حارامی وار – معجز شبستری

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

حارامي وار

قيش چيخدي عندليبه باهارين سلامي وار

گولشنده بولبولون گوله چوخ احترامي وار.

قار ياغدي، شاختا ووردو، خراب ائتدي حاصيلي،

خوشبخت او آيمسه دير آي، باغيندا بادامي وار.

چيخما اريك آغاجينا بيهوده دلبريم،

يئن گل گينن، نه يئتگيني واردير، نه خامي وار.

اي قويروغو اوزون قجله، ده يمه آلچايا،

آخير، بالا، بونو اآنين بير مرامي وار.

هر چند يوخدو قارغدا خوش صوت و خوش صفت،

اما فدا اولوم اونا من، خوش خرامي وار.

گئتمه گيلاس اوغورلوغونا گوندوز اي داداش،

قوش قووماغا هميشه يانيندا آدامي وار.

ده يمه باشن ياراسينا، تؤآمه گؤزون ياشين،

صبر ائت بالا نه قدر شبستر حمامي وار .

ماه صيام گلدي،ساواشماق زمانيدير،

آلسين گرك بو آيدا کيمين انتقامي وار.

چاي ايچمه سم سحر، گئده رم اختياردان

من نئيله ييم کي، وارلينين اون جور طعامي وار.

بيلمه ز نه دير ناماز و طهارت، اوروج توتار،

هر يئرده، هر بلدده آي، خلقين عوامي وار.

اسكيك ساتير، يالان دانيشير، آلدادير باخين

ياران گونوز ايشيقدا بازاردا حرامي وار.

آال آال دريلله قارپيزي بيزده، سبب نه دير؟

وجهي  بودور آي، هر بلدين بير نظامي وار.

“دنيايه رغبت ائيله مه”، واعظ دئيير، عجب!

نايين عباسي آورآو، آنيزي، غلامي وار.

يوز حيله ايله خلقي سويار، زهرمار ائده ر

بوننان بئله  دئيه لله  بهشتده مقامي وار.

تسخير ائديبدي هر يئري اشعاري معجزين،

ظن ائتمه يين آي، بيرجه شبسترده نامي وار.

معجز شبستری

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: