آذربایجان اوغلویام + دده کاتیب

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

بو شعر اوستاد عبدالرحمن طیارا عائیتدیر کی دده کاتب اولاراک تانیلیر.دده کاتیب اورمیه و سلماس آراسیندا اولان قولونجو کندیندندیر کی کوره سونلیدیر.بو کوره سونلی شاعیرینه عائید کیتابلار واردیر آشاغی دا بو شاعیردن بیر شعر اوخویاق

آذربایجان اوغلویام

یارادانین قدرتینه چوخ شکر

ایسته یب یارادیب انسان اوغلیام

یوردومو سئوره م سویومو دانمام

تورک دیللی من مسلمان اوغلیام

سئوره م یوردومون قوچ اوغلانلارین

اوستون شاعرلرین خوش داستانلارین

ساواش میدانیندا قهرمانلارین

اوغروندا باش وئرن قوربان اوغلیام

حقّ عاشقی حقدن آلار پاینی

هدر ائتمز بیلر عومرون ساینی

قووالارام یوردوموزدان خاینی

تولکودن قورخمارام آسلان اوغلیام

ترپنیر گونلومده دوغرو دویغولار

قویمام یوردو موزدا قونسون بایقوشلار

منی قورخودانماز هر کیچیک سولار

دالغالی د نیز ده طوفان اوغلیام

دده کاتب وطن عشقی جانیمدا

غیرت داماریمدا ایستی قانیمدا

اولونجه دورموشام دوز پیمانیمدا

ایرانلیام آ ذر بایجان اوغلیام

یارادانا شکر ائیلرم من مسلمان اوغلیام

دیو-اجنّه دگیلم بلکه انسان اوغلیام

ذاتیم دوغرو ُ سودوم دوغرو عقد صحیح اولادی

دوز نطفه دن دوغولموشام حکم قرآن اوغلیام

اساس سویوم تورک دور منیم من اوغوذ نسلیندنم

شکّ شبهه یوخوموزدور یوزده یوز نسلیندنم

افتخارلی آذر بایجان دوغرو-دوز نسلیندنم

سوز اوستادی دده قور قوت عین اوز نسلیندنم

سانلی –شانلی تاریخیمیز دوغرو باستان اوغلیام

آذربایجان بئشیگنده قهرمانلار بسلنیب

شاعرلری سانا گلمز غزلخوانلار بسلنیب

آدی بللی باغیر خانلار ستار خانلار بسلنیب

دشمنه دال دوندر مه ین قوچ اوغلانلار بسلنیب

یاتمام تولکی دالداسیندا ارکک آسلان اوغلیام

دده کاتب بیر رنگیم وار هر رنگه بویانمارام

ملّتیمی تعریف ائتسم اولونجه اوسانمارام

آذری یم تورک اوغذاتیمی خور سانمارام

پارچا –پارچادوغراسالار اوزلوگومو دانمارام

مسلمانام ایرانلیام آذربایجان اوغلیام

Filed under: باشقا شاعیرلر, تورکی شعرلر Türkcə şeirlər | Tagged: قولونج, آذربایجان, آذربایجان قولونجو, آذربایجان اوغلو, آذربایجان اوغلویام, آذربایجان اوغلی, آذربایجان اوغلیام, آذربایجان شعرلری, تورک اوغلو, تورکی شعر, تورکجه شعرلر, ده ده کاتیب, دده کاتیب, عبدالرحمن طیار

آدرس جدید وبلاگ دوزلو اوغلان
دوزلو اوغلانین یئنی آدرسی فیلترسیز
duzluoglan yeni adresdə filtersiz

http://duzluoghlan.wordpress.com

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: