سورويه سوريه سالدي سرين سردابيه
   جومه گوني جومه مسجيدده جوولر جوولي جابارين جيبلريندن جوبللرين جوبوتدديلر
   بو ميس چوخ پيس ميسيميش                  بو ميسيين جينسي پيسيميش             بو ميس كاشان ميسيميش
   گيرديم تنديره ،سيلديم سوپوردوم ،سيلكلنديم چيخديم
   بو گون چرشنبه آخشاميدير ؛چرشنبه آخشاملارشيرسان گل چارشنبه آخشاملاشاق،چارشنبه آخشاملاشميرسان چارشنبه آخشاملاشاق
   بيزه اوچ آد به ليدي/ شکرليدي،باليدي/علي،ولي،پيرعلي/ محمد اوندان ايرلي/فينديقستان،قازيستان/ رحمتليک سنين آتان/ فاطما،توکزبان/ زبيده ،بير جان/ توکزبان دئير/ فاطما هي يئير/ فاطما ،توکزبان/ قاريشدي هريان/ کيشندي گويلر/ داغيلدي ائو لر/ فاطما ،توکزبان/ ايکيسي بير بويدا/ فاطما دالاشدي/ زيبيده قاشدي/ باريدان آشدي/ چارخا دولاشدي/ تنديره دوشدي
   بازاردا نه اوجوز؟   ميس اوجوز    دوز اوجوز    كونجود اوجوز
   آشپاز آباس(عباس)بوزباش آسار ،اوباشدا بوباشدا
   بوزآتين بوز تورباسين بوش آس باشيندان                    آپار ايسلات گير ياش آس باشيندان
   عم قيزمين ؛اغ مينجيقي
   يورغانا يورغول يورغون
   آغ بال قاباق بوز بال قاباق                بوز بال قاباق آغ بال قاباق
   حاوا خالا؛تندير قالا؛کئسووو گوتور؛مني قووالا
   آي آخساق آشپاز حسن شاه آشپاز لار آش پيشيريرلر سن ده گل آش پيشيرآي آشپز حسن شاه
   “ئتديم گوردوم شاه اباس باش آشپزي آشپز اباس آش آساندا بوزباش اسمير بوز باش آساندا آش ،دئديم شاه اباس باش آشپازي اباس نيه آش آساندا بوزباش آسنيرسان،بوز باش آساندا آش؟دئدي :من شاه اباسين باش آشپازي اباش آشپاز آش آساندا بوزباش آسميرام بوز باش آساندا آش اونا گوره كي ،اشتان بوزباش بوزباشنان آس يولاگئتمير.
   ائللر مزلنميشده بيز مزلنمميشميز مگر
   حقلي حقلينين حقيني يئميش            حقلي حقليدن حقين ايستميش         حقلي حقنين حقيني وئرمميش
حقليده حقيني حقدن آلميش
   بير ايكيدير بير ايكي           بئش آلتيدير بئش آلتي           اينانميسان سايدا باخ            اون التيدير اون التي
   آي قيلقي ياريق قيرقووول،گل بو قولا گير ،قيرقي ياريق قيرقووول
   قاتيقي ساريمساقلاسان دا يئمك اولار،ساريمساقلائشسشق دا.
   قوولاماشسان دا قوولااشاجاقام،قوولاماشماسان دا قوولاماشاجاقام
   كوپ قولپي ؛خوب كوپ قولپي
   گئتديم گوردوم بير دره ده يئددي قارا ،قاشقا ،توپال،ساققالي كئچي وار دئديم:- آي يئددي قارا ،قاشقا،توپال؛ساققالي كئچي ،منيم يئددي قارا ،قاشقا،توپال،ساققالي كوچيمي گوردونوز؟دئديلر:سنين او يئئدي قارا ؛قاشقا،توپال؛ساققالي كئچيني منيم يئئدي قارا ،قاشقا؛توپال،ساققالي  كئچيمين بالالارديرلار.
   مولا عمامه لنملي مي عمامه له نمليمي؟
4) قوشماجالارو سايالار
اوشاقلار فوركلوروندا اوزل و گئنيش بير سوز خزينه سينه صاحيب اولان و بير چوخ چئشيتلره و واريانتلاري اولان قوشماجالار ديلاركي اسكي چاغلاردان آغيزلاردان آغيزا،نسيلدن نسيله دولاناراق كليب بوگونه چاتميشدير .
قوشماجالار و اوشاق سايالري فورم شكلينده ده اوزونه اوزل بير اوزليكلر ييواردير كي اونلاردان قوشما شكيللري و هجاقوشغولاردير كي يئددي هيجالي شعرلردن و قافيه لريده عوموميتله (aa…bb..cc..dd)اولورلارو بيرده ميصراعلار بير بير اوشاغين يادينا دوئشسون دئيه بيتين اونونده گلن كلمه لر اوندان قاباقكي ميصراعدا دا گلميشدير كي بو دا شعرلرين يادا قالماسين قولايلاشديريب و راحاتلادير. بو قوشماجالارين بير چوخودا بير ناغيل و يا بير حيكايتده سويلمكدديرلر،كي بير چوخ زمان اونلاري ناغيلدا سايماق اولار. اشاغيدا بو سايالادان بير چوخوي وئرليب:
   اوشودوم ها اوشودوم
   اوشودوم ها اوشودوم// او كيشي منيم دوستومدور// گئتدي گيلانه گلمدي// يايلاغيمي آلدي وئرمدي// يايلاغمين اوجي قارا// يولاميشام ايمام يارا// ايمام ياري اولدوردولر// آغ شالا گئيديرديلر// آغ شالين ساچاقلاري// زيل قارادير بوجاقلاري// ووردوم صاندوق آچيلدي// اينجه مرجان ساچيلدي
   اوشودوم ها اوشودوم // داغدان آلما داشديم// آلماجيغيم آلديلار// منه ظولوم دئديلر// من ضولومدن بئزارام// درين قويو   قازارام// درين قوزي بئش كئچي // هاني بونون اركئگي// اركئگ قازاندا قاينار // قنبر يانيندا اوينار// قنبر گكتدي اودونا// قارقي باتدي بودونا// قارقود قلميش قميشميش// بئش بارماقي قوموشموش // قوموشي وئرديم تاتا// تات منه داري وئردي// داريني وئرديم قوشا//قوش منه قانات وئردي// قاناد آلديم اوچماقا //حاق قاپيسين آچاقا// حاق قاپوسي كيليد لي// كيليدي دوه بوينوندا // دوه گيلان يولوندا// گيلان يولي سولودور// سودا باليق دولودور// گيلان يولي سر به سر//ايچينده ميمون گزر// ميمونون بالالاري //مني گورجك آغلادي// اورگيمي داغلادي//توماننينا قيغلادي//توماني دليك – دليك//قورباغا بولوك – بولوك// قورباغاني حقلاديم//حسن بگيه ساخلاديم// حسن بگين نه يي وار؟// چاكور- چوخور چايي وار// بير تولا توتان قانجيق دير// گوزلري وار مينجيق دير
   اوشودوم ها اوشودوم// …..// اركج قازاندا  قاينار// تولا يانيندا اوينار//تولاني باسديم اوجاقا// ديرت ائيلدي بوجاقا// ائشديم ائشديم يوماق چيخدي// يوماقي وئرديم تاتا// تات منه داري وئردي// داريني سپديم يئره //……// دوه گيلان يولوندا // گيلان يولي بئش بازار// ايچينده ميمون گزه ر// ميمونون بالالاري// كيليدي وئردي منه// باسديم صانديق آچيلدي// اونجو مرجان ساچيلدي
   اوشودوم ها اوشودوم // داغدان آلما داشديم// منه ظولوم دئديلر// من ظولومدن بئزارام// …// حسن بگين نه يي وار؟//چاققور –چوقور چايي وار// بيرجه باتمان بيتي وار// اللي باتمان گوتي وار
   اشودوم ها اوشودوم//….//درين قويو بئش گئچر// ايچيندن ميمون گئچر// توماني بولوك – بولوك// آفتافت دليك- دليك// حسن بگين نه يي وار// گويدن گئدن آتي وار// يئردن گئدن ايتي وار// حسن بگين آتي اولوب// گلين گئدك گتيرك// اوردوبادا ايئتيرك//اوردوباد ين قوشلاري// قاقيلدار آرپا ايستر// آرپاني كيمدن ايستر؟// كيليمچيدن ايستر// كيليمچي كيليم توخور// يانيندا بوبلول اوخور
   اوشودوم ها اوشودوم// داغدان آلما داشديم// آلماجغيم آلديلار// منه جوروم سالديلار// من جورموودن بئزارام// درين قويو قازارام// درين قويو بئش كئچي // هاني بونون آركئجي؟// اركئج قايا باشيندا// هاي ائيلديم گلمدي// چيي ات وئرديم يئمدي// چيي ات قازاندا قاينار// قنبر بوجاقدا اوينا
   اوشودوم ها اوشودوم// داغدان الما ئداشديم// المامي يئديلر// منه جوجه دئديلر// جوجليكدن چيخديم// ابلاما گئتديم// ابلام پيلو پيشيردي// ايچينه فاريه(سيچان)دوشوردي// بو فارني نئيلملي// بوني قوشا وئرملي// ميندرده قوشدي// قانادي قوموشدي
   آي تشدي تشدي تشدي
   آي تشدي ؛تشدي تشدي// بوردان بير گلين كئشدي// ايكي خوروز ساواشدي// بيري قانا بولاشدي// قاني قئتدي چايا دوشدي// چايدان قوورچين اوشدي// قورچينيم آلا پاختا// يووااسي گليب ؛تاختا// گوروم اوني كيم وورسا// قان قوسسون لاختا – لاختا
   آ ي تشدي تشدي تشدي// وورديي گيلاني گئشدي// ايكيجه خوروز ساواشدي// قان آخئي چايا دوشدي// چايدان گوورچين اوشدي// گوورچني بللي- بللي// گل اوخي بيزيم ديلي// بيزيم ديل اورمو ديلي// اورمودان گلن آتلار// آغزيندا گون چاتلار// اوغلان دئير گل قاچاق// قيز دئير باغريم چاتلار
   آتشدي ،تشدي تشدي// بوردان گيلانلي گئشدي؟// ايكي خوروز ساواشدي// بيري قانا بولاشدي// قان گئتدي چايا دوشدي// چايدان گوورچين اوشدي// آتيم نيه كيشنيسن؟// آرپا سامان ايستيرم!// آرپا سامان كيمده دير؟// عم قيزي بي گيلده دير// عم قيزيم بي فرش توخور// ايچينده بولبول اوخوور// سنين بالا قارداشين// منيم بويوك قارداشيم// آللاه كلامين اوخور
   آتشدي تشدي تشدي//بوردان بير گلين گئشدي// بيبيم گتيردي بير جوت قوچ// بير يجيران بيري بوز // مينديم بوزون بوينونا// سوردوم خالخال يولونا// خالخال يولي سربه سر// يولوندا جيران گزه ر// آتيم ندن كيشنيسن؟// آرپا اوچون كيشنيرم!// آرپاني كيمدن تاپاق// خان قيزي خاندان آلاق// خان قيزي خالي توخور// ايچينده بولبول اوخور
   آتشدي تشدي تشدي//ووردي گيلاني گئشدي// ايكي خوروز ساواشدي// بير ي قانا بولاشدي// قان آخدي چايا داشدي// چايدان بيلديرچين اوشدي// بيلدرچينين بللي – بللي // گل اوخو بيزيم ديلي// بيز بورالي دگيليك// بيزيم ديل اورمو ديلي// اورمو بوردان اوزاقدير// دريا اوندان قاباق دير// اورمودان آتلي گلر// آتلي لار چاتلي گلر// آتلار يئير آرپاني// يئمرسه چيخار جاني//جان دئدي جانا گلدي// ياديما شامان گلدي// شامان آتالار سوزي// آتام آتالار سوزي
   آي تشدي تشدي تشدي// اغاجدان آلما دوشدي// المانين ياني زده// زده ني يئمز گده// چوبان چولده گزيردي// داوارلاري دوزوردي// چوبان قويونا گئدر// كوپگي آدام ديدر// قاباقيندا اوچ كئچي// هاني بونون اركئجي؟// اركئج قازاندا قاينار// قنبر يانيندا اوينار// قنبر قئتدي اودونا// قارقي باتدي بودونا// قارقي دئمه،قاميش دئ // بئش بارماقي قوموش دئ // قوموشي وئرديم تاتا// تات منه داري وئردي// داريني سپديم يئره// داري بيتدي قووردي// يئردن درديم قوردي// بيچينچي گلدي دردي// بيچينچي حضرت قولي// جيبينده واردي پولي// حضرت قولي بننادي// آرواديني دانلادي// آروادي جهان بانو// بونون چارشابي هاني؟// چرشابي جيريليبدير// قولباغي قيريليبدير// چارشابيني ياماما// جهان گئديب حاماما// حامامين سويي ايسدي// ايسدي سودا نه پيسدي// تلي پري اونون قيزي// پالتارلاري قيرميزي// اوغلونون آدي خيردير// اليندكي دهردير// خيدير بي ين دهرسي // تلي پري جهرسي// جهره دئمه اساسدي// دهره دئمه الماسدي// خيدير بي اودون يارار//
   حسن آغا
حسن آغا ؛ دالدي ياراغا// ميندي اولاغا؛سوردي باغا// بير قوش ووردي؛اودا قورباغا// وئردي قوناقا؛قوناق يئمدي// سالدي ياغا؛اوزي ته له دي// بيزه وئرمدي؛يئدي قورباغا// دوشدي ياتاغا// هديدي ؛هوديدي //سنين يئرين قودئيدي// آل باشينا ؛كول باشينا// ات تاختاسين وورباشينا
   كئچل :(اوشاق فولكلوروندا و اسكي زمانلاردان قالان كوسا و كئچل جشنلريندن ياديگار قالان بير بويوك اوزونه كوزه سوز ساحسي واردير كي اونلاردان بير چوخي اوشاقلار طرفيندن اوخونوب تاي – توشلارني گولدوروب اوخودماق و جينلتمك ايستديكلري اوچون اوخونار:)
   كئچل ،كئچل ؛بامبه// گئتدي حكيم خانيه// حكيم خانا باغليدي// كئچلين باشي ياغليدي// كئچل دئير واي باشيم// قازاندا قاينار آشيم// آشيمي ايچنن اوليدي // باشيمي بيچن اوليدي//
   كئچل ؛كئچل ؛داز كئچل// هر ياندا پرواز كئچل// قيش گليب قورتارميسان// بودي گلير ؛ياز ،كئچل
   كئچل ،كئچل ،مرندلي// قولاري دويملندي// ائشيتدي ساچ گلير// باشينا كول الندي
   كئچل،كئچل ،نوخودي كئچل// باشي – گوزي قوخولو كئچل// كئچل ،كئچل ،مرنده// عرب ،بوغدا سرنده// بير عربي باش ائيلر// يئددي قازان آش ائيلر// گلين ييغلاق باشينا// زهر قاتاق آشينا// كئچل آشين پيشيبدير// نوخودلاري شيشيبدير// اون ايكي كئچل بير ياندا // خارتا – خورتا دوشوبدي// كئچلين خوندي باشي // ائششگين ميندي باشي// اوياندا داوا دوشدي// بو ياندا سيندي باشي
   کئچللر ها کئچللر// ييغيشالار آش ايشچللر// کئچلين هيندي باشي// مذممته ميندي باشي// اوتايدا داش آتديلار// بوتايدا سيندي باشي//
   قاري ايله بوز
   بير قاراچي واريدي// تومانچاغي داريدي// جاناننيندان بئزاريدي// آفتافا آلدي اله// گئتدي بوز اوسته بئله// بوز اوستونده يورولدي// آفتاباسي گيريلدي// آسلينا-آسلينا فغان ائيلدي// اوزون توتوب بوزا سويلدي// آ بوز سن نه ظاليمسن؟/ من ظاليم اولسيديم گون مني اريتمزيدي/ آ گون سن نه ظاليمسن؟ / من ظاليم اولسيديم بولوت منيم قاباقيمي کسمزيدي/ آ بولوت سن نه ظاليمسن ؟/ من ظاليم اولسايديم ياغيش اولوب ياغمازيديم/ آ ياغيش سن نه ظاليمسن؟من ظاليم اولسيديم گوي اوت مندن بيتمزيدي/ آ اوت سن نه ظاليمسن؟/ من ظاليم اولسيديم قويون مني يئمزيدي/ قويون سن نه ظاليمسن؟/ من ظالييم اولسيديم قورد مني يئمزيدي/ قورد سن نه ظاليمسن ؟/ من ظاليم اولسيديم قارا کوپک مني بوغمازيدي/ آقارا کوپک نه ظاليمسن؟/ من ظاليم اولسيديم سيچان منيم چورگيمي يئمزيدي/ سيچان نه ظاليمسن؟/ من ظاليم اولسيديم پيشيک مني يئمزيدي/ پيشيک نه ظاليمسن؟/ ظالم – اي ظاليمم يوک اوسته يورقانيمدي/ کورسي اوستي قيشلاقيم/ قاري هرنه پيشيرسه اودا منيم قورماقيم
   بير قاري ننه واريدي// بير بيزوي واريدي// آپاردي سووارماغا // آياغي بوزدان زيودي//…….// پيشيک سن نه ظاليم سن؟/ ظاليم ها ظاليمم // کورسي اوستي قيشلاقيم// کورسي آلتي يايلاقيم// خانيم نه منه پيشيرسه / اودا منيم قورماقيم
   بيري واريديبيزدن ،بيري واريدي سيزدن// داششاقي قارپيزدان،چوکي چوالدوزدان// سيگريلدي بوزدان ، ييخيلدي قيچي سيندي//….(بور واريانتيدا ظاليم يئرينه يامان يميشسان دئيليب)…. // پيشيک سن نه يامان ييمشسان؟// يامانام کي يامانام// کورسي اوستي يايلاقيم// کورسي آلتي قيشلاقيم// يئيه م مني ووراندا// يا پاجا قاچلاغيم دير
   (باشقا واريانتدا سوزلر بيره- بير دير تکجه سون سوزجوکلرده اينکدن سونرا بئله دير کي…)اينک سن نه ظاليمسن؟// من ظاليم اولسيديم قصاب مني کسمزيدي// قصاب سن نه ظاليمسن؟// من ظاليم اولسيديم پيشيک منيم اتيمي يئمزدي// پيشيک سن نه ظاليم سن؟// ظاليمم ها ظاليمم // کورسي قيچي ليلاغيم// کورسي اوستي اوياغيم// خانيم(گلين) نه منه پيشيرسه اودا منيم قورماقيم//
   اليمي پيچاق کسيبدير
   اليمي پيچاق کسيبدير// دسته پيچاق کسيبدير// ياغ گتيرين ياغليياق// بال گتيرين باللياق// دستمال گتيرين باغليياق// دستمال دوه بوينوندا// دوه شيروان يولوندا// شيروان يولي ليل باغلار// دسته- دسته گول باغلار// او گولون بيرسين اوزيديم//تئله ريمه دوزيديم// قارداشمين تويوندا// اوتوروب – دوروب سوزئيديم
   اليمي پيچاق کسيبدير// دسته پيچاق کسيبدير// ياغ گتيرين ياغليياق// دستمال گتيرين باغليياق// دستمال قاليب بابامدا// بابام مکه يولوندا// مکه يولو بوزلودور// دره سي يارپيزليدير// او يارپيزدان دريديم// گردنيمه سريديم// آغا دايمين تويوندا// دورايدم اويناييديم// اوياماقين وقتي دگيل// قيزيل گولون تختي دگيل// قيزيل گوللر دره لر// مخمل اوسته سره لر// قيزلار اوني اکرلر// ميثقال ايله چکرلر
   اويانا قاچديم توتون ايدي// بويانا قاچديم توتون ايدي// ساري کوينگين بوتون ايدي// ساري کوينگين ساچاغي // قيراغيندا وار پيچاقي// اليمي پيجاق کسيبدي // دسته پيچاق کسيبدي // ياغ گتيرين ياغلاياق// دستمال گتيرين باغلاياق// دستمال دوه بوينوندا // دوه شيروان يولوندا // شيروان يولو سر-به-سر// ايچينده قيزلار گزه ر//بير قيز دوغدو بير اوغلان // آديني قويدو سليمان // سليمان گئتدي اودونا// اودون باتدي بودونا// اودون دگيل قوموشدي//بئش بارماغي قوموشدي // قوموشلري ايتيردي// هندوستانا يئتيردي// هيندوستانلارين آتلاري// مني گوردي کيشندي// آي نه ايچين کيشندي// آرپا ايچين کيشندي// آرپا منده يوخ ايدي// شاه قيزيندا چوخ ايدي// شاه قيزي قالي توخور//ايچينده بولبول اوخور// اونون کيچيک قارداشي // آللاه کلامي اوخور//
   تولکي؛تولکي
تولکي ،تولکي ؛تونبکي// قويروق اوسته لونبکي// آسلان الا اغاميز// قاپلان قارا قاقاميز// خوروز کيمي مولاميز// چاقال بيزيم چاوشموز// آلا قاقا جارچي ميز// ساقساقان خبرچي ميز// تويوق بيزيم چرچي ميز// ايلان بيزيم قمچي ميز// ساري بابادا قصريميز// ساري بوغلارين بوراسان
   بيبيلي قوچ اي بيبيلي قوچ
بييبلي قوچ آي بيبيلي قوچ// بي بيم گتيردي بير جوت قوچ// بيري جيران بيري بوز// مينديم بوزون بوينونا// سوردوم خالخال يولونا// خالخال يولي داشليدير// اوستا اوردا قالاندي// اوستام قوجا ياشلي دير// اوستا مني اوخودي/// ترمه بوتا توخودي// آتيم يئنه کيشنيسه سن؟//آرپا اوچون گيشنيرم// آرپاني هاردان تاپاق// خان قيزي خاندان تاپاق// خان قيزي هاردان تاپاق// اوجا قايادان اوتاق// قايادا کهليک اوخور// خان قيزي قالي توخور// اونون اورتا گولونده// بير ساري بولبول توخور// منيم بال قارداشيم// سنين آرا قارداشين// قوجا اوستا يانيندا// قرآنين درسين اوخور//
   بي بيلي قوزاها،بي بيلي قوز// بي بيم گتيردي بير دانا بوز// مينديم بوزون بوينونا// سوردوم “ساسار”يولونا// ساسار يولي بوزباغلار// دسته- دسته گول باغلار// کاش اولمييب قاليديم// بير دسته او گوللردن// ساچ باغيما ساليديم//
   ياغيشداو قاردا اوخونان اوشاق سوزلري
   ياغدي ياغيشلار// بانلاديي قوشلا// حيوان جاميشلار
   ياغيش ياغير دانا دانا// بيري دوشور بيزيم ئاما// گلين گدک اويناماقا// اويناماقين وقتي دگيل// قيزيل گولون تختي دگيل//
   قارقا دئير قار قار // قجله دئير زهرمار// سئرچه دئير پس نه وار!
   ياغدي ياغيشلار// بانلادي قوشلار// بيزيم درويشلر// قيچين قيريشلار
اوشاق اويونلارو ايلنجلري
اوشاقلارين بير چوخ اويونلاري و اينلمک اوچون سايسيز ياراتديقلاري ساحه اوقدر گئنيش و چئشيتليدير کي گرکير اوزي بير باشقا کيتابدا سوز آچيلا.بو آرادا اوشاقلارين اويونلارلا بير سيرا سوزلر و ايشلر واردير کي اوزلري آيري – آيري فولکلور بولومي اولشدوربلار.اوشاقلارين آراسيندا اويونلاردا نوبه و بير چوخ اويوندا “قورد”آدلانديرلان کيشيني تعيين ائدمک اوچون بير سئرا ايشلر واردير کي اونلاردان بونلاري دئمک اولار:
بير نئچه اوشاقدان اولان بير اويوندا بير” قورد “يادا “اوستا”و بونا بنزر کيشيلري سئچمک اوچون اوشاقلار اللرين بير آرايا گتيريب و اللرين دالي قاباغين چوره – چوره  بو سوزلري اوخورلار :
قوم ؛پا؛ني ؛ يه س
سونرا اللرنين هر بير اوزون اورتادا گورسدر ،سوزون دالسين توتوب دئيلر کي:
کو؛ مه ؛کي ؛ يه س
گئنه اللرين اورتايا گتيرلر بو زمان هر کيمين الي اوبيرسيلرله فرقيلي اولسا او ائشيقه چيخاريادا اويونون قورالارينا گوره سئچيلر.
بو اوخوماقين باشقا بير واريانتيدا بوجوردي:
ان؛ ائن؛ اون
بير باشقا سايا همان ايشلرله :
مسجيدين بوجاغيندا// شام يانار اوجاغيندا// اوردان بير خانيم گئچدي// آغ اوغلان گوجاغيندا
بو سايالارين هاميسي اوزالتيلاراق اوخونارو بير هجاايله دئيلر تا اوزون بير شکيلده اولسونلار.بوسئچمک ده ايلک بلي اولانا”باش”ايکينجي اولانا”آردي”اوندان سونراکي “آردي بالاسي”و سونونجيه “زير”دئيلر.
بير آيري اويون نويتي سئچمک “ياش قوري “و” شير من خط”دير کي ايکيسيده بير –بيرلرينه بنزه ر .بير ساخسي آليب بير طرفين توپورجکله ياش ائديب گويه تولازلالار. گويده هر طرف ياش يا قوري ياني سئچيب دوز دئين اويوني گوتوره ر.ساخسي گويده ن يئره گله- گله دئيلر کي:”قوري – قوري قوربانين اولوم”. شير من خط ده عين بو دور اما پوليله بو ايش گورنه ر بئله کي پولي آتارلار گويه پولون شير يا خط اولدوقوني دئيلر.هر نه اولسا اويوني دوز دئين گوتوره ر.شير من خطده پول گويه تولازلاناندا اوکي چولون بير اوزون سيئچب مثلا شير سئچيب دئير:”شيردي علينين شيري”و يا “خط دي علينين خط دي”(منظور حضرت علي )
بير باشقا اويون سيراسي سئچمک “گول پوچ “يا “تک من جوفت”دور کي بير اويونچي بي الينده بير بالاجا شئي گيزلديب يومورومقاريني گورسدرک هانسيسيندا اولدوقوني سورشار.قارشي طرف دوز الي بلي ائدسه اويوني گوتوره ر.
بير باشقا يول “تک من جوت”دور کي اوندا دا اللرين بيرينده بير نئچه کيچيک شئي قيزلديب تک اودوقي ياجوفت اولدوقوني سورشالار.دوز دئين اويوني آلار.”تک من جوفت”تاپماق اوچون بعضي ايشلرده گورنه ر؛اورنک اوچون الين دريسين قيورشديريب قيوريشلاري سايالار تک اولسا تک دئيلر،جوفت اولورسا جوت ياداسول الي باشين اوستوندن دولانديريب بارماقلاردان بيرين گتيرلر قاباق ديشلرين اوستونه تک ديشه راست گلسه تک دئيلر ايکي ديشهه دوشرسه جوفت .(جوفت يئرينه جوت دئيلر)
بير چوخ اويوندا ايکي گوروه بير – بيرلرينه هربه-زوربا گلمک اوچون دئيلر کي:
“آلا دانا ؛گوي دانا؛ گورخمورسان چيخ مئيدانا”
اوشاقلار آراسيندا بيري ساواشماق ايستسه يانداکيلار اوني ساواشديرماق اوچون ديرناقلارين بير – بيرينه چاليب دئيلر کي:”سيز ساواشا     بيز تاماشا”
بير اوشاق آند ايچيب سونرا او آنديدان گئچمک ايسته سه دئير کي”آشقا؛پوشقا ،پاپوشقا ،توپوردوم آتديم يئره”
بير اويوندا بيرسي اويوندا چوخ زمان دايانيقلي اولوب ائله کي ايونون ايشيگينده اولانلار و اوکيشيدن سونرا اوينچوي اولاراق سايلان نوبه سي تئزيئتشمک اوچون دئير کي:
“يولداش اولوموني ايستيرم؛قره چولميني ايستيرم”
بيريسي بير تيم گتيريبده و او تيم ياخشي اولماديقي زمان قارشي طرف دئير کي:
“نئجه کي داشق ماشين يولدا قالار يوک گتيمز               فلان(قارشي طرفين آدي)عرضه سي اولسا بئله بير تيم گئيرمز”
اويون گورتولدوقدان سونرا و آخشام چاغي اولوب اوشاقلار ائولرينه گئتمک اوچون داغيلان زمان بو سوزي اوخورموشلارو دئيرديلر:
“ائولي ائوينه ؛چوماق گوتي پيلته؛ پيلته يانديراق سوخاق گوتونه؛ داغيليشيب هر گئتسين ائوينه”
اويون آراسيندا ياغيش ياغيرسا اوشاقلار اوز آرالاريندان بير اوشاقي کي آناسينين ايلکي سايلير سئچيب سونرا او اوشاق بو سوزي دئير”من آنامين ايلکيم ؛ آغزي قره تولکيم”بئله ليکله بو اوخوماقدان سونرا بئله اينانارلار کي ياغيش کسيب بو اونلار اويونلارينا دوام ائدجکلر.
اويونلاردا ايکي يانلي اولان و يادا آرادا قان اويونچويه “ريحان مرزه “دئيلر.بو اوينوچي هر هانسي طرف کي اويونچي ايسته سه اوياندا ن اولوب ايکي طرفلي اوينار.
بوتون اوخويوجولاردان ايستيرديم کي اگر اونلاريندا بيلديکلري باشقا اوخوماقلار؛اويونلاردا اوخونان اسکي و بوردا گلن سايالارين باشقا واريانتلاريني بيليرلر بو آدرسه گوندرسينلر تا اوز آدلاريله يازنين آرديجي بولوملرينده وئريلسين.اونجدن سيزلره مينت دارليقيمي بيلديريرم.
يازار:علي .ب .تورک
E-mail:turkbaris2003@yahoo.com
قايناقلار:
1)متل ها و چيستانها – صمد بهرنگي،بهروز دهقاني 1357
2)سايالار- د.م.صديق- 1347
3)سايالار- ز.وفائي – 1379
4)آذربايجان فولکلوري يکانات- ه.حصاري – 1379

2 Cavab

  1. əllərinə sağlık sevgili dostum
    Azərbaycan senin kimi beylerinə güvənir

  2. əllərinə sağlık sevgili dostum
    Azərbaycan senin kimi beylerinə güvənir
    bunlari oxumaq şəklinde de sayta qoyabilsəz çöx gözəl olar

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: