معجز شبستری دن تورکی شعرلر

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

مثنوي

آه ! وآه ! اي امت خير البشر

گلدي تهراندان بو گون بير بد خبر.

کي، ائديب وهابيان بي ايمان،

روضه پيغمبري بومباردومان.

سالميش ايرانه تزلزل بو خبر،

تعزيه برپا ائديبدير شيعه لر.

گئنه وئردي اذن گؤز ياشينا خلق،

سيلله و يومروق وورار باشينا خلق..

روضه خوانلار الده منديل عزا،

آغلادار خلقي بصوت غم فزا.

سرگذشت کربلادن آرتاجاق،

بو حكايت ائتدي خلقي بي داماق.

آغلادانلار، آغلايانلار مثل نئي،

باشينا سامان سپر اهل گونئي.

مثنويده  خوش دئييب ملآي مست،

“دم سگ از ريش نادان بهتر است”.

روضه خوانلار شيعه ني بيروح ائده ر

سينه زنلر سينه ني مجروح ائده ر.

چون الين قاوزار گؤيه زنجير زن،

سسله نر زنجير، هم بيت الحزن.

مؤمنين يوخدور توپو، طياره سي،

اؤز اؤزون دؤيمكدير آخير چاره سي.

لعنت ائيلر انگليسه خاص و عام،

انگليسين رنگيدير بو، والسلام.

انگليسه زوروموز چاتمير آمان،

سن يئتيش امداده يا صاحب زمان .

چك قيلينجين حمله ائيله لندنه،

قير، داغيت ماننده توخم پربينه.

غيرتين چوخدور و هم زوروز سنين،

بيزده ايش يوخدور، بيليرسن سن اؤزون.

سن قيلينج وور کافير اؤلدور اي آغا،

من قويوم ساققاليما رنگ و حنا.

وور جيدايا سن او کفارين سرين،

من ائديم سيغه او کافير قيزلارين.

سؤيلر هر کس کوچه و بازاردا

انگليس بارماغي وار بو کاردا.

او ائدير تحريك وهابيلري،

حكمتي وار بو ايشين، اي همشري.

انگليس اول حيله کار آوروپا،

روضه پيغمبري باغلار توپا.

بو جهتدن کي، عجم غمگين اولا،

تعزيه بر پا ائده صبح و مسا.

گونده يوز سيب چاي آلا، مين پوت شكر،

تكيه لرده صرف ائده شام و سحر.

سن ايچرسن چاي، اولارسان اشكريز

گونده بير يوك پول قازانار انگليس.

او بيليرکي، بير مصيبت وئرسه اؤز،

شيعه لر قارا گئيه ر اوغلان و قيز.

لا اقل ايراندا وار اون دؤرد کرور

شيعه خالص، سئواي از شل و کور.

هر بيري آلسا قارا چيك اوچ چرك،

از براي کؤينك و شال و بره ك.

بس گرك وئرسين قيران يئددي کرور،

تا قارا گئيسين گروه بي شعور.

سن کي بيلمه زسن حساب و هندسه،

پس گوجون چاتماز سنين انگليسه.

آغلاماق مشقين وئريب فاضيل سنه،

فاضيل دربندي تك عاقيل سنه.

اوخويوبسان چون فقط سن بير نصاب،

اول جهتدن بيلميسن قارداش حساب.

ضارب و مضروبله اللشمه چوخ

جبر اوخو، ابوابدا بير نفع يوخ.

اؤز بئزين وئر کربلايي باغيرا

هاميسين باسسين کوپه، ائتسين قارا .

اينيوه گئيسن اونو کوسمه ز امام

“خوش دئييل رنگي” دئمه ز فخر انام.

گر آخوندا سؤيله سه باققاليميز،

کيم دئيه ر قيرخيلماسين ساققاليميز.

هر توکونده ساققالين وار بير ملك،

بو حديثين اولمايا اصلي گرك.

کفرونه امضاأ قويار في الفور آخوت،

هيچ کس آلماز او باققالدان نخود.

انگليس اما سؤيور پيغمبري،

توپا باغلير اول مكان اطهري.

آليريق اوندان گئنه بيز استكان،

لاله  و لامپا و قند و چايدان.

ايلده يوزمين استكان مرحوم اولار،

ا نگليسين جيبينه پوللار دولار.

اللي مين سموار قاينار صبح و شام،

بو سماورلر کيميندير، آي بالام؟

باخ، اوتان شالواريوا، تومانيوا،

مخملين يئل ائيله مه جانانيوا.

