منیم آنام + بختیار وهاب زاده آنا دیلی شعری

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

آذربایجانین بؤیوک شاعيری بختیار واهابزاده، “منیم آنام” شعرینده بئله دئییر:

منیم آنام

ساوادسیزدیر

آدینی دا یازا بیلمیر

منیم آنام

آنجاق منه

سای اؤیردیب

آی اؤیردیب

ایل اؤیردیب

ان واجیبی دیل اؤیردیب

منیم آنام

بو دیل ایله تانیمیشام

هم سئوینجی

هم ده غمی

بو دیل ایله یاراتمیشام

هر شعریمی

هر نغمه می،

یوخ من هئچم

من یالانام

کیتاب کیتاب سؤزلریمین

مؤلفی : منیم آنام

شاعیر : بختیار وهاب زاده

MƏNİM ANAM

Mənim Anam
Savadsızdır
Adını da yaza bilmir
Mənim anam
Ancaq mənə
Say öyrədib
Ay öyrədib
İl öyrədib
Ən vacibi dil öyrədib
Mənim anam
Bu dil ilə tanımışam
Həm sevinci
Həm də qəmi
Bu dil ilə yaratmışam
Hər şerimi, hər nəğməmi,
Yox mən heçəm, mən yalanam
Kitab kitab sözlərimin
Müəllifi: Mənim anam

Bəxtiyar Vahabzadə

Menim Anam

Savadsızdır
Adını da yaza bilmir
Menim anam…
Ancak mene
Say öğredib
Ay öğredib
İl öğredib
En vacibi dil öğredib
Menim anam.
Bu dil ile tanımışam
Hem sevinci
Hem de gamı
Bu dil yaratmışam
Her şiirimi
Her nağmemi,
Yoh men heçem
Men yalanam
Kitap kitap sözlerimin
Müellifi Menim anam

Şair : Bahtiyar Vahapzade

شاعرین نه دئدیگینی بؤیوک اؤلچوده آنلادینیز؛ اما بئله قیساجا بیر داها دئسه ک، شاعیر دئییر کی: اوخوما بیلمیر، آدینی دا یازا بیلمیر منیم آنام. آنجاق منه، سای سایماغی، آیلاری و ایللری اؤیرتدی. ان اؤنملی سی، دیلیمی  اؤیرتدی. من بو دیل ایله سئوینجی و کدری تانیدیم. من بو دیل ایله شعریمی و موسیقیمی میدانا گتیردیم. اصلینده من بیر هئچیم، من یالانیم. یازدیغیم بو قدر کیتابین گئرچک صاحیبی منیم آنام‌دیر. منیم دویغولاریمی و فیکیرلریمی گؤرسه دن، واهابزاده نین بو شعرینده ترننوم ائدیلمیش. اونسوز دا آنامیزدان اؤیرندیگیمیز دیله “آنا دیلی” دئمیشیک. نه خوش بیر سؤزدور بو. بون‌دان گؤزل بیر شرح اولارمی؟ آنا دیل، آنامیزدان اؤیرندیگیمیز دیل‌دیر. سون ایللرده آرتیق آنامین دیلین‌دن چوخ اوزاقدایام. اونون سسی کیمی سس، اونون سؤزو کیمی سؤز، اونون اوره گی کیمی اوره ک آختاریرام بلکه ده. اونون “قاداسین آلدیغیم” دئییشین‌دکی ایستی‌لیک، دینلدیگیم بو قدر اوزون سؤزلرین ایچری‌سینده یوخ. اونون سؤیلدیگی سؤزلری اینسان‌لار یا بیلمیرلر آرتیق یا دا ایستیفاده ائتمک ایستمیرلر. اونون دمین یئرینه “بایاخ تان” دئییشی، کئچن ایل یئرینه “بیل‌دیر” دئییشی، داها نه طرفین‌دن گؤزل سؤزلر دئییلمیر آرتیق. منیم مملکتیمین مؤحترم اینسان‌لاری آنا‌لارینین دانیشدیق‌لاری کیمی دانیشماق ایستمیرلر. چونکی بو دیل‌دن اوتانیرلار. سونوندا بو گون هر کسین دؤرد نالا گئتدیگی بو دوغال اولمایان دیل(1) ، اصلینه ماراقلی اولمایان اینسان‌لار یارا‌دیر. اؤزونه سؤزونه گووه نیلمز بیر کوتله اینسان… منیم آنام، آناسینا “آبا” دئیردی. منیم آنام ناراحات اولدومو “سیدا” دئیردی. منیم آنام منه گلن بوتون قایغینی، دردی، گوناهی گؤتورمک اوچون “قادامی گؤتورر”، اوغرومدا قوربان اولاردی. منیم آنام منی نیننی‌لرله یاتیردار، ناغیل‌لارلا بؤیودردی. منیم آنام تورک اوشاغی تورکو بئله دئییب تورکو دینلدیردی. منیم آنام، یالنیز دیل اؤیرتمز، عادتی، ناموسو، ویجدانی، عدالتی، اخلاقی دا اؤیردردی. منیم آنام، “آدی گؤزل، اؤزو گؤزل محمد” دئیه ایلاهی‌لری گؤزیاش‌لاری ایله دین‌لر و دینلدیردی. آلنینین سجده‌سیز، آغیزین دعا‌سیز اولمایاجاغینی گؤسترردی. منیم آنام، جئهیز ساندیغیندا تورک بایراغی داشییار، تورک عسگری گؤردومو اؤز ائولادین‌دان بیر فرق گؤرمه یه رک ساری‌لار، عسگرلریمیزه خئییر-دوعا‌لاری ائدردی. بیزیم آنا‌لاریمیز، خلیل ایبراهیم برکتیله برکتلندیردیک‌لری سوفره‌لرینی هر کسه آچار، وارلیغی دا یوخ‌لوغو دا چوخ یاخشی بیلردی‌لر. بیزیم آنا‌لاریمیز “حالال سودون” نه اولدوغونو بیلر و هر واخت “حالال سود اممیشی” آختاراردی‌لار. بیزیم آنا‌لاریمیز تورکجه نی دوغال شکلیده دانیشار، سؤزو، اؤزلرین‌دکی کیمی دوم دوز سؤیلیردی‌لر. ایندی منیم آنامین دیلینی گؤبود و مدنیت‌سیز بیلن لر، بیر آینا گؤتوروب اؤزلرینه باخسین‌لار. اگر بو دیلی اونوتسان، اؤز آنانی اونوتموش کیمی اولارسان. اگر بو دیلی اونوتسان، گئرچک دئییل خیال کیمی اولارسان. اگر بو دیلی اونوتسان، اؤزون دئییل باشقاسی کیمی اولارسان.

آنامین بو گؤزل دیل‌لری

خوش‌دور، قاداسین آلدیغیم

بو دیلی اونودوب گئتمک

بوش‌دور، قاداسین آلدیغیم

بو سؤزلریم سنه واردی

هر کس بیر شئی‌لر گؤتوردو

سنین اوزون نیه قاراردی؟

کوسمه، قاداسین آلدیغیم

ائرجیس(2) دن اسن یئل‌لر

اطرافیندا دسته گول‌لر

آنان سنه نه لر سؤیله ر

دینله، قاداسین آلدیغیم

(آذربایجانین مشهور شاعری بختیار واهابزاده 1925-جی ایلده شکی ده دوغولدو و 13 فئورال 2009 تاریخینده ده وفات ائتدی. الله رحمت ائتسین. تورک دونیاسی، چوخ بؤیوک بیر شاعیرینی ایتیردی. بوتون تورک دونیاسینین باشی ساغ اولسون.)

اتك يازي:

1- yapmacık dil

2- آغ دنیزین یانیندا اولان سونموش و اسکی ده یانار اولان بیر داغ.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: