QAZI VƏ XORUZ
Qazının hǝyǝtindǝ axsaq bir xoruz var idi. Bir gün
hǝyǝtdǝ eşǝlǝnǝrkǝn xoruz bir manqur («qara yarım
qǝpiklik») tapır. Xoruz manquru dimdiyinǝ götürüb hǝyǝtin
ortasına qoyur vǝ banlamağa başlayır: «Quqqulu-qu, bir
dǝnǝ manqur tapmışam!» Qazı adamlarını göndǝrdi,
manquru xoruzdan aldılar.
Xoruz yenǝ banladı: «quqqulu-qu, qazı mǝnǝ
möhtajmış»
Qazı adamlarına dedi: «Aparın, xoruzun manqurunu
qaytarın»
Xoruz manquru alıb yenǝ banlamağa başladı:
«Quqqulu-qu, qazı mǝndǝn qorxarmış!»
Qazı yenǝ öz adamlarına dedi: «Bu xoruz mǝni tǝngǝ
gǝtirdi. Gedin, başını kǝsin, bişirib plovun üstünǝ qoyun.
Onu yeyǝjǝyǝm».
Xoruzun başını kǝsǝndǝ o yenǝ bǝrkdǝn banlayıb dedi:
«Quqqulu-qu, nǝ iti bıçaqmış!»
Xoruzun başını kǝsǝndǝn sonra qazana salıb bişirdilǝr.
Xoruz qazanda da banladı: «Quqqulu-qu, nǝ isti hamamdır!»
Plovu bir böyük nimçǝyǝ çǝkib xoruzu üstünǝ qoydular.
Xoruz banladı: «Nǝ ağja tǝpǝdir!»
Qazı xoruzu parçalayıb yemǝyǝ başladı. Çeynǝyib
udanda xoruz banladı: «Nǝ darja küçǝdir!» ..Xoruz
plovqarışıq qazının qarnına düşǝndǝ bir dǝ banladı:
«Quqqulu-qu, nǝ lehmǝ dǝrǝdir!»
Qazı o qǝdǝr yedi ki, qarnı partladı. Xoruz qazının
qarnından çıxıb banladı: «Quqqulu-qu, qazının qarnı yırtıldı,
mǝnim janım qurtuldu!»
Filed under: ناغیل و حیکایه,آذربایجان ادبیاتی Azərbaycan ədəbiyati | Tagged: hikayə,nağıl,qazı və xoruz,قاضی و خوروز,ناغیل,تورکی ناغیل | Leave a comment »