آلميسان باققالدان ياغ آشيوا،

قويموسان عمامه تنظيف باشيوا.

بس سنه لازم گلير تنبيه اولا

بعد وورروق تازيانه باققالا.

معني پورتستي بيلمك شرطدير،

بيلمه ييرسن، چونكي، ذهنين پرتدير.

لعنت ائتمه انگليس کافره،

ايچمه چايين، استكانين وور يئره.

اطه  ، ماهوتا، ماهوت وارييه

مشتري کيمدير عمي چيلوارييه؟

يارماسايدي کله سين ميرزا موسي،

انگليس ساتمازدي اون مين توپ خاصا.

خلقي تحريك ائتمه سه يدي شوشتري،

کيم اولاردي بو متاعه مشتري؟

ووردو باشين منبره فاضيل کيشي

من ده يارديم باشيمي ياي و قيشي.

معجیز شبستری

*****************

پيشيگه خطاب

مين غصه سي بير بنادمين  وار، اي گربه سنين ده بيرغمين وار؟!

خلاق جهان مثال آيشميش، انداميوا بير لباس بيچميش

نه خوابي گئده ر ، نه رنگي بير آز يوز ايل قوي اونو گونشده سولماز.

حيران اونا لاله و بنفشه هئچ فرشده يوخدور ائيله نقشه.ل

مانند حرير خامدير او به به نه گؤزه ل لباسدير او.لل

مثلين توخويانماز اهل صنعت فيكر ائيله سه تا الي قيامت.

لايقدير او سن نه قدر اؤيسن آهنلمه ز او اللي ايلده گئيسن.

اما بو باشي بلالي انسان آهنه لدر هر ايل بئش آلتي تومان.

چون چيرك اولو گون به گون ياخاسي فورا گلي  بيت باسار لباسي.

آهريزه سفر ائده ر تكذبان، بير پونزا  صابون ازر تكذبان.

چون قالخدي گؤيه دؤيج، قاييتدي پالتونون ائوي ييخيلدي گئتدي.

هم دوستو يامار جورابي هرگون رنكي سارالار بئش آيدا بؤرآون.

مين غصه سي بير بنادمين وار اي گربه  سنين ده بير غمين وار.

هر ايل نئچه قيز نكاه ائديرسن، دامدا گئجه ني صاباح ائديرسن.

نه صيغث عقد  اوخوتدورورسان، نه مولايا آله قند وئريرسن.

نه چاديرا، نه حنا ، نه باشماق نه شام، نه ناهار، نه پارچا ياشماق.

بزازدان آلميسان آياقليق  قايناتايا ائتميسن قوناقليق.

آستار آوپه سيز زفاف ائديرسن هئچ آس ده دئمه ز خلاف ائديرسن.

نه چاي وئريرسن، نه ات تويوندا ميرنوو تپه سن فقط تويوندا.

بيلمم نئجه ائيله دين دوگون  سن درويشي ده بير گتيرمه دين سن.

نه قنبره نئي پاراسي وئردين نه قاسيما ساز آيراسي وئردين.

نه آرواديوا آبين ساليرسان، نه باجيوا توي پايي آليرسان.

توي موفته، عروس موفته اوورش من آورسويه اود تؤآوم سن اگلش.

اوچ آي قيشي آورسوده ياتيرسان نه سئرچه و نه سيچان توتورسان.

بورجلو تانيدي منيم ياخامي سن موفته يئدين ناهار و شامي.

با اينهمه احترام و قوللوق، اي بي شرف ائيليسن اوغورلوق؟

نه حق تانيسان و نه پيامبر، نه ماللا، نه مسجد و نه منبر.

قوللاريوي گاه چيرماليرسان، آدم آيمي دستاماز آليرسان.

آما سني مسجده گئده نده، يا سجده و يا رآوع ائده نده.

من گؤرمه ميشم،گؤره ن ده يوخدور، الحاصل مذهبين هولوقدور.

اي گربث بختور ، ولاآين، اولسان بو سنه بو ائوده ساآن،

فقر آتشينه دوشوب يانارسان معجز اودون آلماييب، دونارسان.

تاريخ: آذر ماه ١٣١٠

معجز شبستری

********************

عزراييل

آرزو ائيله ديگيم شئيلره اولدوم ناييل،

ايندي راحت وئره رم جاني، گل آل عزراييل.

نئچه ايل ايشله دي نوودان باشيما بو آندده،

ايت ايله قول بويون اولدوم گئجه لر ظلمتده،

ايچدي زهر اجلي  ، قالمادي طاقت ايتده،

ايندي راحت وئره رم جاني، گل آل عزراييل.

ياندي هر ياندا چيراق، اولدو گؤزوم نوراني،

آومسيون  غيظه گليب  سالدي يئره نووداني،

آچدي ميخانه  ، ايچيب تازه له ديم ايماني،

ايندي راحت وئره رم جاني، گل آل عزراييل.ل

آچ گوزون بير نظر ائت مدرسث نسوانه،

گؤر نئجه نامه يازير قيزلاريميز هر يانه،

وئر خبر مرده شورا  ، روضه خوانه ، گورآانه،

ايندي راحت وئره رم جاني، گل آل عزراييل.

سنگ فرش ائيله دي بازاري بئش آلتي معمار،

هم ايشيقلاندي او مرحوم قارانليق بازار،

ياتدي ايرانلي يوز ايل، اولدو نهايت بيدار،

ايندي راحت وئره رم جاني، گل آل عزراييل.

بلدييه دايانيب فييل آيمي بير وئردي تكان،

سكيلر دوشدو يئره، اوچدو گؤيه سقف دآان،

اؤلولر ائيله دي هم چئرگيزييه نقل مكان،

ايندي راحت وئره رم جاني، گل آل عزراييل.

قيش گلير تيكديريري بوللو لباس فاخير،

وارلي ساققالي قويور، يوخسول بيچاره باخير،

اؤلمه ديم آخر چرشنبه ني گؤردوم آخير،

ايندي راحت وئره رم جاني، گل آل عزراييل.

ساعت نحسده هرگيز سفر ائتمه ز ملت،

نه توي ائيله ر و نه آستار آؤبه مؤمن ملت،

قمر عقربده دگيل ، خوشدو بو گونلر ساعت،

ايندي راحت وئره رم جاني، گل آل عزراييل.

عيد نوروز گلر خوشدل ائده ر بزازي،

ار فقير اولسا، بوغار غصه و غم گولنازي،

چيت باهادير، خانيمي من نئجه ائيليم راضي،

ايندي راحت وئره رم جاني، گل آل عزراييل.

وئردي بير مصده بو گون ملته شيخ فاضل،

دئدي: جنتده نه چاي واردي، نه مشد اسماعيل،

قلبدن چاي، جيغالا غصه دن اولدو زاييل،

ايندي راحت وئره رم جاني، گل آل عزراييل.

اولدو جمع قيزلاريميز مدرسه نسوانا،

قلم آلدي الينه نامه يازير هر يانا،

آرزو قالمادي قلبيمده، قسم بو جانا،

ايندي راحت وئره رم جاني، گل آل عزراييل.

معجزين سين شريفي اولوب آلتميشدان چوخ،

يوز مين ايلده ياشاسا، عاقبتي يوخدور ، يوخ،

يئميشم يئددي لويني، پيلاوي، قارنيم توخ،

ايندي راحت وئره رم جاني، گل آل عزراييل

معجز شبستری

********************

يوخو

بير گئجه چوخ آغلاديم، ياتديم دل غمگين ايله،

روضه ي رضوانه گيرديم جبه ي پر چين ايله.

چون گذاريم دوشدو اول شاه شهيدان قصرينه،

داخل اولدوم اندرون قصره شوروشين ايله،

مجلسي گؤردوم آي، هرگيز گؤرمه ميشديم مثليني،

قول بويون اولموشدو مولا بير گؤزه ل لاچين ايله.

حوري گؤرجك بنده ني، گولدو بلند آواز ايله،

من ده باخديم شاه دينه ، ديده ي پر آين  ايله.

سؤيله ديم: يا شاه دين، بيز توتموشوق ماتم سنه،

سن و لاآين، آئف چكيرسن بوردا حور العين ايله.

چون منه باخدي، دئدي: باشينداآي بوخچا نه دير؟

سؤيله ديم آي: باشيمي يارديم ياريم آرشين ايله.

سؤيله دي: علت نه دير؟ عرض ائيله ديم: سندن اؤتور!

باخدي بير مدت من بي ياوره توهين ايله.

پس دئدي حيرص ايله: چيخ بوردان، ايا جاهيل آيشي،

گر علمداريم گؤره ، اودلار سني بنزين ايله.

دؤندو بير قصره طرف، عرض ائيله ديم: يا مصطفي!

امتين باشين يارير، قانين تؤآور سيكين ايله.

چكمه ي چين چين ايله مثي ائيلير عيسي ملتي،

امتين حالا گزير اول گؤردوگون لاپچين ايله.

، يثرب  و بطحي  آلير اسلام اليندن مشرآين

. جنتي تسخير ائديرلر شيعه لر ياسين ايله

آافر علميله نئجه گؤر ائيله ميش اسلامي خوار،

باشينا اود ياغديرير طياره و زيبلين ايله.

سينه سين ائيلير مشبك اؤز الي ايله امتين،

آرخاسين زنجير ايله، هم آله سين سكين ايله.

بنده پس عرض ائيله ديم: عفو ائت مني يا سيدي،

چونكي بيز ايلشميشيك موللاي آوته بين ايله.

بيزده يارا يوخ دئيه ك عالملره لا و نعم،

حق دئيه ن آنددن چيخار تكفير ايله ، تلعين ايله.

آاش بو سؤز چيخمايايدي آج دهانيمدان منيم،

بخت يتر اولماز، دئديم بو بنده ي مسكين ايله.

امر اولوبدور خازنه ناگه: توتون بو معجزي،

قوللارين هم باغلاييب، آت دوزخه ، ماشين ايله.

تاپشيرين سيز دوزخين دربانينا، گودسون اونو،

ائتمه سين صحبت جهنم اهلي بو بي دين ايله.

اوچون

دئيه لله  غم يارانيب مندرس عبالار اوچون،

دئيين گدايا کي، حاضير اولا بلالار اوچون.

سن ايشله صبح ومسا ، اي جفا کش دؤران،

مرمت ائيله بينا ، محترم آقالار اوچون.

او حجره حجره ديبا فروشدور درويش،

او حجره ده گئيه جك يوخدو بينوالار اوچون.

قدر ايشين اوزادار، پامبيغين قضايا گيده ر،

فلك گيريب پاچالا بئز توخور گدالار اوچون.

گؤوو يوم بچه بالين گؤره نده، اي مسكين

اونو فقط قاييريب آري اغنيالار اوچون.

کباب ائدر اتين اعيان، قويار پيلاو اوزونه

خدا ائديب قويونو خلق ناخدالار اوچون.

حنا و رنگي غبار  ايله توزدو رنجبرين

اآر حنا ايله رنگي او اغنيالار اوچون.

بلاني سئوديگي انسانلارا وئره ر تاري،

او، هديث عظمالادير، اوليالار  اوچون.

قارا گؤز حوريلري معجزه سايير واعظ،

اؤزونده يوخدو هوس هئچ او مه لقالار اوچون

معجیز شبستری

****************

اي ويلهلم!

گئتدي الدن هر نه وارسا مال ملك  ، اي ويلهلم

قالمادي ائوده مگر قلبير، الك، اي ويلهلم.

بينوا مخلوقا بير دامجي ياغيش ياغديرميري،

ظلم و جوروندن سنين چرخ و فلك، اي ويلهلم.

قيمت بوغدا ترقي ائيله دي گوندن گونه،

سگيز عبّاسي  توتور سگيز چؤره ك، اي ويلهلم.

ديش دايانماز قارشيسيندا، چونكي هر بير باتمانين

داش و آسك وار ايچينده بير چره ك  ، اي ويلهلم.

بو قدر قان ائيله دين بسدير، آفايتدير بالام،

ال وئره ر  ، شيتلنمه، آز قدارا چك، اي ويلهلم.

گون اوزون، آلفت اوروج، دويماج ايله آئچمير عمل،

ريزه آوفته، هم آباب ايستير اوره ك، اي ويلهلم.

معجز بختي قارانين هرنه گلسه باشينا،

هاميسي سندندي، لعن الله لك  ، اي ويلهلم.

بير سورو خيردا اوشاق وار ائوده، عريان، لات و لوت،

قدرتيم چاتمير آلام بير توپ قدك ، اي ويلهلم.

طفل معصومو  قوجاغيمدا آپارديم بزازا،

وئرمه دي بر اؤنلوك ايله بير لچك  ، اي ويلهلم.

بير قپيك  بورج وئرمير استانبولچويا تفليس چيلر،

اسكناس وار هر بيرينده بير اتَك، اي ويلهلم.

باغيميز، بوستانيميز اود توتدو، ياندي سهلدير،

وارليلار بير شربه سو  وئرمير ايچك، اي ويلهلم.

مرحمت آثاري يوخ دولتلي لرده مو قدر،

وارليدان ممكن دئييل پول ايسته مك، اي ويلهلم.

سو ايچينده لعنت ائيلر شمره بو تاجيرلري،

اؤزلري ظلم ائيليري اوندان قشنگ، اي ويلهلم.

قالب بي روحه بنزه ر  بي مروت اغنيا،

خلقي شيرين آام ائده رمي  بوش پتك؟ اي ويلهلم.

صلح باش توتمور، ايشين راست گئتمه يير آيا نه دن؟

حق يانيندا بير گناهين وار دئمك، اي ويلهلم.

بلكه اوغلان قيخديريرسان ساققالي، اونداندي بو؟

چونكي، ائتمه ز فاسيقا  آللاه آمك، اي ويلهلم.

تون به تون ، ساققالي قيخديرماق ظرافتدير مگر؟

هر توآوندن ساللانير مين ملك، اي ويلهلم.

گل گناهين توبه ائيله، آچ يولون استانبولون،

رحم ائله، الدن گئدير دام و ديره ك، اي ويلهلم.

نه باغيمدا بير اريك وار، نه جيبيمده بير قپيك،

ماليات ايسته ر مباشير، نئيلمه يك، اي ويلهلم.

پول وصول اولماز بو ايل ديوانا ، مندن بير شاهي،

وورسالار لوت جانيما يوز يوز آؤتك، اي ويلهلم.

بو اوروجلوقدا خيلاص اولدوق داداش بگدن عجب،

گتدي  بيلدير باشيما يوز مين آلك، اي ويلهلم.

پايدار اولسون جهان ايچره دموآرات فرقه سي،

تا نه قدري واردي دريادا نمك، اي ويلهلم.

آچ يولون استانبولون، رحم ائيله آللاه عشقينه،

خلقله اگلنمه چوخ، بسدير هنك اي ويلهلم.

بورج وئره ن يوخ، قوتيم يوخ ايشله ييم، بس نئيله ييم؟

قند وچاي لازيمدي، هم نان و نمك، اي ويلهلم.

من حاجي زاده نئجه باتمان بئلي شيشليم يئره؟

قولوما لازيمدي بير قالين بيلك، اي ويلهلم.

شعر يازماقدان عبارت بير متاعيم وار منيم؟

اونا دا ايرانلي وئرمه زبير قپيك، اي ويلهلم.

بير بيرينه چالخاديز جمله جهاني هر بيريز

باشيزا ييغديز بئش اون مين بيج، دبنگ، اي ويلهلم.

آي بالام! ال چكميسيز خلقين ياخاسيندان نييه؟

سن بيج اوغلو بيج، حرامزاده فرنگ، اي ويلهلم.

بير گون ائيلر ظالمي ظلم الهي دستگير،

باخ اگر بينادي  سنده مردمك  ، اي ويلهلم.

نيقولا  ظلم ائيله دي، بولدو  جزاسين عاقبت،

گؤر نئجه زنداندا قالميش  چار چك  ، اي ويلهلم.

تورآله روسو باريشدير، انگليسي آت گئده

او قبول ائتمه زسه، في النار و درك  ، اي ويلهلم.

تختيوي تابوت ائدر بير گون سنين ده روزگار،

آيمسه يه رحم ائيله مز ظالم فلك، اي ويلهلم.

قيزلارين، اوغلانلارين بوغسون، گؤروم، خيرنك سنين

يا آپارسين هاميسين بيردن چيچك، اي ويلهلم.

معجز هر وقت جيبلرين يوخلار، گؤره ر بوش، دامجيلار،

گؤزلريندن ياش بسان مرجمك ، اي ويلهلم.

*********************

مثنوي

آه ! وآه ! اي امت خير البشر

گلدي تهراندان بو گون بير بد خبر.

کي، ائديب وهابيان بي ايمان،

روضه پيغمبري بومباردومان.

سالميش ايرانه تزلزل بو خبر،

تعزيه برپا ائديبدير شيعه لر.

گئنه وئردي اذن گؤز ياشينا خلق،

سيلله و يومروق وورار باشينا خلق..

روضه خوانلار الده منديل عزا،

آغلادار خلقي بصوت غم فزا.

سرگذشت کربلادن آرتاجاق،

بو حكايت ائتدي خلقي بي داماق.

آغلادانلار، آغلايانلار مثل نئي،

باشينا سامان سپر اهل گونئي.

مثنويده خوش دئييب ملآي مست،

دم سگ از ريش نادان بهتر است“.

روضه خوانلار شيعه ني بيروح ائده ر

سينه زنلر سينه ني مجروح ائده ر.

چون الين قاوزار گؤيه زنجير زن،

سسله نر زنجير، هم بيت الحزن.

مؤمنين يوخدور توپو، طياره سي،

اؤز اؤزون دؤيمكدير آخير چاره سي.

لعنت ائيلر انگليسه خاص و عام،

انگليسين رنگيدير بو، والسلام.

انگليسه زوروموز چاتمير آمان،

سن يئتيش امداده يا صاحب زمان .

چك قيلينجين حمله ائيله لندنه،

قير، داغيت ماننده توخم پربينه.

غيرتين چوخدور و هم زوروز سنين،

بيزده ايش يوخدور، بيليرسن سن اؤزون.

سن قيلينج وور کافير اؤلدور اي آغا،

من قويوم ساققاليما رنگ و حنا.

وور جيدايا سن او کفارين سرين،

من ائديم سيغه او کافير قيزلارين.

سؤيلر هر کس کوچه و بازاردا

انگليس بارماغي وار بو کاردا.

او ائدير تحريك وهابيلري،

حكمتي وار بو ايشين، اي همشري.

انگليس اول حيله کار آوروپا،

روضه پيغمبري باغلار توپا.

بو جهتدن کي، عجم غمگين اولا،

تعزيه بر پا ائده صبح و مسا.

گونده يوز سيب چاي آلا، مين پوت شكر،

تكيه لرده صرف ائده شام و سحر.

سن ايچرسن چاي، اولارسان اشكريز

گونده بير يوك پول قازانار انگليس.

او بيليرکي، بير مصيبت وئرسه اؤز،

شيعه لر قارا گئيه ر اوغلان و قيز.

لا اقل ايراندا وار اون دؤرد کرور

شيعه خالص، سئواي از شل و کور.

هر بيري آلسا قارا چيك اوچ چرك،

از براي کؤينك و شال و بره ك.

بس گرك وئرسين قيران يئددي کرور،

تا قارا گئيسين گروه بي شعور.

سن کي بيلمه زسن حساب و هندسه،

پس گوجون چاتماز سنين انگليسه.

آغلاماق مشقين وئريب فاضيل سنه،

فاضيل دربندي تك عاقيل سنه.

اوخويوبسان چون فقط سن بير نصاب،

اول جهتدن بيلميسن قارداش حساب.

ضارب و مضروبله اللشمه چوخ

جبر اوخو، ابوابدا بير نفع يوخ.

اؤز بئزين وئر کربلايي باغيرا

هاميسين باسسين کوپه، ائتسين قارا .

اينيوه گئيسن اونو کوسمه ز امام

خوش دئييل رنگيدئمه ز فخر انام.

گر آخوندا سؤيله سه باققاليميز،

کيم دئيه ر قيرخيلماسين ساققاليميز.

هر توکونده ساققالين وار بير ملك،

بو حديثين اولمايا اصلي گرك.

کفرونه امضاأ قويار في الفور آخوت،

هيچ کس آلماز او باققالدان نخود.

انگليس اما سؤيور پيغمبري،

توپا باغلير اول مكان اطهري.

آليريق اوندان گئنه بيز استكان،

لاله و لامپا و قند و چايدان.

ايلده يوزمين استكان مرحوم اولار،

ا نگليسين جيبينه پوللار دولار.

اللي مين سموار قاينار صبح و شام،

بو سماورلر کيميندير، آي بالام؟

باخ، اوتان شالواريوا، تومانيوا،

مخملين يئل ائيله مه جانانيوا.

آلميسان باققالدان ياغ آشيوا،

قويموسان عمامه تنظيف باشيوا.

بس سنه لازم گلير تنبيه اولا

بعد وورروق تازيانه باققالا.

معني پورتستي بيلمك شرطدير،

بيلمه ييرسن، چونكي، ذهنين پرتدير.

لعنت ائتمه انگليس کافره،

ايچمه چايين، استكانين وور يئره.

اطه ، ماهوتا، ماهوت وارييه

مشتري کيمدير عمي چيلوارييه؟

يارماسايدي کله سين ميرزا موسي،

انگليس ساتمازدي اون مين توپ خاصا.

خلقي تحريك ائتمه سه يدي شوشتري،

کيم اولاردي بو متاعه مشتري؟

ووردو باشين منبره فاضيل کيشي

من ده يارديم باشيمي ياي و قيشي.

معجیز شبستری

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: