ماهنی سوزلری – گوزل ماهنیلار

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

بیاض گئجه لر
گؤروشدوم یاریملا بولاغ باشیندا
اولدوزلو گئجه ده آی ایشیقیندا
دانیشدیق اوره کدن دونیالار قدر
سیرداش اولدو بیزه بیاض گئجه لر
بیاض گئجه لر ، بیاض گئجه لر
دانیشدیق اوره کدن دونیالار قدر
بیاض گئجه لر ، بیاض گئجه لر
سیزداش اولدو بیزه بیاض گئجه لر
اؤپمه ک ایسته دیم من آل یاناقیندان
ثارا گؤزلریندن ، بال دوداغیندان
چکیلدی کنارا ، اوزوندن کرد
سیزدن اوتاندی او بیاض گئجه لر
بیاض گئجه لر ، بیاض گئجه لر
دانیشدیق اوره کدن دونیالار قدر
بیاض گئجه لر ، بیاض گئجه لر
سیرداش اولدو بیزه بیاض گئجه لر
دوتدوم اللریندن آچدیم قلبیمی
آخیر بیان ائتدیم محبتیمی
یاشالدی گؤزلری بورولدو قه هر
شاهیددی سئوگیمه بیاض گئجه لر
بیاض گئجه لر ، بیاض گئجه لر
دانیشدیق اوره کدن دونیالار قدر
بیاض گئجه لر ، بیاض گئجه لر
سیرداش اولدو بیزه بیاض گئجه لر

اوخویان : یعقوب ظروفچی

===========

سیزه سلام گتیرمیشه م

سرین سولو بولاقلاردان بولاقلاردان
یاشیل باشلی بوداقلاردان بوداقلاردان
لاله رنگی یاناقلاردان
گول سوزولن دوداقلاردان
سیزه سلام سیزه سلام گتیرمیشم
قطار قطار درنالاردان
یاشیل باشلی سونالاردان هی
آذربایجان دیاریندان
کوراوغلونون نیگاریندان
سیزه سلام سیزه سلام گتیرمیشم
قوچ نبی نین هجریندن هجریندن
ستارخانین هنریندن هنریندن
بهرنگینین شهریندن
دان اولدوزون سحریندن
سیزه سلام سیزه سلام گتیرمیشم
اوخویان : یعقوب ظروفچی

======================

آی اوشاقلار ال اله
آي اوشاقلار ال اله

ال اله وئرين گئدك آرزو گيله

آرزو گيل بيز دن كوسوپلر ، بيليريك
بو زامان بيز ال اله وئر مه لييك

اونلاري قايتارماغا گئتمه لييك

قوجالار ديللنسه لر باش وئرمه يين
گئجه نين قفل لارين آچين گلين

بير گئجه آي چيخاندا بيز چيخاريق

سئل تكين بولكه لي داغدان آخاريق
دوشمانين ائو جييگينه اود ياخاريق
آي اوشاقلار ال اله

ال اله وئرین گئدک آرزو گیله
شاعر : عليرضا نابدلاوختاي
اوخویان : یعقوب ظروفچی

======================

ياغما ياغيش

بو گونلريم گؤروشه ته له سيرم

ياغما ياغيش ياغما ياغيش

منيم ياريم چوخدان گؤزله يير

ياغما ياغيش ياغما ياغيش

ياغيش ياغير اينانيرام ياريم گؤزله يير مني

منيم ياريم وفاليدير يقين گؤزله يير مني

ياخينلاشيب گؤروش يئرينه

اينانميرام گؤزلريمه

اوره ييم گؤروشه چيرپينير

ته له سير گؤروشلرينه

گوروب مني قاچير يانيما

دويونجا باخيرام ياريما

اللريني برك برك سيخيرام

ساچلاريني تومارلاييرام

منيم ياريم چوخدان گؤزله يير

ياغما ياغيش ياغما ياغيش

خواننده : يعقوب ظروفچي

==========================

تویلار مبارک
تویو باشلیرام سازینان
شیرین شیرین آوازینان
گلین گلیری نازینان
تویلار مبارک مبارک بادا
ای گولو ریحان ، ریحان بیچه ره م من
عروس یولوندا جاندان گئچه ره م من

نه گؤزلدیر بیزیم داماد
همیشه اولا گؤنلو شاد
ائوی اولا دائم آباد
تویلار مبارک ، مبارک بادا
ای گولو ریحان ، ریحان بیچه ره م من
داماد یولوندا ، جاندان گئچه ره م من

چکیلین عروس یئریسین

شوقو ائیوانی بوروسون
دئیینه ن دیلین قوروسون
تویلار مبارک ، مبارک بادا
ای گولو ریحان ، ریحان بیچه ره م من
داماد یولوندا ، جاندان گئچه ره م من

عروس گولدور یاناقلارین
گولدن گؤزل دوداقلارین
خوش گلیبدیر فوناقلارین
تویلار مبارک ، مبارک بادا
ای گولو ریحان ، ریحان بیچه ره م من
عروس یولوندا ، جاندان گئچه ره م من

بازاردان آلدیم قازانی

او قازانی بو قازانی
ساغ اولسون اوغلان دوغانی
تویلار مبارک ، مبارک بادا
ای گولو ریحان ، ریحان بیچه ره م من
داماد یولوندا جاندان گئچه ره م من

بازاردان آلدیم سئینی
او سئینی ، بو سئینی
خوش گلیب آقا قئیینی
تویلار مبارک ، مبارک بادا
ای گولو ریحان ، ریحان بیچه ره م من
عروس یولوندا ، جاندان گئچه ره م من

اوخویان : یعقوب ظروفچی

=======================

اوخویانلار : عاشیق زلفیه افلاطون قباد اوغلو

ده گؤروم کیمین یاری سان

آی نازلانیب گلن دیلبر
ده گؤروم کیمین یاری سان ؟
بیر بیزلره ائیله خبر
ده گؤروم کیمین یاری سان ؟
ده گؤروم کیمین یاری سان ؟

آی یولومدا دوران اوغلان
دئمه ره م کیمین یاری یام
آی اؤرونو یوران اوغلان
دئمه ره م کیمین یاری یام
دئمه ره م کیمین یاری یام

بیر یاشیل باشلی سونا سان
سالمیسان منی اودا سن
ایسته ره م منیم اولاسان
دئه گؤروم کیمین یاری سان ؟
دئ گؤروم کیمین یاری سان ؟

من کی سولار سوناسی یام

بیر بوداغا قوناسی یام
چتین سنین اولاسی یام
دئمه ره م کیمین یاری یام
دئمه رم کیمین یاری یام

یوللاردا قویما گؤزومو
گئتسه ن اؤلدورره م اؤزومو
یئره سالما گل سؤزومو
دئ گؤروم کیمین یاری سان ؟
دئ گؤروم کیمین یاری سان ؟

اؤزونو اؤلدورمه اوغلان

عالمی گولدورمه اوغلان
هر کیمه بولدورمه اوغلان
من تکجه سنین یاری نام
من تکجه سنین یاری نام

=====================

قاییت گل
آغلار گؤزوم یوللارینا تیکیلیب
نازلی یاریم یالواریرام قاییت گل
درد چکمه کدن داها بیلیم بوکولوب
نازلی گولوم یالواریرام قاییت گل
ارییرم داملا – داملا آخیرام
گئجه گونوز یوللارینا باخیرام
من سمادا ایلدیریم تک شاخیرام
شیرین دیلیم یالواریرام قاییت گل
قلم کاغاذ دیل آچیبدیر ائله بیل
جانیمدا روح دیل آچیبدیر ائله بیل
وصال منه ال آچیبدیر ائله بیل
آییم ایلیم یالواریرام قاییت گل
نه مدت دیر الیم دیمیر الینه
گل دولاییم قوللاریمی بئلینه
قوربان اولوم سنین شیرین دیلینه
قویما اؤلوم یالواریرام قاییت گل
اوخویان : کؤنول خاسی اوا

======================

سن منیم یانیمداسان
سنین محبتینه اینانارام مجنون کیمی من
یاتارام دنیز کیمی اویانارام مجنون کیمی من
عمور کویوندا سنین دولانارام مجنون کیمی من
بیلسه م کی سنین کیمی لیلا منیمدیر گؤزلیم
سن منیم یانیمداسان دونیا منیمدیر گؤزلیم

سنی الله جئیران خلق ائله ییب گؤزلریمه
سوس دانیشما نه اولار باشینی قوی دیزلریمه
سن منیم یانیمداسان اینانمیرام گؤزلریمه
بو حقیقت می یوخسا رویا منیم دیر گؤزلیم
سن منیم یانیمداسان دونیا منیم دیر گؤزلیم

آجی خاطیره لرینه ن بو قلبیمی داغلامیشام
ال آچیب الله هیما شکلینی قوجاقلامیشام
او قدر حسرتینه ن باخ گئجه لر آغلامیشام
باخ گینان بحر خزره دریا منیم دیر گؤزلیم
سن منیم یانیمداسان دونیا منیمدیر گؤزلیم

سن اگر آتیب منی گئدیب سئوسه ن باشقاسینی
بو درده دؤزمه ز اوره ک ترک ائده راؤز دونیاسینی
هئچ واخ مجنون بئله سئومییب اؤز لیلاسینی
تارخ ده گؤرونمه یه ن سئودا منیم دیر گؤزلیم
سن منیم یانیمداسان دونیا منیم دیر گؤزلیم

جوانام تانری وئره ن جانیمی منده ن آرالا
کیپریکین اوخ ، اینصافین یوخ ، اوره ییمی آز یارالا
سن سیز گئچه ن آنلاری هر گتیرنده خیالا
گؤز یاشیمنان یازیلان میصراع منیم دیر گؤزلیم
سن منیم یانیمداسان دونیا منیم دیر گؤزلیم

بلبل لر فخر ائیلییه ر گؤیله ن چمنینیله ن
نئجه گول نرگیسینه ن ، سوسن ، یاسمنینه ن
من ائله آیری گوره فخر ائلیرم سنین ایله ن
سن ده دئگینه ن « نامیق معنا » منیم دیر گؤزلیم
سن منیم یانیمداسان دونیا منیم دیر گؤزلیم

خواننده این ترانه : نامیق معنا

==============================

آی گوناهسیز عزیزیم
دینله گؤر نه دئییر سینه مده اوره ک
دیلیم سؤز توتماییر دینه نده اوره ک
نه من ده جان قالیب نه سن ده اوره ک
من سنه قلبیمی آچاندان بری
گوناهیمیز نه دیر بیزیم آی گوناهسیز عزیزیم
ده ییشیک سالمیشام باهاری قیشدان
چیچگی چمندن قاری یاغیشدان
سن منیم قلبیمه بیرجه باخیشلان
بیر گونش ایشیغی ساچاندان بری
بس نه اولدو آندیمیز آی آند ایچن عزیزیم
ایندی عهدیمیزه هامی گؤز اولوب
بیزده صحبت اولوب سیزده سؤز اولوب
سون گوندن آنامدا صبیرسیز اولوب
گؤزله ییر یولومو هاچاندان بری
گوناهیمیز نه دیر بیزیم آی گوناه سیز عزیزیم

خواننده این ترانه : ربابه مراد اوا متولد اردبیل

================================

اویان قارداشیمآشیق زولفیه
محنته گلمیشیک قبرین اوستونه
اویان قوربان اولوم اویان قارداشیم
بئله کوچ ائیله مه واخ سیز قارداشیم
نولار اینصافا گل دایان قارداشیم
اویان قوربان اولوم اویان قارداشیم
باجیلارین باشا قارا باغلادین
قارداشلارین سینه سینی داغلادین
داغلار داشلار هارای سالیب آغلاتدین
بیزی یانا – یانا قویان قارداشیم
اویان قوربان اولوم اویان قارداشیم
آتام آنام بوینو بوکوک اولوبدور
جاوان سئوگیلینین رنگی سولوبدور
سن گئدن دن بری گؤزو دولوبدور
آخی بالالارین یئتیم قالیبدور
وارمی بو دردیمی دویان قارداشیم
اویان قوربان اولوم اویان قارداشیم
یامان آجی گلدی فلک اویونو
دویونجان گؤرمدین ائولاد بویونو
هله یئتمه میشدین چیچک بویونو
آی واخ سیز دونیادان دویان قارداشیم
اویان قوربان اولوم اویان قارداشیم

نولار اینصاف ائله دایان قارداشیم

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: