دوغوم گونون موبارک – وحید شکرزاده doğum günün mübarək

Doğma günün mübarək

Doğma günün mübarək ey mənə mehrıban yar

Qurban olum mən sənə gözləri can alan yar

Mülke süleyman verim hədiyə qızıldan verim

Qızıl nədi can verim sevgimi tək qanan yar

Məsto xumarsan bugün eşqə duçarsan bugün

Heyranın oldu könül qaşları ey kaman yar

Üzün dəyər min gülə səsin dəyər bulbulə

Getmə dayan sözüm var məni görüb qaçan yar

Şəmivə pərvanəyəm eşqivə divanəyəm

İstəyirəm çox səni dərdə məni salan yar

Həmişə sən şad yaşa az yaşa azad yaşa

Bu günlərin çox olsun nazlı gözəl cavan yar

Bugün şirin şəkərsən dunyanı sən bəzərsən

Bir dəli şeytan deyir alım sənin qadan yar

Şair : Vəhid Şükürzadə

دوغما گونون موبارک

دوغما گونون موبارک ، آی منه مهریبان یار

قوربان اولوم من سنه ، گؤزلری جان آلان یار

ملک سلیمان وئریم ، هدیه قیزیلدان وئریم

قیزیل نه دی جان وئریم ، سئوگیمی تک قانان یار

مست و خومارسان بوگون ، عشقه دوچارسان بوگون

حیرانین اولدی کونول ، قاشلاری آی کامان یار

اوزون دَیر مین گوله ، سسین دَیر بولبوله

گئتمه دایان سؤزوم وار ، منی گؤروب قاچان یار

شمعیوه پروانه یم ، عشقیوه دیوانه یم

ایستییرم چوخ سنی ، درده منی سالان یار

همیشه سن شاد یاشا ، آز یاشا آزاد یاشا

بو گونلرین چوخ اولسون ، نازلی گوزل جاوان یار

بوگون شیرین شَکرسن ، دونیانی سن بَزرسن

بیر دلی شیطان دییر ، آلیم سنین قادان یار

شاعیر : وحید شکرزاده

باخدیقجا – علی آقا واحید

باخدیقجا

کونوللر قان اولور سنسیز ، گول حمیرایه باخدیقجا

گوزللر یاد ائدیر خورشید رویین ، آیه باخدیقجا

اگر گول لب لرین ، می مجلیسینده گئچسه خاطیردن

الیمده قان اولور بادم می مینایه باخدیقجا

فضای عشقده دیوانه لیک دن باشقا شئی یوخدور

بیلر افسانه دیر (( مجنون ایله لیلایه )) باخدیقجا

منیم عاشیق لیقیم مجنون دان آرتیق دیر بیلیر عالم

اونو یاد ائیله مز هر کیم من رسوایه باخدیقجا

طبیعتده نه گیزلین سرّلار وار ایندی ظاهیردیر

قالیر حیرت ده انسان هر بت زیبایه باخدیقجا

سنی گولزار ایچینده گول گوررکن یاد ائدر ائللر

منی خاطیرلایاللار بوبول شیدایه باخدیقجا

محبت سیز گوزل سیز گون گئچیرمک هئچ نه دیر واحید

یئنه سئومک ، سئویلمک یاخشی دیر دونیایه باخدیقجا

علی آقا واحد